Get real time updates directly on you device, subscribe now.
ବନ୍ଧୁଗଣ ଏବେ ଯାହା ସବୁ ଘଟଣା ମାନ ଆମ ସମାଜରେ ଆଖ ପାଖରେ ଘଟି ଯାଉଛି ସେଥିରୁ ସ୍ପଷ୍ଟ ଜଣା ପଡୁଛି ଯେ ବର୍ତମାନ ସମୟରେ ମରି ଗଲାଣି ମାନବିକତା । ଚେତନା ଥିବାରୁ ମଣିଷକୁ ଜଗତର ସର୍ବଶ୍ରେଷ୍ଠ ପ୍ରାଣୀର ଆଖ୍ୟା ମିଳିଛି । କିନ୍ତୁ ଏହି ମଣିଷ ବେଳେ ବେଳେ ଏଭଳି କାର୍ଯ୍ୟ କରିବସେ ଯାହା ଏକ ପଶୁଠାରୁ ମଧ୍ୟ ହୀନ । ଷଣ୍ଢକୁ ଜୀଅନ୍ତା ଜାଳିଦେବାକୁ ଉଦ୍ୟମ କରୁଛନ୍ତି କିଛି ଦୁବୃର୍ତ୍ତ । ଭଦ୍ରକ ଜିଲ୍ଲାରେ ଏଭଳି ଏକ ଦୃଶ୍ୟ ଏବେ ସୋସିଆଲ ମିଡିଆରେ ବେଶ୍ ଭାଇରାଲ୍ ହେବାରେ ଲାଗିଛି ।
ଏକ ଷଣ୍ଢକୁ ବାନ୍ଧି ଜୀଅନ୍ତା ଜାଳିଦେବାକୁ ହୀନ ଓ ଘୃଣ୍ୟ ଉଦ୍ୟମ କରିଛନ୍ତି କିଛି ବ୍ୟକ୍ତି ବିଶେଷ । ତେବେ କାରଣଟା ଶୁଣିଲେ ଆଶ୍ଚର୍ଯ୍ୟ ହେବେ ଆପଣ । ଷଣ୍ଢର ଦୋଷ ହେଲା ବିଲରେ ଧାନବିଲରେ ପଶିବା । ଏହାପରେ ଷଣ୍ଢକୁ ବାନ୍ଧି ପ୍ରବଳ ମାଡ ମାରିବା ସହ ନିଆଁ ହୁଳାଧରି ଷଣ୍ଡକୁ ଜୀଅନ୍ତା ଜାଳିଦେବାକୁ ଉଦ୍ୟମ କରିଥିଲେ । ତେବେ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାପରେ ତୀବ୍ର ପ୍ରତିକ୍ରିୟା ଦେଖିବାକୁ ମିଳିଛି ।
ଏଭଳି ଏକ ଭିଡିଓ ମୋବାଇଲରୁ ମୋବାଇଲ୍କୁ ଘୁରି ବୁଲୁଥିବା ବେଳେ ସାଧାରଣ ବ୍ୟକ୍ତି ବିଶେଷଙ୍କୁ ଏଭଳି ଛାତିଥରା ଭଡିଓ ଆନ୍ଦୋଳିତ କରିବାରେ ଲାଗିଛି । ଘଟଣାଟି ଭଦ୍ରକ ଜିଲ୍ଲା ବାସୁଦେବପୁର ବ୍ଲକର ସୁଗୋ ପଞ୍ଚାୟତର ବୋଲି ଜଣା ପଡ଼ିଛି । ସୂଚନା ଅନୁଯାୟୀ ଏକ ଷଣ୍ଢ ଧାନ ବିଲରେ ପଶି ଯିବାରୁ କେତେକ ଉଦଭ୍ରାନ୍ତ ଯୁବକ ଷଣ୍ଢକୁ କାବୁ କରିଥିଲେ । ଆଉ ଏହାପରେ ଆରମ୍ଭ ହୋଇଥିଲା ଅମାନବୀୟ କାଣ୍ଡ । ବଳପୂର୍ବକ ଷଣ୍ଢକୁ ବାନ୍ଧି ଜୀଅନ୍ତା ଜାଳିଦେବାକୁ ବାରମ୍ବାର ଉଦ୍ୟମ କରିଥିଲେ କେତେକ ଯୁବକ ।
ଦୀର୍ଘ ସମୟ ଧରି ଦିବାଲୋକରେ ଗାଁ ଦାଣ୍ଡରେ ସର୍ବସାଧାରଣରେ ଷଣ୍ଢ ଉପରେ ଅତ୍ୟାଚାର କରି ଚାଲିଥିଲେ ଯୁବକ । ସବୁଠାରୁ ଆଶ୍ଚର୍ଯ୍ୟର ବିଷୟ ହେଲା ଏହି ଦୃଶ୍ୟକୁ କେତେକ ଲୋକ ମୋବାଇଲରେ ରେକର୍ଡିଂ କରୁଥିବା ବେଳେ ଅନ୍ୟମାନେ ଦେଖଣାହାରୀ ସାଜିଥିଲେ । ଏନେଇ କୌଣସି ଲୋକ ପ୍ରତିବାଦ ମଧ୍ୟ କରିନଥିଲେ । ତେବେ ନିଆଁରେ ପୋଡି ହୋଇ ଯାଇଥିବା ଷଣ୍ଢଟି କୌଣସିମତେ ଯୁବକଙ୍କ କବଳରୁ ଖସି ଯିବା ପରେ ଦୃତ ଗତିରେ ଦୌଡି ପଳାଇବାରେ ସକ୍ଷମ ହୋଇଥିଲା । ଏହି ଛାତିଥରା ଦୃଶ୍ୟ ଭାଇରାଲ ହେବା ପରେ ଦୋଷୀକୁ କଠୋରରୁ ଅତି କଠୋର ଦଣ୍ଡ ଦେବା ପାଇଁ ସାଧାରଣରେ ଦାବି ହୋଇଛି ।
