ଏତେ ଭଲ ଡାକ୍ତର କନ୍ୟାର କଣ ହେଇଗଲା, ସବାରୀ ଉଠିବାର ଦିନେ ପୂର୍ବରୁ ଉଠିଗଲା କୋକେଇ, ବରର ଉଡ଼ିଗଲା ହୋସ
Get real time updates directly on you device, subscribe now.
ଛିନ୍ଦବାରାରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି । ଏଠାରେ ବୋହୂ ହେବାକୁ ଯାଉଥିବା ଡାକ୍ତରଙ୍କ ବିବାହର ଗୋଟିଏ ଦିନ ପୂର୍ବରୁ ଢୋକଲା ଖାଇବା କାରଣରୁ ମୃତ୍ୟୁ ବରଣ କରିଥିଲେ । ଗୁରୁବାର ସକାଳେ ଯେତେବେଳେ ସେ ଜଳଖିଆ ଖାଉଥିଲେ, ହଠାତ୍ ସେ ତାଙ୍କୁ ତଣ୍ଟି ପୀଡ଼ା ହୋଇଗଲା ଏବଂ କାଶୀ କାଶୀ ତାଙ୍କ ଅଵସ୍ଥା ଖରାପ୍ ହୋଇଗଲା । ସମ୍ପର୍କୀୟମାନେ ତାଙ୍କୁ ପାଣି ପିଆଇବାରୁ ତାଙ୍କ ଅବସ୍ଥା ପୂର୍ବ ଅପେକ୍ଷା ଖରାପ ହୋଇଗଲା । ଭୟଭୀତ ହୋଇ ପରିବାର ଲୋକେ ତାଙ୍କୁ ଡାକ୍ତରଖାନା ନେଇଥିଲେ, କିନ୍ତୁ ତାଙ୍କ ଜୀବନ ରକ୍ଷା ହୋଇପାରିଲା ନାହିଁ । ଏହି ଘଟଣା କାରଣରୁ ପୁରା ଅଞ୍ଚଳରେ ଶୋକର ଛାୟା ଖେଳିଯାଇଛି ।
ପୋଲିସ କହିଛି ଯେ ଘଟଣାଟି ପଶ୍ଚିମ ବୁଦ୍ଧୱାରୀ ବଜାରରେ ଘଟିଛି । ଏଠାରେ ରହୁଥିବା ପ୍ରମୋଦ ମହାଦେବରାବ କାଲେଙ୍କ ଝିଅ ମେଘା କାଲେଙ୍କ ବିବାହ ଥିଲା । ବିବାହ ରୀତିନୀତି ମେ 20 ତାରିଖରେ ହେବାର ଥିଲା । ତାଙ୍କର ବରଯାତ୍ରୀ ପୁଣେରୁ ଆସୁଥିଲା । ଗୁରୁବାର ସକାଳେ ଘରର ପରିବେଶ ସଂପୂର୍ଣ୍ଣ ସୁଖଦ ଥିଲା । ସମ୍ପର୍କୀୟମାନେ ରୀତିନୀତି ଅନୁଯାୟୀ କାମ କରୁଥିଲେ । ଏହି ସମୟରେ ମେଘା ଡୋକଲାକୁ ଜଳଖିଆ ପାଇଁ ବାଛିଥିଲେ, କାରଣ ସେ ଏହାକୁ ବହୁତ ଭଲ ପାଉଥିଲେ । କିନ୍ତୁ, ସେ ଏହାକୁ ଖାଇବା ମାତ୍ରେ ଏହା ଖାଦ୍ୟ ନଳୀରେ ଅଟକି ଗଲା । ଏହା ଦ୍ବାରା ମେଘାଙ୍କୁ କଷ୍ଟ ହେବାକୁ ଲାଗିଲା ଏବଂ ସେ ଜୋରରେ କାଶିବାକୁ ଲାଗିଲେ ।
କାଶ କାରଣରୁ ଅବସ୍ଥା ବିଗିଡିଯିବା ଦେଖି ପରିବାର ସଦସ୍ୟ ତାଙ୍କୁ ନେଇ ଡାକ୍ତରଖାନାକୁ ଯାଇଥିଲେ । ଏଠାରେ ଡାକ୍ତରମାନେ ତାଙ୍କୁ ଚେକ୍ କରିଥିଲେ । ସେହି ସମୟ ମଧ୍ୟରେ ତାଙ୍କର ବିପି କମିଗଲା । ଏହା ଉପରେ ଡାକ୍ତରମାନେ ଝିଅର ପରିବାର ସଦସ୍ୟଙ୍କୁ ତାଙ୍କୁ ଡ୍ରିପ ଲଗାଇବା ବିଷୟରେ ପଚାରିଥିଲେ, କିନ୍ତୁ ସେମାନେ ମନା କରିଦେଇଥିଲେ । ଏହା ପରେ ପରିବାର ଲୋକେ ତାଙ୍କୁ ଡାକ୍ତରଖାନାରୁ ବାହାର କରିଥିଲେ । ସେମାନେ ସେଠାରୁ ବାହାରିବା ମାତ୍ରେ ଯୁବତୀଙ୍କ ପୁଣି ଅବସ୍ଥା ବିଗିଡ଼ିବାକୁ ଲାଗିଲା ଏବଂ ତାଙ୍କ ଜୀବନ ଚାଲିଗଲା ।
ମାମଲା ପୋଲିସ ପାଖରେ ପହଞ୍ଚିଲା :-
କୁହାଯାଉଛି ଯେ ଯୁବତୀଙ୍କ ବାପା ପୋଷ୍ଟମର୍ଟମ ନକରିବା ପାଇଁ ଲିଖିତ ଭାବେ ଆବେଦନ କରିଥିଲେ । ଯୁବତୀଙ୍କ ମାମୁଁ ପୋଷ୍ଟମର୍ଟମ ବିଷୟରେ କହି ତାଙ୍କୁ ଜିଲ୍ଲା ଡାକ୍ତରଖାନାକୁ ନେଇଥିଲେ । ପରିବାର ସଦସ୍ୟଙ୍କ ଅନୁଯାୟୀ, ଯୁବତୀଙ୍କ କୌଣସି ମେଡିକାଲ୍ ହିଷ୍ଟ୍ରୀ ନଥିଲା । ପୋଲିସ ଘଟଣାସ୍ଥଳରେ ପହଞ୍ଚି ଜଳଖିଆର ସାମ୍ପଲ୍ ନେଇଥିଲା । ମାମଲାର ଯାଞ୍ଚ ଜାରି ରହିଛି ।
ବରର ଉଡ଼ିଗଲା ହୋସ :-
କୁହାଯାଉଛି ଯେ ବର ଏବଂ ତାଙ୍କ ପରିବାର ଲୋକେ ପୂନେରୁ ନାଗପୁରରେ ପହଞ୍ଚି ସାରିଥିଲେ । ସେମାନଙ୍କୁ ତୁରନ୍ତ ଏହାର ସୂଚନା ଦିଆଗଲା । ଏହା ଶୁଣିବା ମାତ୍ରେ ହିଁ ତାଙ୍କ ହୋସ ଉଡିଗଲା । ପରିବାର ଲୋକେ ଯେକୌଣସି ପ୍ରକାରେ ନିଜକୁ ସମ୍ଭାଳିଲେ ଏବଂ ନାଗପୁରରୁ ହିଁ ପୁନେ ଫେରିଗଲେ ।
