ଦେଖନ୍ତୁ ଭିଡ଼ିଓ : ଆମ୍ବୁଲାନ୍ସ ପଛେପଛେ ୮ କିଲୋମିଟର ପର୍ଯ୍ୟନ୍ତ ଦୌଡ଼ି ଦୌଡ଼ି ହସ୍ପିଟାଲରେ ପହଞ୍ଚିଲା ଘୋଡ଼ି, ଭଉଣୀର ଚିକିତ୍ସା ପାଇଁ ରହିଲା ପାଖରେ
Get real time updates directly on you device, subscribe now.
ରାଜସ୍ଥାନର ଉଦୟପୁରରେ ଦୁଇ ପଶୁଙ୍କ ମଧ୍ୟରେ ମଣିଷ ପରି ସ୍ନେହ ଏବଂ ପ୍ରେମ ଦେଖିବାକୁ ମିଳିଥିଲା । ଏଠାରେ ଗୋଟିଏ ଘୋଡ଼ି ହଠାତ୍ ଅସୁସ୍ଥ ହୋଇଯାଇଥିଲା । ତାକୁ ଆମ୍ବୁଲାନ୍ସ ଯୋଗେ ଡାକ୍ତରଖାନା ନେବାକୁ ସମୟ ଆସିଗଲା । ଯେତେବେଳେ ଲୋକମାନେ ଆମ୍ବୁଲାନ୍ସରେ ଏହି ଘୋଡ଼ିକୁ ନେଇ ଚାଲିବା ଆରମ୍ଭ କଲେ ସେତେବେଳେ ସମସ୍ତେ ଏହା ଦେଖି ଆଶ୍ଚର୍ଯ୍ୟ ହୋଇଗଲେ ଯେ ଆଉ ଗୋଟେ ଘୋଡ଼ି ଆମ୍ବୁଲାନ୍ସ ପଛେ ପଛେ ଦୌଡ଼ି ଚାଲିଆସୁଛି । ଏହି ଘୋଡ଼ି ହସ୍ପିଟାଲରେ ବି ପହଂଚିଗଲା । ଆମ୍ବୁଲାନ୍ସ ପଛରେ ଘୋଡ଼ି ଦୌଡୁଥିବାର ଭିଡ଼ିଓ ବି ସାମ୍ନାକୁ ଆସିଛି ପୁରା ଘଟଣା ଟି କଣ ଆପଣଙ୍କୁ ଆଗକୁ କହିବୁ ।
ଉଦୟପୁରରେ ପଶୁ ପ୍ରତି ପଶୁର ଅନନ୍ୟ ପ୍ରେମ ଏବଂ ସ୍ନେହ ଦେଖିବାକୁ ମିଳିଥିଲା । ଏଠାରେ ଏକ ଅସୁସ୍ଥ ଘୋଡ଼ିକୁ ଚିକିତ୍ସା ପାଇଁ ଆନିମଲ୍ ଏଡ୍ ସୋସାଇଟି ତରଫରୁ ଡାକ୍ତରଖାନାକୁ ନିଆଯାଉଥିଲା । ସେହି ସମୟରେ ତାଙ୍କ ଭଉଣୀ ସେହି ଆମ୍ବୁଲାନ୍ସ ପଛେ ପଛେ ପ୍ରାୟ ୮ କିଲୋମିଟର ପର୍ଯ୍ୟନ୍ତ ଦୌଡ଼ିଯାଇ ଡାକ୍ତରଖାନାରେ ପହଞ୍ଚିଥିଲା ।
କର୍ମଚାରୀମାନେ ଦୁଇ ଭଉଣୀଙ୍କୁ ଏକାଠି ରଖିଥିଲେ ।
ଦୁଇ ଭଉଣୀଙ୍କ ମଧ୍ୟରେ ଏହି ଅବିସ୍ମରଣୀୟ ପ୍ରେମ ଦେଖି କର୍ମଚାରୀଙ୍କ ହୃଦୟ ତରଳି ଗଲା । ତାଙ୍କ ପ୍ରେମକୁ ସମ୍ମାନ ଦେଇ ଆନିମଲ୍ ଏଡ୍ ସୋସାଇଟି ଅସୁସ୍ଥ ଘୋଡ଼ିଙ୍କ ପାଖରେ ତାଙ୍କ ଭଉଣୀଙ୍କୁ ରଖିଛନ୍ତି ।
ଦୁଇ ଭଉଣୀଙ୍କ ଏହି ପ୍ରେମ ଦେଖି ଆନିମଲ୍ ଏଡ୍ ସୋସାଇଟିର ଦିନଦୟାଲ୍ ମଧ୍ୟ ବହୁତ ଆଶ୍ଚର୍ଯ୍ୟ ହୋଇଛନ୍ତି । ଦିନଦୟାଲ କହିଛନ୍ତି ଯେ ସୋମବାର ଦିନ ତାଙ୍କ ସୋସାଇଟି ର ଏକ ଘୋଡ଼ି ଅସୁସ୍ଥ ଥିବା ନେଇ ଏକ କଲ ଆସିଥିଲା । ଏହା ପରେ ଆମ୍ବୁଲାନ୍ସ ସେହି ଘୋଡ଼ିକୁ ଡାକ୍ତରଖାନା ଆଣିବାକୁ ପହଞ୍ଚିଥିଲା । ଘୋଡ଼ିର ଅବସ୍ଥା ଅତ୍ୟନ୍ତ ଖରାପ ଥିଲା । ଏଭଳି ପରିସ୍ଥିତିରେ ତାଙ୍କୁ ତୁରନ୍ତ ଆମ୍ବୁଲାନ୍ସରେ ଡାକ୍ତରଖାନା ଅଣାଯାଇଥିଲା।
ଦୁଇ ଘୋଡ଼ିଙ୍କ ମଧ୍ୟରେ ଭଉଣୀର ସମ୍ପର୍କ ଅଛି ।
ସେହି ସମୟରେ ଆମ୍ବୁଲାନ୍ସ ଡ୍ରାଇଭର କାଚରେ ଆଉ ଗୋଟେ ଘୋଡ଼ିକୁ ପଛରେ ଦୌଡୁଥିବାର ଦେଖିଲା । ଏହା ପରେ ଆମ୍ବୁଲାନ୍ସ ଡ୍ରାଇଭର ତାଙ୍କ କାରର ବେଗକୁ ଧୀର କରିଦେଇଥିଲା । ପ୍ରାୟ 8 କିଲୋମିଟର ଯାତ୍ରା କରିବା ପରେ ଦୌଡୁଥିବା ଘୋଡ଼ି ଆମ୍ବୁଲାନ୍ସ ପଛେ ପଛେ ଡାକ୍ତରଖାନାରେ ପହଞ୍ଚିଗଲା । ଯେତେବେଳେ ଆନିମଲ୍ ଏଡ୍ ସୋସାଇଟି ସୂଚନା ସଂଗ୍ରହ କଲା ସେତେବେଳେ ଜାଣିବାକୁ ପାଇଲେ ଯେ ଏହି ଦୁଇଜଣ ଘୋଡ଼ି ଦୁଇ ଭଉଣୀ ବୋଲି ।
ଅସୁସ୍ଥ ଘୋଡ଼ି ସାଥିରେ ଉପସ୍ଥିତ ଅଛି ଭଉଣୀ
ଅସୁସ୍ଥ ଘୋଡ଼ିର ଅବସ୍ଥା ଅତ୍ୟନ୍ତ ଚିନ୍ତାଜନକ ଅଛି । ଏଭଳି ପରିସ୍ଥିତିରେ ଆନିମଲ୍ ଏଡ୍ ସୋସାଇଟି ମଧ୍ୟ ତାଙ୍କ ଭଉଣୀକୁ
ଡାକ୍ତରଖାନାରେ ହିଁ ଅସୁସ୍ଥ ଘୋଡ଼ି ନିକଟରେ ରଖିଛି। ବର୍ତ୍ତମାନ ଦୁଇ ଘୋଡ଼ି ଡାକ୍ତରଖାନାରେ ଅଛନ୍ତି । ଜଣେ ସେଠାରେ ଚିକିତ୍ସିତ ହେଉଛନ୍ତି ଏବଂ ଅନ୍ୟଟି ତାଙ୍କ ସହିତ ଉପସ୍ଥିତ ଅଛନ୍ତି । ଆନିମଲ୍ ଏଡ୍ ସୋସାଇଟିର ଉପଦେଷ୍ଟା ଡକ୍ଟର ଜିନେନ୍ଦ୍ର ଶାସ୍ତ୍ରୀ ମଧ୍ୟ ଏହି ଅନନ୍ୟ ମାମଲାକୁ ପଶୁ ପ୍ରତି ପଶୁର ଅଦମ୍ୟ ପ୍ରେମର ଉଦାହରଣ ବୋଲି କରିଛନ୍ତି।
ଏହିପରି ଉଦାହରଣ ବିରଳ ଅଟେ ।
ଡକ୍ଟର ଜିନେନ୍ଦ୍ର ଶାସ୍ତ୍ରୀ କହିଛନ୍ତି ଯେ ମଣିଷ ପ୍ରତି ମଣିଷର ଆଉ ମଣିଷ ପ୍ରତି ପଶୁମାନଙ୍କର ଭଲପାଇବାର ତ ଅନେକ କାହାଣୀ ଅଛି, କିନ୍ତୁ ପଶୁଙ୍କ ପ୍ରତି ପଶୁର ଏପରି ସ୍ନେହ ଆଉ ପ୍ରେମର ଏହି ଘଟଣା ପ୍ରକୃତରେ ଏକ ଉଦାହରଣ ଅଟେ । ଆମ୍ବୁଲାନ୍ସ ପଛରେ ଆସିଥିବା ଘୋଡ଼ି ଅସୁସ୍ଥ ଘୋଡ଼ିକୁ ଚାହିଁ ରହୁଛି । ଏହା ଦେଖି ସୋସାଇଟିର ସଦସ୍ୟମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଛନ୍ତି ।
