PM Kisan Yojana: ଭୁଲରେ ମଧ୍ୟ କରନ୍ତି ନାହିଁ ଏମିତି ଭୁଲ, ନଚେତ୍ ଖାତାକୁ ଆସିବ ପିଏମ କିଷାନ ସମ୍ମାନ ନିଧି ଯୋଜନାର 12 ତମ କିସ୍ତି
Get real time updates directly on you device, subscribe now.
PM Kisan Samman Nidhi Yojana: ଭାରତର ପ୍ରାୟ ଅଧାରୁ ଅଧିକ ଲୋକ ଚାଷ ଉପରେ ନିର୍ଭର କରନ୍ତି । ଏଥିରୁ ଅଧିକାଂଶ କୃଷକ ଲଘୁ ଏବଂ ସୀମାନ୍ତ କୃଷକଙ୍କ ଶ୍ରେଣୀରେ ଅଛନ୍ତି । ଏହି କୃଷକମାନଙ୍କୁ ଅନେକ ଫସଲର ବୁଣିବା ଠାରୁ ନେଇ କାଟିବା ପର୍ଯ୍ୟନ୍ତ ଅନେକ ପ୍ରକାରର ଅସୁବିଧାକୁ ସାମ୍ନା କରିବାକୁ ପଡ଼ିଥାଏ । ଏପରି ପରିସ୍ଥିତିରେ ଏହି କୃଷକ ଆର୍ଥିକ ଭାବରେ ଯେପରି ଅଧିକ ଶକ୍ତିଶାଳୀ ହେବେ, ଏଥିପାଇଁ ଯୋଜନା ମାଧ୍ୟମରେ ଲାଭ ଦେବାକୁ ଚେଷ୍ଟା କରାଯାଏ ।
ପିଏମ କିଷାନ ସମ୍ମାନ ନିଧି ମଧ୍ୟ ଏହିପରି ଗୋଟିଏ ଯୋଜନା ଅଟେ । ଏହି ଯୋଜନା ମାଧ୍ୟମରେ କୃଷକଙ୍କୁ ପ୍ରତିବର୍ଷ 6 ହଜାର ଟଙ୍କାର ରାଶି ଦିଆଯାଏ । ଏହି ରାଶି କୃଷକଙ୍କୁ 2 ହଜାର ଟଙ୍କା ଭାବେ ପଠା ଯାଇଥାଏ । ବର୍ତ୍ତମାନ ସୁଦ୍ଧା କୃଷକଙ୍କ ଆକାଉଣ୍ଟକୁ 11 ଟି କିସ୍ତି ଟ୍ରାନ୍ସଫର କରାଯାଇଛି । ବର୍ତ୍ତମାନ କୃଷକ ପରବର୍ତ୍ତୀ 12 ତମ କିସ୍ତିକୁ ଅପେକ୍ଷା କରି ରହିଛନ୍ତି, ଯାହା କି ସେପ୍ଟେମ୍ବର ମାସ ସୁଦ୍ଧା କୃଷକଙ୍କ ଖାତାକୁ ପଠାଇ ଦିଆଯିବ ।
କୃଷକଙ୍କ ଭୁଲ କାରଣରୁ ଖାତାକୁ ଆସେ ନାହିଁ ପଇସା :-
କିଛି କୃଷକ ଏପରି ଅଛନ୍ତି, ଯେଉଁମାନେ ଅଭିଯୋଗ କରନ୍ତି ଯେ ସେମାନଙ୍କୁ ଯୋଗ୍ୟ କୃଷକ ହେବା ସତ୍ତ୍ୱେ ମଧ୍ୟ ଏହି ଯୋଜନାର ଲାଭ ମିଳୁନାହିଁ କିମ୍ବା ସେମାନଙ୍କ ଖାତାକୁ ପଇସା ଆସୁନାହିଁ । ଏହା ପଛରେ କୃଷକଙ୍କ ଦ୍ଵାରା ନିଜର ଭୁଲ ହୋଇଥାଏ । ଆମେ କୃଷକଙ୍କୁ ସେହି ଭୁଲ ବିଷୟରେ କହୁଛୁ, ଯାହାକୁ ଠିକ୍ କରି ସେମାନେ ପରବର୍ତ୍ତୀ ସବୁ କିସ୍ତି ହାସଲ କରିବାକୁ ସକ୍ଷମ ହେବେ ।
ଏହି ଭୁଲ ଠାରୁ ଦୂରେଇ ରୁହନ୍ତୁ :-
– ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଯୋଜନା ପାଇଁ ରେଜିଷ୍ଟ୍ରେସନ୍ କରିବା ସମୟରେ ଅନେକଥର କୃଷକ ନିଜ ନାମର ସ୍ପେଲିଙ୍ଗକୁ ଭୁଲ ଭାବେ କହିଥାଏ । ଯଦି ଆପଣ ମଧ୍ୟ ଏହି ଭୁଲ କରିଛନ୍ତି, ତେବେ ଯୋଜନାର ଲାଭ ନେବା ସମୟରେ ଆପଣଙ୍କୁ ଅସୁବିଧାର ସାମ୍ନା କରିବାକୁ ପଡିପାରେ ।
– ଅନେକଥର ଲୋକମାନେ ଯୋଜନାରେ ରେଜିଷ୍ଟ୍ରେସନ୍ କରିବା ସମୟରେ ନିଜର ଭୁଲ ଆଡ୍ରେସ କିମ୍ବା ଆଡ୍ରେସ ସ୍ପେଲିଙ୍ଗ ଠିକ୍ ଭାବେ ପୂରଣ କରନ୍ତି ନାହିଁ । ଏହି କାରଣରୁ ସେମାନଙ୍କୁ ଏହି ଯୋଜନାର ଲାଭରୁ ବଞ୍ଚିତ କରାଯାଏ ।
– ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଯୋଜନା ପାଇଁ ରେଜିଷ୍ଟ୍ରେସନ୍ କରିବା ସମୟରେ ବ୍ୟାଙ୍କ୍ ଆକାଉଣ୍ଟ ନମ୍ବର ଏବଂ ଆଧାର ନମ୍ୱର୍ ଭୁଲ ପୂରଣ କରିବା କାରଣରୁ ମଧ୍ୟ ପଇସା ଆସେନାହିଁ ।
– ଇ- କେୱାଇସି ନ କରିବା କାରଣରୁ ମଧ୍ୟ ପଇସା ଅଟକି ଯାଇପାରେ ।
ଶୀଘ୍ର କରାନ୍ତୁ ଇ- କେୱାଇସି :-
ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ଯୋଜନାର ଲାଭ କୌଣସି ଅସୁବିଧା ବିନା ପାଇବାପାଇଁ କୃଷକ ନିଜର ଇ- କେୱାଇସି ଜୁଲାଇ 31 ତାରିଖ 2022 ପୂର୍ବରୁ କରିନେବା ଉଚିତ୍ । ଯଦି ଆପଣ ଏହି ତାରିଖ ପୁର୍ବରୁ ଇ- କେୱାଇସି ନ କରାନ୍ତି, ତେବେ ଆପଣ ମଧ୍ୟ 12 ତମ କିସ୍ତିରୁ ବଞ୍ଚିତ ହୋଇପାରନ୍ତି ।
