Get real time updates directly on you device, subscribe now.
ତେବେ ବନ୍ଧୁଗଣ ବର୍ତମାନ ସମୟରେ ଯେଉଁ ଏକ ବଡ଼ ଖବର ଶୁଣିବାକୁ ମିଳୁଛି ଯେ କେନ୍ଦ୍ର ସରକାର ଖୁବ ଶୀଘ୍ର କର୍ମଚାରୀଙ୍କ ମହଙ୍ଗା ଭତ୍ତା ଅର୍ଥାତ୍ ଡିଏ ବୃଦ୍ଧି କରିପାରନ୍ତି । ଏଠାରେ ଜାଣି ରଖନ୍ତୁ ଯେ କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତା ପ୍ରତି ୬ ମାସରେ ସମୀକ୍ଷା କରାଯାଏ । ଆଉ ଏ-ଆଇ-ସି-ପି-ଆଇ ତଥ୍ୟ ଆଧାରରେ ସରକାର ବର୍ଷକୁ ଦୁଇଥର ମହଙ୍ଗା ଭତ୍ତା ବୃଦ୍ଧି କରନ୍ତି ଏବଂ ଏହି ବୃଦ୍ଧି ଅଲ ଇଣ୍ଡିଆ ଗ୍ରାହକ ମୂଲ୍ୟ ସୂଚକାଙ୍କ ତଥ୍ୟ ଉପରେ ଆଧାରିତ ହୋଇଥାଏ ।
ରିପୋର୍ଟରେ କୁହାଯାଇଛି ଯେ ସରକାର ଏ ବାବଦରେ ଖୁବ ଶୀଘ୍ର ନିଷ୍ପତ୍ତି ନେବାର ସମ୍ଭାବନା ରହିଛି । ନୂତନ ବର୍ଷ ୨୦୨୩ ର ଏଇଟା ପ୍ରଥମ ମାସ ଜାନୁଆରୀର ଅଧା ଦିନ ସରିଗଲାଣି । ତେବେ ଆଉ କେତେ ଟା ଦିନ ପରେ ଅର୍ଥାତ୍ ଜାନୁଆରୀ ୩୧ ତାରିଖ ଆଡ଼କୁ ସରକାର କେନ୍ଦ୍ରୀୟ କର୍ମଚାରୀ ମାନଙ୍କୁ ଏକାଥରକେ ଅନେକ ଉପହାର ଦେବାକୁ ଯାଉଛନ୍ତି ବୋଲି ଶୁଣା ଯାଉଛି । ସରକାରୀ କର୍ମଚାରୀ ମାନେ ସେମାନଙ୍କ ନୂତନ ବର୍ଷର ପ୍ରଥମ ଉପହାର ପାଇପାରନ୍ତି ।
ତେବେ ପ୍ରକୃତରେ ଜାନୁଆରୀ ୩୧ ତାରିଖ କଣ ପାଇଁ ନା ସେ ଦିନ ହିଁ ନୂତନ ମୁଦ୍ରାସ୍ଫୀତି ଆକଳନ ଆସିବାକୁ ଯାଉଛି । ବନ୍ଧୁଗଣ ପ୍ରତ୍ୟେକ ମାସର ଶେଷ ତାରିଖରେ ଏ-ଆଇ-ସି-ପି-ଆଇ ଇଣ୍ଡେକ୍ସର ଡାଟା ପ୍ରକାଶିତ ହୋଇଥାଏ । ଏହି ହିସାବରେ ଆଗାମୀ ମୁଦ୍ରାସ୍ଫୀତି ଆକଳନ ସ୍ଥିର କରିବ ଯେ ଚଳିତ ବର୍ଷର ପ୍ରଥମାର୍ଦ୍ଧରେ କେନ୍ଦ୍ରୀୟ କର୍ମଚାରୀ ଓ ପେନସନଭୋଗୀଙ୍କ ଦରମା ଓ ପେନସନ୍ କେତେ ବୃଦ୍ଧି ପାଇବ ।
ମହଙ୍ଗା ଭତ୍ତା ବୃଦ୍ଧି ୬ ମାସକୁ ଥରେ ଅର୍ଥାତ ଗୋଟିଏ ବୃଦ୍ଧି ଜାନୁଆରୀରେ ଓ ଅନ୍ୟଟି ଜୁଲାଇରେ ହୋଇଥାଏ । ତେଣୁ ପ୍ରତିବର୍ଷ ଭଳି ୨୦୨୩ରେ ମଧ୍ୟ କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତା ବୃଦ୍ଧି ପାଇବ ଯାହାକି ସାଧାରଣତଃ ହୋଲି ପୂର୍ବରୁ ଘୋଷଣା କରାଯିବ ବୋଲି ସୂଚନା । ଅନ୍ୟପଟେ ସୂଚକାଙ୍କରେ ଗୋଟିଏ ପଏଣ୍ଟ ବୃଦ୍ଧି ହେଲେ ତେବେ ଯାଇ ମହଙ୍ଗା ଭତ୍ତା ୪ ପ୍ରତିଶତ ବୃଦ୍ଧି ହୋଇପାରେ ।
ଗତବର୍ଷ ୨୦୨୨ ରେ ୩୪ ପ୍ରତିଶରୁ ୩୮ କୁ ବୃଦ୍ଧି ପାଇଥିଲା । ଆଉ ଚଳିତ ବର୍ଷ ମହଙ୍ଗା ଭତ୍ତା ବର୍ତ୍ତମାନର ୩୮ ପ୍ରତିଶତରୁ ୪୧ ପ୍ରତିଶତକୁ ବୃଦ୍ଧି ପାଇବ । ଯଦି ଏହା ଘଟେ ତେବେ ମାର୍ଚ୍ଚ ୩୧ ଠାରୁ କର୍ମଚାରୀମାନେ ବର୍ଦ୍ଧିତ ଦରମା ପାଇପାରିବେ ଓ ପେନସନଭୋଗୀମାନଙ୍କୁ ବର୍ଦ୍ଧିତ ପେନସନ୍ ମିଳିପାରେ
