Get real time updates directly on you device, subscribe now.
ତେବେ ବର୍ତ୍ତମାନ ସମୟରେ ଯେଉଁ ଏକ ବଡ଼ ଖବର ରହିଛି ତାହା ହେଉଛି ସୁପରହିଟ ହଲିଉଡ ଫିଲ୍ମ ‘ଡକ୍ଟର ଷ୍ଟ୍ରେଞ୍ଜ’ରେ ଅଭିନୟ କରି ବାହାବା ସାଉଁଟିଥିବା ଅଭିନେତ୍ରୀ ଜାରା ସିଥିଆନ୍ ଭିନ୍ନ କାରଣକୁ ନେଇ ଚର୍ଚ୍ଚାରେ । ଆଇନ ଜାଲରେ ଫସିଲେ ଏହି ହଲିଓଡ ଅଭିନେତ୍ରୀ । ଶିଶୁ ନିର୍ଯାତନା ମାମଲାରେ ଜେଲ ଦଣ୍ଡରେ ଦଣ୍ଡିତ ହେଲେ ।
ନିକଟରେ ରିଲିଜ ହୋଇଥିବା ସୁପରହିଟ୍ ହଲିଉଡ ଫିଲ୍ମ ‘ଡକ୍ଟର ଷ୍ଟ୍ରେଞ୍ଜ’ର ଅଭିନେତ୍ରୀ ଜାରା ପାଇଥିଅନ୍ଙ୍କୁ ୮ ବର୍ଷ ଜେଲ ଦଣ୍ଡରେ ଦଣ୍ଡିତ କରାଯାଇଛି । ଶିଶୁ ନିର୍ଯାତନା ଓ ଶାରୀରିକ ପ୍ରତାଡନା ମାମଲାରେ ତାଙ୍କୁ ଏହି ଦଣ୍ଡ ମିଳିଛି । ସୂଚନା ଅନୁସାରେ ୨୦୦୫ ଓ ୨୦୦୮ରେ ୧୩ରୁ ୧୫ ବର୍ଷର ଜଣେ ଶିଶୁକୁ ଯୌନ ନିର୍ଯାତନା ଦେଇଥିବା ଜାରାଙ୍କ ନାଁରେ ଅଭିଯୋଗ ହୋଇଥିଲା । ଏହି ମାମଲାର ତଦନ୍ତ ପରେ ସେ ଏବେ ଦୋଷୀ ସାବ୍ୟସ୍ତ ହୋଇଛନ୍ତି । ସୋମବାର ନର୍ଟିଙ୍ଘମ କ୍ରାଉନ୍ କୋର୍ଟ ତାଙ୍କୁ ୮ ବର୍ଷର କାରାଦଣ୍ଡରେ ଦଣ୍ଡିତ କରିଛନ୍ତି । ଏହି ମାମଲାରେ ଜାରା ପାଇଥିଅନ୍ଙ୍କ ସ୍ୱାମୀ ଭିକ୍ଟର ମାର୍କେଙ୍କୁ ମଧ୍ୟ ଦଣ୍ଡ ମିଳିଛି ।
ତେବେ ୫୯ ବର୍ଷୀୟ ଭିକ୍ଟରଙ୍କୁ ଉକ୍ତ ପୀଡିତା ନାବାଳିକାଙ୍କୁ ପ୍ରତାଡିତ କରିବା ଅଭିଯୋଗରେ ୧୪ ବର୍ଷ ଜେଲ ଦଣ୍ଡରେ ଦଣ୍ଡିତ କରାଯାଇଛି । ଯଦିଓ ଜାରା ଆଉ ତାଙ୍କ ସ୍ଵାମୀ ଭିକ୍ଟର ଏସବୁ ଅଭିଯୋଗକୁ ଖଣ୍ଡନ କରିଛନ୍ତି କିନ୍ତୁ ଏହି ମାମଲାର ତଦନ୍ତ ପରେ ଦୁହେଁ ଏବେ ଦୋଷୀ ସାବ୍ୟସ୍ତ ହୋଇଛନ୍ତି । ଆଉ ଖବର ଅନୁସାରେ ଏପରି ଘୃଣ୍ୟ କାର୍ଯ୍ୟ କରୁଥିବା ସମୟରେ ଦୁହେଁ ବିବାହ କରି ନଥିଲେ । ଜାରା ଓ ଭିକ୍ଟର ଭବିଷ୍ୟତରେ ଆଉ କୌଣସି ବି ଶିଶୁଙ୍କ ସହ କାମ କରିପାରିବେ ନାହିଁ ବୋଲି କୋର୍ଟ ନିର୍ଦ୍ଦେଶ ଦେଇଛନ୍ତି ।
ଉଲ୍ଲେଖଯୋଗ୍ୟ ଯେ, ବେନେଡିକ୍ଟ କମ୍ବରବ୍ୟାଚ୍ ଷ୍ଟାର୍ର ଫିଲ୍ମ ‘ଡକ୍ଟର ଷ୍ଟ୍ରେଞ୍ଜ ଇନ୍ ଦ ମଲ୍ଟିଭର୍ସ’ ନିକଟରେ ହିଁ ରିଲିଜ ହୋଇଥିଲା । ଏହି ଫିଲ୍ମଟି ବକ୍ସ ଅଫିସରେ ପାଖାପାଖି ୧୦୦ କୋଟିର ବ୍ୟବସାୟ କରିଥିବା ବେଳେ ୱାର୍ଲ୍ଡୱାଇଡ୍ ୨ ହଜାରରୁ ଅଧିକ କୋଟିର ବ୍ୟବସାୟ କରିବାରେ ସଫଳ ହୋଇଛି । ତେବେ ନିକଟରେ ମୁକ୍ତିଲାଭ କରିଥିବା ହିଟ୍ ଫିଲ୍ମ୍ “ଏକ୍ସିଡେଣ୍ଟ ମ୍ୟାନ୍ ୨” ରେ ଶେଷଥର ପାଇଁ ଦେଖା ଯାଇଥିଲେ ଏହି ବିବାଦୀୟ ହିରୋଇନ୍ ।
