ଅଲ୍ଲୀ ଫଜଲଙ୍କୁ ବିବାହ କରିବାକୁ ଯାଉଛନ୍ତି ରିଚା ଚଢ଼ା, ସୋସିଆଲ ମିଡ଼ିଆରେ ଖୁଲାସା ହେଲା କାହାଣୀ !

ଅଭିନେତ୍ରୀ ରିଚା ଚଢ଼ା ଓ ଅଭିନେତା ଅଲ୍ଲୀ ଫଜଲଙ୍କ ଫ୍ୟାନ୍ସ ମାନଙ୍କ ପାଇଁ ଏକ ଖୁସି ଖବର ଅଟେ। କାରଣ ଦୁହେଁ ସେପ୍ଟେମ୍ବର ମାସରେ ବିବାହ କରିବାକୁ ଯାଉଛନ୍ତି। ଏହି ବିବାହ ମୁମ୍ବାଇ ଓ ଦିଲ୍ଲୀରେ ହେବାକୁ ଯାଉଛି । ବିବାହର ସମସ୍ତ ପ୍ରଥା ହଳଦୀ ଠାରୁ ଆରମ୍ଭ କରି ମେହେନ୍ଦୀ ପର୍ଯ୍ୟନ୍ତ ସମସ୍ତ ସେରିମନୀ ହେବ। ଫ୍ୟାନ୍ସ ମାନେ ଏହି ଖବର ଶୁଣି ଖୁସିରେ ଝୁମି ଉଠୁଛନ୍ତି।

ପ୍ରଥମେ ଖବର ଆସିଥିଲା ଉଭୟ 2021 ରେ ବିବାହ ବନ୍ଧନରେ ବାନ୍ଧିହେବେ କିନ୍ତୁ ପାଣ୍ଡେମିକ ଯୋଗୁଁ ଏହା ସମ୍ଭବ ହୋଇପାରିନଥିଲା। ବର୍ତ୍ତମାନ ଇଣ୍ଡିଆ ଟୁଡ଼େର ଜଣେ ସୂତ୍ର କଂଫର୍ମ କରିଛନ୍ତି ଯେ, ଉଭୟ ସେପ୍ଟେମ୍ବର ମାସରେ ବିବାହ ବନ୍ଧନରେ ବାନ୍ଧି ହେବେ। ଏଥିରେ ଉଭୟଙ୍କ ପରିବାର ବହୁତ ଖୁସିରେ ଅଛନ୍ତି

ଅଲ୍ଲୀ ଫଜଲ ଓ ରିଚା ଚଢ଼ା ଉଭୟ ଉଭୟଙ୍କୁ ବହୁତ ସମୟ ପୂର୍ବରୁ ଡେଟ କରୁଛନ୍ତି। ସେମାନେ ଏକାଠି ମଧ୍ୟ ରହୁଛନ୍ତି, ସୋସିଆଲ ମିଡ଼ିଆରେ ସେମାନଙ୍କ ମଜାଦାର ଭିଡ଼ିଓ ମଧ୍ୟ ଫ୍ୟାନ୍ସକୁ ବହୁତ ପସନ୍ଦ ଆସିଥାଏ। ଉଭୟ 2020 ରେ ବିବାହ ପାଇଁ ମନ ବଳାଇଥିଲେ କିନ୍ତୁ ପ୍ଲାନ କରିବା ସମୟରେ କିଛି ନା କିଛି ପ୍ରୋବ୍ଲେମ ହୋଇଯାଉଥିଲା। ବର୍ତ୍ତମାନ ସେପ୍ଟେମ୍ବର ମାସକୁ ନେଇ କଂଫର୍ମ ବୋଲି କୁହାଯାଉଛି।

ଅଲ୍ଲୀ ଫଜଲ ଓ ରିଚା ଚଢ଼ା ଫିଲ୍ମ ଫୁକ୍ରେ ଓ ଫୁକ୍ରେ 2 ରେ ଅଭିନୟ କରିସାରିଛନ୍ତି। ଉଭୟ ବହୁତ ଜଲଦି ଫୁକ୍ରେ 3 ରେ ମଧ୍ୟ ନଜର ଆସିବାକୁ ଯାଉଛନ୍ତି। ଅଭିନେତା ଅଲ୍ଲୀ ଫଜଲ ଶେଷଥର ପାଇଁ ହଲିଉଡ଼ ଫିଲ୍ମ ‘ଡେଥ ଅନ ଦ ନାଇଲ’ରେ ନଜର ଆସିଥିଲେ। ଫିଲ୍ମକୁ ବହୁତ ଲୋକପ୍ରିୟତା ମିଳିଥିଲା ଓ ଫ୍ୟାନ୍ସ ମାନେ ମଧ୍ୟ ଏହାକୁ ପସନ୍ଦ କରିଥିଲେ। ୱାର୍କଫ୍ରଣ୍ଟ କଥା କହିବାକୁ ଗଲେ ଅଲ୍ଲୀ ଫଜଲ ବର୍ତ୍ତମାନ ମିର୍ଜାପୁରର ନୂଆ ସିଜିନ ପାଇଁ ବ୍ୟସ୍ତ ରହିଛନ୍ତି। ସେପଟେ ରିଚା ମଧ୍ୟ ଫୁକ୍ରେ 3 ଓ ଅଭି ତୋ ପାର୍ଟି ଶୁରୁ ହୁଈ ହୈ ରେ ବ୍ୟସ୍ତ ଅଛନ୍ତି।