ତାଜମହଲ କିଏ ତିଆରି କରିଛି, ଯାଅ ପ୍ରଥମେ ପଢ଼’ ! ୨୨ କୋଠରୀକୁ ଖୋଲିବା ପାଇଁ ଆବେଦନ କରିଥିବା ଲୋକଙ୍କୁ କଡ଼ା ଜବାବ ଦେଲା ହାଇକୋର୍ଟ !

ଆଗ୍ରାରେ ଥିବା ତାଜମହଲର 22 ଟି କୋଠରୀ ଖୋଲିବାର ଆବେଦନ ଉପରେ ଆହ୍ଲାବାଦ ହାଇକୋର୍ଟର ଲକ୍ଷ୍ନୌ ବେଞ୍ଚରେ ଶୁଣାଣି ଜାରି ରହିଛି । ଏହି ସମୟରେ ଜଷ୍ଟିସ୍ ଡି.କେ ଉପାଧ୍ୟାୟ ଆବେଦନକାରୀଙ୍କୁ ଗାଳି କରି କହିଥିଲେ ଯେ ଜନହିତ ଆବେଦନ ବ୍ୟବସ୍ଥାକୁ ଦୁରୁପଯୋଗ ନ କରନ୍ତୁ, କାଲି ଆପଣ ଆସିବେ ଏବଂ କହିବେ ଯେ ଆମକୁ ମାନନୀୟ ଜଜଙ୍କ ଚ୍ୟାମ୍ବରକୁ ଯିବାକୁ ଅନୁମତି ଦରକାର ।

ତାଜମହଲର 22 ଟି କୋଠରୀ ଖୋଲିବାର ଆବେଦନ ଉପରେ ଜଷ୍ଟିସ ଡିକେ ଉପାଧ୍ୟାୟ ଏବଂ ଜଷ୍ଟିସ ସୁଭାଷ ବିଦ୍ୟାର୍ଥୀଙ୍କ ବେଞ୍ଚ ଶୁଣାଣି କରୁଛି । ହାଇକୋର୍ଟ ଆବେଦନକାରୀଙ୍କୁ କହିଲା ଯେ ଆପଣ କଣ୍ ମାନୁଛନ୍ତି କି ତାଜମହଲକୁ ଶାହାଜାହାନ ତିଆରି କରିନାହାନ୍ତି ? କଣ ଆମେ ଏଠାକୁ କୌଣସି ନିଷ୍ପତ୍ତି ଶୁଣାଇବା ପାଇଁ ଆସିଛୁ ? ଯେପରିକି ଏହାକୁ କିଏ ତିଆରି କରିଛି କିମ୍ବା ତାଜମହଲର ବୟସ କେତେ ?

ହାଇକୋର୍ଟ ତିକ୍ତତା ଟିପ୍ପଣୀ କରି କହିଛି ଯେ ଆପଣଙ୍କୁ ଯେଉଁ ଟପିକ ବିଷୟରେ ଜଣାନାହିଁ, ତା ଉପରେ ରିସର୍ଚ୍ଚ କରନ୍ତୁ, ଯାଆନ୍ତୁ ଏମଏ କରନ୍ତୁ, ପିଏଚଡ଼ି କରନ୍ତୁ, ଯଦି ଆପଣଙ୍କୁ କୌଣସି ଅନୁଷ୍ଠାନ ରିସର୍ଚ୍ଚ କରିବାକୁ ଦେଉନାହିଁ, ତେବେ ଆମ ପାଖକୁ ଆସନ୍ତୁ । ହାଇକୋର୍ଟ ସ୍ପଷ୍ଟ କରିଛି ଯେ ଆମେ ଏହି ଆବେଦନ ପତ୍ରର ଶୁଣାଣି ଟାଳିବୁ ନାହିଁ, ଆପଣ ତାଜମହଲର 22 ଟି କୋଠରୀର ସୂଚନା କାହାଠାରୁ ମାଗିଛନ୍ତି ?

ହାଇକୋର୍ଟର ପ୍ରଶ୍ନର ଉତ୍ତର ଦେଇ ଆବେଦନକାରୀଙ୍କ ଓକିଲ କହିଛନ୍ତି ଯେ ଆମେ ଅଥରିଟି ଠାରୁ ସୂଚନା ମାଗିଲୁ । ଏହା ଉପରେ ହାଇକୋର୍ଟ କହିଲା ଯେ ଯଦି ସେମାନେ କହିଛନ୍ତି ଯେ ସୁରକ୍ଷା କାରଣରୁ କୋଠରୀ ବନ୍ଦ ରହିଛି ତେବେ ଏହା ସୂଚନା ଅଟେ, ଯଦି ଆପଣ ସନ୍ତୁଷ୍ଟ ନୁହଁନ୍ତି, ତେବେ ଏହାକୁ ଚ୍ୟାଲେଞ୍ଜ କରନ୍ତୁ । ଦୟାକରି ଏମଏରେ ନିଜର ନାଁ ଲେଖାନ୍ତୁ, ତାପରେ ନେଟ, ଜେଆରଏଫ୍ ପାଇଁ ଯାଆନ୍ତୁ ଏବଂ ଯଦି କୌଣସି ବିଶ୍ଵ ବିଦ୍ୟାଳୟ ଆପଣଙ୍କୁ ଏପରି ବିଷୟ ଉପରେ ଅନୁସନ୍ଧାନ କରିବାକୁ ମନା କରନ୍ତି, ତେବେ ଆମ ପାଖକୁ ଆସନ୍ତୁ ।

ଆବେଦନକାରୀ କହିଛନ୍ତି ଯେ ଦୟାକରି ମତେ ସେହି କୋଠରୀକୁ ଯିବାକୁ ଅନୁମତି ଦିଅନ୍ତୁ । ଏହା ଉପରେ ହାଇକୋର୍ଟ ତିକ୍ତତା ଟିପ୍ପଣୀ ଦେଇ କହିଛି ଯେ କାଲି ଆପଣ ଆସି ଆମକୁ ମାନନୀୟ ଜଜଙ୍କ ଚ୍ୟାମ୍ବରକୁ ଯିବାକୁ କହିବେ ? ଦୟାକରି ଜନହିତ ଆବେଦନ ପ୍ରଣାଳୀକୁ ମଜାକ ବନାନ୍ତୁ ନାହିଁ । ଏହି ଆବେଦନ ପତ୍ର ଅନେକ ଦିନ ହେଲାଣି ମିଡିଆରେ ଘୁରି ବୁଲୁଛି ଏବଂ ବର୍ତ୍ତମାନ ଆପଣ ସମୟ ମାଗୁଛନ୍ତି ? ଏହାପରେ ହାଇକୋର୍ଟ ଶୁଣାଣି ପାଇଁ 2ଟା ସମୟ ସ୍ଥିର କରିଛି ।