ବାପାଙ୍କୁ ମାଡ଼ ମାରିଥିବା ବ୍ୟକ୍ତିକୁ ଗୁଳି ମାରି ପ୍ରତିଶୋଧ ନେଲା ନାବାଳକ ପୁଅ । ସାଥିରେ ଥିଲେ ଆଉ ୩ଜଣ ସାଙ୍ଗ
Get real time updates directly on you device, subscribe now.
ଦିଲ୍ଲୀରେ ଜାହାଙ୍ଗିରପୁରୀ ଅଞ୍ଚଳରେ ବଦଲାପୁର ରିପିଟ୍ । ମାଡ଼ ବଦଳରେ ଗୁଳି । ବାପାଙ୍କୁ ମାଡ଼ର ପ୍ରତିଶୋଧ ଗୁଳି ମାଡ଼ କରି ନେଲା ପୁଅ । ରାଜଧାନୀ ଦିଲ୍ଲୀର ଜାହାଙ୍ଗିରପୁରୀ ଅଞ୍ଚଳରେ ଏହି ଘଟଣା ଘଟିଛି । ୭ ମାସ ତଳେ ବାପାଙ୍କୁ ମାଡ଼ ମାରିଥିବା ବ୍ୟକ୍ତିଙ୍କୁ ପଏଣ୍ଟ ବ୍ଲାଙ୍କରୁ ଗୁଳି କରି ଫେରାର ମାରିଛି ନାବାଳକ । ନାବାଳକ ଜଣକ ତିନି ସାଙ୍ଗଙ୍କ ସହିତ ଆସି ଘର ବାହାରେ ବସିଥିବା ଜଣେ ବ୍ୟକ୍ତିଙ୍କ ମୁଣ୍ଡରେ ବନ୍ଧୁକ ଧରି ଗୁଳି ଚଳାଇଥିଲେ । ତେବେ ଗୁଳିଟି ବ୍ୟକ୍ତିଙ୍କ ଆଖିରେ ବାଜିଥିଲା ଏବଂ ସେ ବର୍ତ୍ତମାନ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।
ତେବେ ସେହି ଗୁଳିକାଣ୍ଡ ବେଳର ଭିଜୁଆଲ ସିସିଟିଭିରେ କଏଦ ହୋଇଛି । ଯାହାକି ଏବେ ସୋସିଆଲ ମିଡ଼ିଆରେ ବେଶ୍ ଭାଇରାଲ ହେବାରେ ଲାଗିଛି । ଗତକାଲି ଏହି ଗୁଳିକାଣ୍ଡ ଘଟିଥିବା କୁହାଯାଉଛି । ଯେଉଁ ବ୍ୟକ୍ତିଙ୍କ ଉପରକୁ ଗୁଳି ହୋଇଛି ତାଙ୍କ ନାମ ହେଉଛି ଜାଭେଦ୍ ଅନସାର ଅହମ୍ମଦଙ୍କ ପୁଅ । ଯିଏକି ନିଜ ପରିବାର ସହିତ ଏଚ-୪ ବ୍ଲକରେ ରହୁଥିଲେ । ଗୁଳିକାଣ୍ଡ ମାମଲାରେ ୩୦୭ ଦଫାରେ ମାମଲା ରୁଜୁ ହୋଇଛି ।
दिल्ली के जहांगीरपुरी में एक नाबालिग लड़के ने पिता की पिटाई का बदला लेने के लिए शख्स को गोली मार दी। शख्स की आंख में गोली लगी है जिसका अस्पताल में इलाज चल रहा है। pic.twitter.com/fzoabm6XIq
— Hindustan (@Live_Hindustan) July 16, 2022
ଭିଡିଓରେ ଦେଖିବାକୁ ମିଳୁଛି ନାବଳକା ଜଣକ ତାଙ୍କର ତିନିଜଣ ସାଙ୍ଗଙ୍କ ସହ ରାସ୍ତାରେ ଯାଉଛନ୍ତି । ହେଲେ ହଠାତ୍ ସେ ହାତରେ ପିସ୍ତଲ ଧରି ଜାଭେଦ୍ ଅନସାରର ଅତି ନିକଟକୁ ଯାଇ ଗୁଳି ଚଳାଇ ଥିଲେ । ସମୟ ପ୍ରାୟ ଅପରାହ୍ନ ୪.୪୫ରେ । ଜାଭେଦ୍ ଘର ବାହାରେ ଥିବା ଏଚ-୩ ବ୍ଲକ ପାର୍କ ପାଖରେ ବସିଥିଲେ । ଆଉ ତା’ପରେ ସମସ୍ତେ ଘଟଣାସ୍ଥଳରୁ ଫେରାର ମାରନ୍ତି । ଆଉ ଭିଡିଓ ଭାଇରାଲ ହେବା ପରେ ସୂଚନା ପାଇ ପୋଲିସ ଟିମ୍ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ ଓ ଜଲଦି କାର୍ଯ୍ୟାନୁଷ୍ଠାନ ଗ୍ରହଣ କରି ଚାରି ଅଭିଯୁକ୍ତ ନାବାଳକଙ୍କୁ ଗିରଫ କରାଯାଇଛି ।
ଏଥି ସହ ଗୁଳି ବିନିମୟରେ ଆହତ ବ୍ୟକ୍ତିଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ସୂଚନା ଅନୁସାରେ ଏହି ପୀଡିତ ଜାଭେଦ ନାବାଳକଙ୍କ ବାପାଙ୍କୁ ପ୍ରାୟ ୭ ମାସ ତଳେ ମାଡ ମାରିଥିଲେ । ମାଡ ମାରିବାରେ ଏତେ ମାସ ପରେ ନାବାଳକ ପୁଅ ଏହାର ପ୍ରତିଶୋଧ ନେଇଛନ୍ତି । ତେବେ ପୋଲିସ ଟିମ୍ ନାବାଳକଙ୍କୁ ଗିରଫ କରିବା ସହିତ ବ୍ୟବହୃତ ପିସ୍ତଲ ମଧ୍ୟ ଜବତ କରିଛି ।
