14 ବର୍ଷୀୟ ଝିଅ ବଞ୍ଚାଇଲା ଅଢେଇ ବର୍ଷ ନିରୀହ ପିଲାର ଜୀବନ, ପୋଲିସ କଲା ସଲାମ, ସେନାରେ କରିବାକୁ ଚାହୁଁଛନ୍ତି କାମ

ଯଦି କେହି ସତର୍କ ଅଛି ଏବଂ ସେ ବୁଦ୍ଧିର ସହିତ କାମ କରେ, ତେବେ ବଡ ବଡ ସମସ୍ତଙ୍କୁ ମଧ୍ୟ ଟାଳିପାରେ । ଏପରି କିଛି କରି ଦେଖାଇଛନ୍ତି ନୋଏଡାର 14 ବର୍ଷୀୟ ଝିଅ କସିସ । ଏହି ଝିଅଟିର ସାହାସ ଏବଂ ବୁଦ୍ଧିର କାହାଣୀକୁ ଖୁବ୍ ଚର୍ଚ୍ଚା କରାଯାଉଛି । ବର୍ତ୍ତମାନ ଏଥିପାଇଁ ପୋଲିସ ମଧ୍ୟ ତାକୁ ସମ୍ମାନିତ କରୁଛି ।

ଅଢେଇ ବର୍ଷର ଶିଶୁକୁ ବଞ୍ଚାଇଲା :-

ବାସ୍ତବରେ କସିସଙ୍କ ବୁଦ୍ଧି କାରଣରୁ ଗୋଟିଏ ଅଢେଇ ବର୍ଷୀୟ ନିରୀହ ଆୟର୍ନ ନିଖୋଜ ହେବାର 8 ଘଣ୍ଟା ପରେ ନିଜ ବାପାମାଆଙ୍କ ପୁପାଖରେ ସୁରକ୍ଷିତ ଭାବେ ପହଞ୍ଚିଗଲା । ଅଢେଇ ବର୍ଷର ଆୟର୍ନ ନିଜ ବାପା ଧର୍ମେନ୍ଦ୍ର ଏବଂ ମା କାଜଲଙ୍କ ସହିତ ନୋଏଡାର ଗିଝୋଡ ଗାଁରେ ରୁହନ୍ତି ।

ଏପ୍ରିଲ 13 ତାରିଖର ରାତି 8.30 ସମୟରେ ଆୟର୍ନ ଖେଳୁ ଖେଳୁ ଘରୁ ବାହାରକୁ ଚାଲିଗଲା ଏବଂ କିଛି ଦୂରକୁ ଚାଲିଗଲା । କିନ୍ତୁ ଆଗକୁ ଯିବାପରେ ସେ ବାଟ ବଣା ହେଇଗଲା । କେହି ଜଣେ ଏହି ଗୁଜବ ପ୍ରଚାର କରିଦେଲା ଯେ ଆୟର୍ନଙ୍କୁ ଜଣେ ମହିଳା ଉଠାଇ ନେଇଯାଇଛି । ଏହାପରେ ନିରୀହର ବାପାମାଆ ଆହୁରି ଅଧିକ ବିଚଳିତ ହେଲେ ।

ପୋଲିସକୁ ମିଳିଲା ସିସିଟିଭି ଫୁଟେଜ :-

ପୋଲିସକୁ ଗୋଟିଏ ସିସିଟିଭି ଫୁଟେଜ ମିଳିଲା, ଯେଉଁଥିରେ ତାଙ୍କୁ ପ୍ରାୟ 14 ବର୍ଷୀୟ ଗୋଟିଏ ଝିଅ ଆୟର୍ନ ସହିତ କଥା ହେଉଥିବାର ଦେଖାଯାଇଥିଲା । ସିସିଟିଭିରେ ଦେଖାଯାଉଛି ଯେ ଆୟର୍ନଙ୍କ ଆଖପାଖରେ ବହୁତ୍ ଲୋକ ଯିବା ଆସିବା କରନ୍ତି, କିନ୍ତୁ କେହି ବି ଅଟକି ଝିଅ ଆଡ଼କୁ ଯାଆନ୍ତି ନାହିଁ । କିନ୍ତୁ 14 ବର୍ଷୀୟ କସିସ ନିଜ ମା ସହିତ ସେହି ରାସ୍ତାରେ ଯାଉଥାଏ ଏବଂ ତାପରେ ଅପେକ୍ଷା କରନ୍ତି ଯେ ପ୍ରକୃତରେ ଏହି ଛୁଆଟି କୁଆଡେ ଯାଉଛି, କିନ୍ତୁ ସେ ଶୀଘ୍ର ବୁଝିଯାନ୍ତି ଯେ ପିଲାଟି ରାସ୍ତା ଭୁଲିଯାଇଛି ।

ପିଲାଟିକୁ କଶିସ ସମ୍ଭାଳିନେଲେ :-

କସିସ ତୁରନ୍ତ ପିଲାଟିକୁ ସମ୍ଭାଳିଲେ ଏବଂ ତାକୁ ନେଇ ଘରକୁ ଆସିଗଲେ । ଅଢେଇ ବର୍ଷର ଆୟର୍ନ ରାତି 8 ଟା 30 ମିନିଟରେ ଘରୁ ଗାଏବ ହୋଇଥିଲା । ରାତି ସମୟ ଦେଖି କସିସ ତାକୁ ଘରକୁ ନେଇ ଚାଲିଗଲେ । ତାପରେ ଆଖପାଖ ଅଞ୍ଚଳରେ ଲୋକମାନଙ୍କୁ ପଚାରିଲେ ଯେ କାହାର ପିଲା ହଜି ଯାଇଛି କି ।

ଯେତେବେଳେ କୌଣସି ସୂଚନା ମିଳିଲା ନାହିଁ, ସେତେବେଳେ କସିସ ପିଲାଟିକୁ ଘରକୁ ଆଣିଲେ ଏବଂ ତାର ଧ୍ୟାନ ରଖିଲେ । ପିଲାଟିକୁ କ୍ଷୀର ଏବଂ ବିସ୍କୁଟ ଖୁଆଇଲେ, ପାଣି ପିଆଇଲେ ଏବଂ ତାପରେ ତାକୁ ଆରାମରେ ଶୁଆଇ ଦେଲେ । ବର୍ତ୍ତମାନ କସିସଙ୍କ ଏହି ଚମତ୍କାର କାମକୁ ସମସ୍ତେ ପ୍ରଶଂସା କରୁଛନ୍ତି । ଯେତେବେଳେ ତାଙ୍କୁ ପଚରାଗଲା ଯେ କୌଣସି ଅଜଣା ପିଲାକୁ ଘରକୁ ଆଣିବାପାଇଁ ତାଙ୍କୁ ଡର ଲାଗିଲାନି କି, ସେତେବେଳେ ସେ କହିଥିଲେ ମୁଁ କୌଣସି ଭୁଲ କାମ କରୁନଥିଲି, ତେବେ ଡରିବି କଣ୍ ପାଇଁ ।

ସେନାରେ ଯିବାକୁ ଚାହୁଁଛନ୍ତି କସିସ :-

କସିସଙ୍କ ମା କହିଛନ୍ତି ଯେ କସିସ ଏହା ପୂର୍ବରୁ ଗୋଟିଏ ପ୍ରାଇଭେଟ୍ ସ୍କୁଲରେ ପଢୁଥିଲେ, କିନ୍ତୁ କୋଭିଡରେ ସ୍କୁଲ ବନ୍ଦ ହୋଇଗଲା ଏବଂ ପୁଣିଥରେ ସ୍କୁଲ ଖୋଲିବା ପରେ 12 ହଜାର ଟଙ୍କା ଫିସ ମାଗିଲେ । ଏତେ ପଇସା ତାଙ୍କ ବାପାମା ଙ୍କ ପାଖେ ନଥିଲା, ଯାହା ପରେ ସେମାନେ କସିସଙ୍କ ଆଡ଼ମିଶନ ସରକାରୀ ସ୍କୁଲରେ କରିଦେଲେ ।

ତେବେ ବର୍ତ୍ତମାନ କସିସଙ୍କ ସାହାସକୁ ଦେଖି ନୋଏଡା ପୋଲିସ ଖୁସି ହୋଇ ତାଙ୍କର ପାଠପଢ଼ା ର ଦାୟିତ୍ଵ ନେଇଛନ୍ତି । ଏସିପି ରଜନିସ ବର୍ମା କହିଛନ୍ତି ଯେ ପିଲାଟିର ଭଲ ପାଠପଢ଼ା ପାଇଁ ବ୍ୟବସ୍ଥା କରାଯିବ । ଏହାସହିତ କସିସଙ୍କ ବାପାଙ୍କୁ ମଧ୍ୟ ଆର୍ଥିକ ସାହାଯ୍ୟ କରାଯିବ ।