ଦିନ ଥିଲା ଯେଉଁ ବ୍ୟାଙ୍କରେ ସକାଳୁ ଝାଡ଼ୁ ମାରୁଥିଲେ,ଆଜି ସେଇ ବ୍ୟାଙ୍କରେ AGM,ଜାଣନ୍ତୁ ପ୍ରତିକ୍ଷାଙ୍କ ସଫଳତାର ରହସ୍ୟ
Get real time updates directly on you device, subscribe now.
ବ୍ୟାଙ୍କ ସୁଇପରରୁ ଏଜିଏମ୍ । କଥାଟା ଆଶ୍ଚର୍ଯ୍ଯ ଲାଗୁଥିଲେ ବି ବନ୍ଧୁଗଣ ସତ । ପୁଣେ ନିବାସୀ ପ୍ରତୀକ୍ଷା ଟଣ୍ଡୱାଲକରଙ୍କ ୟେ ହେଉଛି ଏହି କାହାଣୀ । ଯିଏ ଆସିଷ୍ଟାଣ୍ଟ ଜେନେରାଲ ମ୍ୟାନେଜର (ଏଜିଏମ୍) ଭାବରେ ନିଯୁକ୍ତ ହେବା ପୂର୍ବରୁ ବ୍ୟାଙ୍କ ସୁଇପର ଭାବେ କାର୍ଯ୍ଯ କରୁଥିଲେ । ପ୍ରତୀକ୍ଷାଙ୍କ କାହାଣୀ ପ୍ରମାଣ କରିଛି ଯେ ସ୍ଥିରତା ଏବଂ ନିଷ୍ଠା ସହିତ ଯେକୌଣସି କାର୍ଯ୍ଯ କଲେ ଲକ୍ଷ୍ୟ ହାସଲ କରାଯାଇ ପାରିବ ଏଥିରେ ଦ୍ବିମତ ନାହିଁ । ୧୯୬୪ ମସିହାରେ ଜନ୍ମ ହୋଇଥିବା ପ୍ରତୀକ୍ଷାଙ୍କ ପାଇଁ ଏହା କୌଣସି ଗୋଟିଏ ଦିନର ଚମତ୍କାର ନୁହେଁ ।
ତାଙ୍କର ସଫଳତା ହେଉଛି ଦଶନ୍ଧି ଧରି ସଂଘର୍ଷ ଏବଂ ପରିଶ୍ରମର ଫଳ । ପ୍ରତୀକ୍ଷା ମାତ୍ର ୧୭ ବର୍ଷ ବୟସରେ ବିବାହ କରିଥିଲେ । ତେବେ ତାଙ୍କୁ ଯେତେବେଳେ ମାତ୍ର ୨୦ ବର୍ଷ ହୋଇଥିଲା ସେତେବେଳେ ସେ ସ୍ୱାମୀଙ୍କୁ ହରାଇଥିଲେ । ତାଙ୍କର ଉପଯୁକ୍ତ ଯୋଗ୍ୟତା ନ ଥିବାରୁ ତାଙ୍କୁ କାମ ଖୋଜିବାରେ ଅସୁବିଧା ହୋଇଥିଲା । ତଥାପି ପ୍ରତୀକ୍ଷା ତାଙ୍କ ପରିବାରକୁ ସହାୟତା କରିବା ଏବଂ ଶିକ୍ଷା ସମାପ୍ତ କରିବା ପାଇଁ ଏସବିଆଇରେ ଜଣେ ସୁଇପର ଭାବରେ କାମ କରିବା ଆରମ୍ଭ କରିଥିଲେ । ଏହି ସମୟରେ ସେ ଡିଗ୍ରୀ ହାସଲ କରି ଅଧ୍ୟୟନ ଜାରି ରଖିଥିଲେ ।
Widowed at just 20 years of age, Pratiksha Tondwalkar of #Pune got job as Sweeper in #SBI Bank
She continued her studies while working & got elevated as clerk,Trainee Oficer, then as MMII, MM III , Scale IV, CGM & is now AGM
Sweeper to AGM. #inspiring#RealHero #BharatKeVeer pic.twitter.com/SeaNJTqtk7— Srikanth Matrubai (@SrikantMatrubai) July 1, 2022
ସମୟ କ୍ରମେ ତାଙ୍କୁ ସଫେଇ କର୍ମଚାରୀରୁ କିରାଣୀ ପଦୋନ୍ନତି ଦିଆଯାଇଥିଲା । ତଥାପି, ଏହି ପ୍ରକ୍ରିୟା ଏଠାରେ ବନ୍ଦ ହୋଇନଥିଲା । ପରେ, ସେ ସ୍କେଲ ୪ରୁ ପରେ ସିଜିଏମ୍ ଏବଂ ଶେଷରେ ଏଜିଏମ୍ କୁ ପଦୋନ୍ନତି ପାଇଥିଲେ । ପ୍ରତୀକ୍ଷାଙ୍କର ନିଷ୍ଠା, ଉତ୍ସର୍ଗୀକୃତ ଏବଂ ଆନ୍ତରିକ ପରିଶ୍ରମ ହେତୁ ଷ୍ଟେଟ ବ୍ୟାଙ୍କ ଅଫ୍ ଇଣ୍ଡିଆ ମଧ୍ୟ ତାଙ୍କର ଉଲ୍ଲେଖନୀୟ ସଫଳତା ପାଇଁ ତାଙ୍କୁ ସମ୍ମାନିତ କରିଥିଲା । ସୂଚନା ଥାଉକି, ନିଜ ଟଙ୍କା ସାହାଯ୍ୟରେ ପ୍ରତୀକ୍ଷା ମୁମ୍ବାଇର ବିକ୍ରୋଲି ନାଇଟ୍ କଲେଜରେ ନାମ ଲେଖାଇଥିଲେ ।
ଅଧ୍ୟୟନ ସମୟରେ ତାଙ୍କୁ ସହକର୍ମୀମାନେ ଆର୍ଥିକ ସମର୍ଥନ ମଧ୍ୟ କରିଥିଲେ ଏବଂ ୧୯୯୫ରେ ସେ ମନୋବିଜ୍ଞାନରେ ସ୍ନାତକ ଡିଗ୍ରୀ ହାସଲ କରିଥିଲେ । ଏହା ପରେ ତାଙ୍କୁ ବ୍ୟାଙ୍କ କିରାଣୀ ପଦରେ ପଦୋନ୍ନତି ଦିଆଯାଇଥିଲା । ପ୍ରତୀକ୍ଷା ଅବସର ନେବାକୁ ଦୁଇ ବର୍ଷ ବାକି ଅଛି । ଆଉ ଅବସର ନେବା ପରେ ଅନ୍ୟମାନଙ୍କୁ ସାହାଯ୍ୟ କରିବା ପାଇଁ ତାଙ୍କ ଶିକ୍ଷାକୁ ବ୍ୟବହାର କରିବାକୁ ଯୋଜନା କରିଛନ୍ତି । ଏସବିଆଇ ସହିତ ତାଙ୍କର ୩୭ ବର୍ଷର କ୍ୟାରିୟର୍ ସଫଳ ହୋଇଥିଲେ ମଧ୍ୟ ତାଙ୍କୁ ଆହୁରି ଅନେକ ବାଟ ବାକି ଅଛି ।
