ତଳେ ଗଭୀର ଖାଲ, ଉପରେ ତୃଷାର୍ତ୍ତ, ପାଣି ପାଇଁ ପ୍ରତିଦିନ ନିଜ ଜୀବନକୁ ବିପଦରେ ପକାଇଥାନ୍ତି ଏହି ଆଦିବାସୀ ମହିଳାମାନେ, ଦେଖନ୍ତୁ ଭିଡିଓ
Get real time updates directly on you device, subscribe now.
ସହରରେ ଲୋକଙ୍କ ପାଇଁ ପାଣିର ମୂଲ୍ୟ କିଛି ନାହିଁ । ତାଙ୍କ ଘରେ ଟ୍ୟାପ କନେକ୍ସନ୍ ଲାଗିଥାଏ । ଯାହାଦ୍ଵାରା ଯେତେବେଳେ ଇଚ୍ଛା ସେତେବେଳେ ପାଣି ଆସେ । କିନ୍ତୁ ଗାଁରେ ଏପରି ସୁବିଧା ନଥାଏ । ସେମାନଙ୍କୁ ଗୋଟିଏ ବାଲ୍ଟି ପାଣି ଆଣିବାପାଇଁ ମଧ୍ୟ ବହୁତ୍ କଷ୍ଟ କରିବାକୁ ପଡ଼ିଥାଏ । ଏପରିକି କିଛି ଲୋକ ନିଜ ଜୀବନକୁ ବିପଦରେ ପକାଇ ପାଣି ଆଣନ୍ତି । ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓକୁ ହିଁ ଦେଖନ୍ତୁ ।
ପାଣି ପାଇଁ ମୃତ୍ୟୁ ସହ ପଙ୍ଗା ନେଉଛନ୍ତି ମହିଳାମାନେ :-
ଏହି ଭାଇରାଲ ଭିଡ଼ିଓରେ ଦେଖାଯାଇପାରେ ଯେ କିପରି କିଛି ମହିଳା ଦୁଇଟି ପାହାଡ଼ ଉପରେ ତିଆରି ହୋଇଥିବା ଗୋଟିଏ ପତଳା କାଠ ଉପରେ ଚଢ଼ି ପାଣି ନେଇ ଯାଉଛନ୍ତି । ଏହି କାଠ ଗୋଟିଏ ଗଭୀର ନଦୀ ଉପରେ ପୋଲ ପରି କାମ କରୁଛି । ତେବେ ଏଥିରେ ମୁଣ୍ଡ ଉପରେ ଗରା, ମାଠିଆ ଧରି ଚାଲିବା ସମସ୍ତଙ୍କ ଦ୍ଵାରା ସମ୍ଭବ ନୁହେଁ । ଗାଁର କିଛି ଲୋକ ମଧ୍ୟ ଏହି ନଦୀରେ ପଡ଼ି ଯାଇଛନ୍ତି ।
महाराष्ट्र के नासिक में आदिवासी महिलाओं को (25) फीट गहरी नदी के तल के ऊपर से लकड़ी के डंडे पर चलकर पीने का पानी लाने के लिए सिर पर रोज बर्तन ढोना पड़ता है। न्यू इंडिया में आदिवासी इलाकों को बयां करती वास्तविक विडियो है।@CMOMaharashtra @OfficeofUT
pic.twitter.com/tzcl0tfbSX— Adivasi Dastak | आदिवासी दस्तक (@AdivasiDastak) January 6, 2022
ଏହି ଆଶ୍ଚର୍ଯ୍ୟଜନକ ଦୃଶ୍ୟ ହେଉଛି ମହାରାଷ୍ଟ୍ରର ତ୍ରିମ୍ବାକେଶ୍ୱର ତାଲୁକାର ଖାରସେଟ ଗ୍ରାମ ପଞ୍ଚାୟତର | ଏଠାରେ 25 ଟି ଛୋଟ ବସତି ଅଛି । ଏଥିରୁ 300 ରୁ ଅଧିକ ଆଦିବାସୀ ବାସ କରନ୍ତି | ପାନୀୟ ଜଳ ଆଣିବା ପାଇଁ ଏହି ଲୋକଙ୍କୁ ପ୍ରତିଦିନ ପୋଲ ଉପରକୁ ଯିବାକୁ ପଡ଼ିଥାଏ । ଏହି ପୋଲଟି କେବଳ ଗୋଟିଏ ଗଛର ଡାଳରେ ନିର୍ମିତ, ଯାହା ଦେଖିବାକୁ ଅତ୍ୟନ୍ତ ବିପଜ୍ଜନକ ଅଟେ । ଏହା ଉପରେ ଗରା, ମାଠିଆ ସହିତ ସନ୍ତୁଳନ ରଖିବା ଅତ୍ୟନ୍ତ କଷ୍ଟକର ଅଟେ ।
ଗୋଟିଏ ଛୋଟ ପୋଲ ଉପରେ ତିଆରି ହୋଇଥାଏ ଅଜବ ବାଲାନ୍ସ :-
ବାସ୍ତବରେ ମହିଳା ଯେଉଁ ନଦୀ ଉପରେ ତିଆରି ପୋଲକୁ ପାର କରନ୍ତି, ତାର ପାଣି ବହୁତ୍ ଅପରିଷ୍କାର ହୋଇଥାଏ । ଏହି ପାଣି ଯୋଗ୍ୟ ନୁହେଁ । ତେଣୁ ସେମାନେ ଝରଣାରୁ ପାଣି ଭର୍ତ୍ତି କରି ଆଣନ୍ତି । ଏପରି ସେମାନେ ପ୍ରତିଦିନ କରନ୍ତି । ସେମାନେ ଯେଉଁ ବିପଜ୍ଜନକ ପୋଲକୁ ପାର କରନ୍ତି, ତାହା 25 ଫୁଟ ଗଭୀର ଅଟେ । ଏହି ନଦୀର ଦୁଇ ପଟରେ କଳା ପଥର ରହିଛି ।
ଏହି ଭିଡିଓକୁ ଟୁଇଟରରେ ଆଦିବାସୀ ଦସ୍ତକ ନାମକ ଟୁଇଟର ହ୍ୟାଣ୍ଡଏଲ ସେୟାର କରିଛି । ଭିଡିଓ ସହିତ ସେ କ୍ୟାପ୍ସନରେ ଲେଖିଛନ୍ତି – ମହାରାଷ୍ଟ୍ରର ନାସିକରେ ଆଦିବାସୀ ମହିଳାଙ୍କୁ 25 ଫୁଟ ଗଭୀର ନଦୀ ଉପରେ ଗୋଟିଏ କାଠ ଉପରେ ଚାଲି ପାନୀୟ ଜଳ ଆଣିବାପାଇଁ ମୁଣ୍ଡରେ ପ୍ରତିଦିନ ଗରା, ମାଠିଆ ନେବାକୁ ପଡେ ।
