ବ୍ୟାଚଲର ପିଲାମାନଙ୍କ ସହିତ ଫୋନରେ ମିଠା ମିଠା କଥା ହେଉଥିଲା ଡ୍ରିମ୍ ଗାର୍ଲ,ତାପରେ ସାମ୍ନାକୁ ଆସିଲା ବଡ ସତ,ଜାଣନ୍ତୁ ପୁରା ଘଟଣା

କୁଆଁରା ପୁଅ ଟାର୍ଗେଟ ଏବଂ ଫୋନରେ ମିଠା ମିଠା କଥା, ଯିଏ ଫଶିଗଲା ତାଠାରୁ ହଜାର ହଜାର ଟଙ୍କାର ଲୁଟ । ଆଜ୍ଞା ହଁ, କିଛି ନାବାଳିକା ଝିଅମାନଙ୍କୁ ଚାକିରୀରେ ରଖି ସେମାନଙ୍କୁ ଡ୍ରିମ୍ ଗାର୍ଲ୍ କରାଯାଇଥିଲା । ସେମାନଙ୍କୁ କାମ ଦିଆଯାଇଥିଲା ଯେ ପ୍ରେମଭରା କଥା ହୋଇ ଯୁବକମାନଙ୍କୁ ନିଜ ଜାଲରେ ଫସାଇବା ଏବଂ ତାପରେ ଧନ ଲୁଟ କରିବା । କିନ୍ତୁ ଏହି କଳା ଧନ୍ଦା ଅଧିକ ସମୟ ପର୍ଯ୍ୟନ୍ତ ଚାଲି ପାରିଲା ନାହିଁ ଏବଂ ପୋଲିସ ଏହି ଧନ୍ଦାର ପରଦା ଫାର୍ସ କରିଦେଲା ।

11ଟି ରାଜ୍ୟରେ ଚାଲିଥିଲା ଖେଳ :-

ଏହି ଖେଳ ମଧ୍ୟପ୍ରଦେଶରେ ଚାଲୁଥିଲା । ଗ୍ୱାଳୀୟର ପୋଲିସ ଏମିତି ଗୋଟିଏ ଗ୍ୟାଙ୍ଗର ପରଦା ଫାର୍ସ କରିଛି, ଯାହା 11ଟି ରାଜ୍ୟରେ ଆକ୍ଟିଭ ଥିଲା । ଏହି ଗ୍ୟାଙ୍ଗ ର ସଦସ୍ୟମାନଙ୍କ କାମ ଏପରି ଯୁବକଙ୍କୁ ଫସାଇବାର ଥିଲା, ଯେଉଁମାନେ ବିବାହ ଯୋଗ୍ୟ ହୋଇ ସାରିଛନ୍ତି ଏବଂ ଅନଲାଇନ୍ ରେ ନିଜର ଜୀବନସାଥି ଖୋଜୁଛନ୍ତି । ଏହି ଯୁବକଙ୍କୁ ଟାର୍ଗେଟ କରି ଏହି ଗ୍ୟାଙ୍ଗ କଳାଟଙ୍କା ରୋଜଗାର କରୁଥିଲା । ଗ୍ୟାଙ୍ଗର ଖୁଲାସା ହେବାପରେ ଯେତେବେଳେ ପୋଲିସ ଯାଞ୍ଚ କଲା, ସେତେବେଳେ ଅନେକ ଆଶ୍ଚର୍ଯ୍ୟଜନକ ଖୁଲାସା ହେଲା ।

ନାବାଳିକା ଝିଅମାନେ କରୁଥିଲେ ଫୋନ୍ :-

ଏହି ଗ୍ୟାଙ୍ଗ ନକଲି ମେଟ୍ରୋମୋନିୟଲ ସାଇଟ୍ ତିଆରି କରି ରଖିଥିଲେ । ଏହି ଠକ ମାନେ ସମ୍ପର୍କ ଡଟ କମ, ବିବାହ ବନ୍ଧନ ଏବଂ ଅନଲାଇନ୍ ମ୍ୟାଚ୍ ପଏଣ୍ଟ ନାମରେ ନକଲି ମ୍ୟାରେଜ୍ ଭ୍ୟୁରୋ ଖୋଲିଥିଲେ । ଏହି ସ୍ଥାନଗୁଡିକରେ ନାବାଳିକା ଝିଅମାନଙ୍କୁ ସ୍ୟାଲେରି ଦେଇ ରଖାଯାଉଥିଲା । ଏମାନଙ୍କ କାମ ସେହି ଯୁବକମାନଙ୍କୁ ଫୋନ୍ କରିବା ଥିଲା, ଯେଉଁମାନେ ଏମାନଙ୍କ ୱେବସାଇଟକୁ ଭିଜିଟ କଲେ । ଏହାପରେ ମିଠା ମିଠା କଥା କହି ସେମାନଙ୍କୁ ଫସାଯାଉଥିଲା ।

ହଜାର ହଜାର ଟଙ୍କା କରୁଥିଲେ ଆଦାୟ :-

ଏହି ନାବାଳିକା ଝିଅମାନଙ୍କର କାମ ଥିଲା ପ୍ରଥମେ ରେଜିଷ୍ଟ୍ରେସନ୍ କରାଇବା । ଏଥିପାଇଁ ସେମାନେ 500ରୁ 1000 ଟଙ୍କା ପର୍ଯ୍ୟନ୍ତ ଆଦାୟ କରୁଥିଲେ । ଏହାପରେ ବିବାହ ପାଇଁ ଇଛୁକ ଯୁବକଙ୍କୁ ହେବାକୁ ଯାଉଥିବା କନ୍ୟା କରି ଏମାନଙ୍କ ମଧ୍ୟରୁ ହିଁ କୌଣସି ଅନ୍ୟ ଝିଅ ସହିତ କଥା କରାଇ ଦିଆଯାଉଥିଲା । ଯେତେବେଳେ ଯୁବକମାନେ ସେମାନଙ୍କ ଜାଲରେ ଫସି ଯାଉଥିଲେ, ସେତେବେଳେ ସେମାନେ ସାହାଯ୍ୟ ନାମରେ କେତେବେଳେ 5ହଜାର ତ ଆଉ କେତେବେଳେ 10 ହଜାର ଟଙ୍କା ମାଗୁଥିଲେ । ଯୁବକ ପଇସା ପଠାଇବା ପରେ ଏମାନେ ଗାଏବ ହୋଇ ଯାଉଥିଲେ ।

ଗ୍ବାଲିୟର ପୋଲିସକୁ ମିଳିଲା ସୂଚନା :-

ଏହି ଜାଲିଆତିର ଗୁପ୍ତ ସୂଚନା ଗ୍ବାଲିୟର ପୋଲିସକୁ ମିଳିଥିଲା । ଏହାପରେ ଯେତେବେଳେ ପୋଲିସ ତିନୋଟି ଅଫିସରେ ଚଢ଼ାଉ କରିଥିଲା, ସେତେବେଳେ ସତ ସାମ୍ନାକୁ ଆସିଲା । ଏହି ଲୋକମାନେ ପୁରା କଲ ସେଣ୍ଟର୍ ଚଳାଉଥିଲେ, ଯେଉଁଠାରୁ କଲିଙ୍ଗ କରାଯାଉଥିଲା । ଏହାର ନେଟୱର୍କ 11ଟି ରାଜ୍ୟରେ ବ୍ୟାପିଥିଲା । ଏହାର ଠକାମୀର ଶିକାର ମଧ୍ୟପ୍ରଦେଶ ଠାରୁ ଆରମ୍ଭ କରି ୟୁପି, ଦିଲ୍ଲୀ ଏବଂ ଉତ୍ତରାଖଣ୍ଡ ଲୋକ ମଧ୍ୟ ହୋଇଛନ୍ତି । ଚଢ଼ାଉରେ କଲିଙ୍ଗ ରେଜିଷ୍ଟର, 40ଟି ସିମରୁ ନେଇ 25ଟି ମୋବାଇଲ ଏବଂ ଲାପଟପ୍ ମିଳିଛି । ଏହି ଗ୍ୟାଙ୍ଗ 2 ବର୍ଷ ମଧ୍ୟରେ ଲୋକମାନଙ୍କ ଠାରୁ ପ୍ରାୟ 50 ଲକ୍ଷ ଟଙ୍କା ଠକି ନେଇଛନ୍ତି । ପୋଲିସ ବର୍ତ୍ତମାନ ଏମାନଙ୍କର ଅନ୍ୟ କନେକସନ୍ ମଧ୍ୟ ଖୋଜିବାରେ ଲାଗିପଡ଼ିଛି ।