ୟୁକ୍ରେନ- ରୁଷିଆ ଯୁଦ୍ଧ : ଝିଅକୁ ଛାଡି ଯିବା ସମୟରେ ବୁକୁଫଟା କାନ୍ଦ କାନ୍ଦିଲେ ବାପା, ଭିଡିଓ ଦେଖିଲେ ହୃଦୟ କାନ୍ଦି ଉଠିବ
Get real time updates directly on you device, subscribe now.
ରୁଷର ରାଷ୍ଟ୍ରପତି ଭ୍ଲାଦିମର ପୁଟିନ ଦ୍ୱାରା ୟୁକ୍ରେନ ସହ ଯୁଦ୍ଧ ଘୋଷଣା ପରେ ରୂଷ ସେନାର ଆକ୍ରମଣ ବଢି ଚାଲିଛି|ରୂଷ ସେନା ୟୁକ୍ରେନ ସହରରେ ସୈନ୍ୟଙ୍କୁ ଟାର୍ଗେଟ କରୁଛନ୍ତି|ରୂଷ ୟୁକ୍ରେନର ଏୟାର ଡିଫେନ୍ସ ସିଷ୍ଟମକୁ ନଷ୍ଟ କରିଥିବା ଦାବି କରିଛନ୍ତି|୨୪ ଫେବୃଆରୀ ଗୁରୁବାର ସକାଳ ପୂର୍ବରୁ ଆକ୍ରମଣ ପରେ ବହୁ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି|ଏଥିରେ ଗୋଟିଏ ଇମୋସନାଲ ଭିଡିଓ ଭାଇରାଲ ହେଉଛି|ଏହାକୁ ଦେଖିବାପରେ ଆପଣଙ୍କ ହୃଦୟ ମଧ୍ୟ ଥରି ଉଠିବ|
ଆମେ ସମସ୍ତେ ଜାଣୁ ଯେ ଯୁଦ୍ଧ ଏକ ବିନାଶକାରୀ ପ୍ରକ୍ରିୟା|ଏଥିରେ କେବଳ ଲୋକଙ୍କ ଜୀବନ ଯାଇପାରେ|ଏଥିରେ କାହାର ଲାଭ ହୁଏ ନାହିଁ|ନିଜର ଓ ପରିବାର ଲୋକଙ୍କ ଜୀବନ ବଞ୍ଚାଇବା କଷ୍ଟକର କାମ ମଧ୍ୟରେ ଅନ୍ୟତମ|ରୂଷ -ୟୁକ୍ରେନ ଯୁଦ୍ଧ ଓ ଏହାପରେ ଏକ ଭିଡିଓ ଭାଇରାଲ ହେଉଛି|ଯେପରିକି ଆପଣ ଭିଡିଓରେ ଦେଖିପାରିବେ ଜଣେ ବାପା ବସରେ ନିଜର ଝିଅକୁ ବିଦାୟ ଜଣାଉଛନ୍ତି|ଏହି ସମୟରେ ବାପ- ଝିଅ ଆଖିରେ ଲୁହ ଆସିଗଲା|ଏହି ଭିଡିଓକୁ ଟୁଇଟରରେ @ଲିଲ୍_ୱଇହିନ୍ଦ ନାମକ ଏକାଉଣ୍ଟରେ ସେୟାର କରାଯାଇଛି|ଏହାକୁ ୩ ଲକ୍ଷରୁ ଉର୍ଦ୍ଧ୍ବ ଭିଉ ମିଳିଛି|
A Ukrainian father says goodbye to his family, while he stays behind to fight the Russians😭#Ukraine #StopWar pic.twitter.com/g3DuFKM5Op
— Lil (@lil_whind) February 24, 2022
ଭିଡିଓର କ୍ୟାପ୍ସନରେ ଲେଖାଅଛି,”ଜଣେ ୟୁକ୍ରେନୀ ବାପା ନିଜର ପରିବାରକୁ ବିଦାୟ ଜଣାଇଥାଏ , ଯେତେବେଳେ ସେ ରୂଷ ସହ ଲଢିବା ପାଇଁ ଯାଏ”|ବହୁଲୋକ ଭିଡିଓ ଦେଖିବାମାତ୍ରେ ଇମୋସନାଲ କମେଣ୍ଟ କରୁଛନ୍ତି|ଜଣେ ୟୁଜର ଲେଖିଛନ୍ତି,”ଭଗବାନ ଏହି ବାପା ଓ ୟୁକ୍ରେନର ରକ୍ଷା କରନ୍ତୁ”|ଆଉଜଣେ ୟୁଜର ଲେଖିଛନ୍ତି,”ଭଗବାନ ଏହି ବ୍ୟକ୍ତିଙ୍କୁ ନିଜର ପରିବାର ସହ ଶୀଘ୍ର ମିଶାଇ ଦିଅନ୍ତୁ”|ଆଉଜଣେ ୟୁଜର ଲେଖିଛନ୍ତି,”ଏହା ବାସ୍ତବରେ ହୃଦୟ ବିଦାରକ ଭିଡିଓ ଅଟେ”|କମେଣ୍ଟ ସେକ୍ସନରେ ବହୁ ଲୋକ ନିଜ ନିଜର ପ୍ରତିକ୍ରିୟା ପ୍ରକାଶ କରିଛନ୍ତି|
