ଗୋଟିଏ କୂଅ ବଦଳାଇ ଦେଲା ପରିବାରର ଜୀବନ, ଋଣରୁ ମିଳିଲା ମୁକ୍ତି, ପରିବାର ପାଇଁ ବରଦାନ ପାଲଟିଲା କୂଅ,ଜାଣନ୍ତୁ ପୁରା ଖବର

ଛତିଶଗଡର ବିଜାପୁର ଜିଲ୍ଲାର ଧନୋରା ଗାଁରେ ଗୋଟିଏ କୂଅ ହିଁ ମହିମା କୁଡିୟମ୍ ଏବଂ ତାଙ୍କ ପରିବାରର ଜୀବନ ବଦଳାଇ ଦେଇଛି । ଏହି କୂଅ ପାଇଁ ବର୍ତ୍ତମାନ ତାଙ୍କ ପରିବାର ଋଣ ମୁକ୍ତ ହୋଇପାରିବେ ।

ପୂର୍ବରୁ ମହିମା କୁଡ଼ିୟମ ଏବଂ ତାଙ୍କ ସ୍ଵାମୀ ଜେମସ କୁଡିୟମ ଖରିଫ ଋତୁରେ ନିଜର ଚାରି ଏକର ଜମିରେ ଧାନ ଉତ୍ପାଦନ କରି ବହୁତ୍ କଷ୍ଟରେ ନିଜ ଜୀବନ ବିତାଉଥିଲେ । ଜେମସ କୁଡିୟମ କହିଛନ୍ତି ଯେ ତାଙ୍କ ଜମିରେ ପାଣି ମଡେଇବା ପାଇଁ ସୁବିଧା ନ ଥିବାରୁ ସେମାନେ ବର୍ଷା ଉପରେ ନିର୍ଭର କରୁଥିଲେ ଏବଂ ବର୍ଷରୁ 15-20 କ୍ଵିଣ୍ଟାଲ ଧାନ ଉତ୍ପାଦନ କରୁଥିଲେ ।

ଟ୍ରାକ୍ଟର ଋଣ ଶୁଝି ପାରୁନଥିଲା ପରିବାର :-

ସୂଚନା ଅନୁଯାୟୀ, ଜେମସ କୁଡିୟମ 2017 ମସିହାରେ ବ୍ୟାଙ୍କରୁ ଋଣ ଆଣି ଟ୍ରାକ୍ଟର କିଣିଥିଲେ । ଯେଉଁଥିପାଇଁ ତାଙ୍କୁ ପ୍ରତି 6 ମାସରେ 73 ହଜାର ଟଙ୍କା ଦେବାକୁ ପଡ଼ିଥିଲା । ଆୟ ସୀମିତ ଏବଂ ଆଖପାଖ ଅଞ୍ଚଳରେ ଟ୍ରାକ୍ଟର କୁ ଅଧିକ କାମ ମିଳୁନଥିବା କାରଣରୁ ସେ ସବୁ କିସ୍ତି ଠିକ୍ ସମୟରେ ଦେଇପାରୁ ନଥିଲେ । ତେଣୁ କିସ୍ତି ବଢି ଚାଲିଥିଲା ଏବଂ ପରିବାର ଉପରେ ବହୁତ୍ କଠିନ ପରିସ୍ଥିତି ଲାଗି ରହିଲା ।

କୂଅ ଖୋଳିବା ପାଇଁ ମିଳିଲା ପରାମର୍ଶ :-

ଏହି ଅସୁବିଧା ମଧ୍ୟରେ ଦିନେ ମହିମା କୁଡିୟମଙ୍କୁ ଧାନର ଶୁଖିଲା ଫସଲକୁ ଦେଖି ଗ୍ରାମ ରୋଜଗାର ସହାୟକ ମନରେଗା ଯୋଜନାରେ ଅଧୀନରେ ଜମିରେ କୂଅ ନିର୍ମାଣ କରିବାକୁ ପରାମର୍ଶ ଦେଲେ । ପରାମର୍ଶ ପାଇବା ପରେ ସେ ନିଜ ଜମିରେ କୂଅ ଖୋଳିବା ପାଇଁ ଗ୍ରାମ ପଞ୍ଚାୟତରେ ଆବେଦନ କଲେ ।

ପଞ୍ଚାୟତରେ ମନରେଗା ଅଧୀନରେ ତାଙ୍କ ଜମିରେ କୂଅ ନିର୍ମାଣ କାମକୁ ସ୍ବୀକାର କରାଗଲା ଏବଂ ଫେବୃଆରୀ 11 ତାରିଖ 2019 ମସିହାରେ ଏହାର ଖୋଳିବା କାମ ମଧ୍ୟ ଆରମ୍ଭ ହୋଇଗଲା । ସାତ ଫୁଟ ଗଭୀରରେ ହିଁ ପାଣି ଦେଖାଯିବା ଆରମ୍ଭ ହେଲା । ଚାରି ମାସର କାମ ପରେ ଜୁନ 11 ତାରିଖ 2019ରେ କୂଅ ପ୍ରସ୍ତୁତ ହେଇଗଲା । କୂଅରେ ପାଣି ପୁରିଲା ।

ଏହିପରି ବଦଳିଗଲା ଚିତ୍ର :-

ମହିମା କୁଡ଼ିୟମ କହିଛନ୍ତି ଯେ ତାଙ୍କ କୂଅରେ ଯଥେଷ୍ଟ ପାଣି ଅଛି । ସେମାନେ କୁଅର ପାଣିକୁ ନିଜର ଚାରି ଏକର ଜମିରେ ଧାନ ଚାଷ ପାଇଁ ବ୍ୟବହାର କରନ୍ତି । ଏହାଦ୍ବାରା ଧାନର ଉତ୍ପାଦନ ବର୍ତ୍ତମାନ ପ୍ରାୟ 50 କ୍ଵିଣ୍ଟାଲ ହୋଇଯାଇଛି । ଏଥିରୁ ସେ କିଛି ନିଜ ପାଇଁ ରଖି ଆଉ ସବୁ ବିକ୍ରି କରିଥାନ୍ତି ।

ନୂଆଁ ବିଜନେସ ମଧ୍ୟ ଆରମ୍ଭ କଲେ :-

ସେ କୂଅ ସହିତ ଲାଗିଥିବା ନିଜର ଏକ ଏକର ଖାଲି ଜମିରେ କୂଅ ପାଣି ବ୍ୟବହାର କରି ଇଟା ତିଆରି କାମ ମଧ୍ୟ ଆରମ୍ଭ କଲେ । ଗତ ତିନି ବର୍ଷ ହେଲାଣି ସେ ଲାଲ ଇଟା ର ବିଜନେସ କରୁଛନ୍ତି । ସ୍ଥାନୀୟ ସ୍ତରରେ ତାଙ୍କ ପରିବାର ଦ୍ଵାରା ତିଆରି କରାଯାଉଥିବା ଇଟା ର ବହୁତ୍ ଡିମାଣ୍ଡ ରହିଛି । ଇଟା ବିକ୍ରିରୁ ତାଙ୍କୁ 2019ରେ 50 ହଜାର, 2020ରେ ଏକ ଲକ୍ଷ ଟଙ୍କା ଏବଂ 2021ରେ ଦେଢ଼ ଲକ୍ଷ ଟଙ୍କା ରୋଜଗାର ମିଳିଛି । ବର୍ତ୍ତମାନ ଋଣ ମଧ୍ୟ ବହୁତ୍ ଶୀଘ୍ର ଶୁଝି ପାରୁଛନ୍ତି ଏବଂ ପରିବାରର ଆର୍ଥିକ ଅବସ୍ଥା ମଧ୍ୟ ବର୍ତ୍ତମାନ ଭଲ ରହିଛି ।