ଦୁଇ ଝିଅକୁ ହେଲା ପରସ୍ପର ସହିତ ପ୍ରେମ, ବିବାହ କରିବା ଜିଦରେ ପହଞ୍ଚିଗଲେ ଥାନାରେ,ଆଉ ତା ପରେ ,ଜାଣନ୍ତୁ ପୁରା ଘଟଣା
Get real time updates directly on you device, subscribe now.
ଯଦିଓ କୋର୍ଟ ସମଲିଙ୍ଗୀ ସମ୍ପର୍କକୁ ଆଇନଗତ କରିଛି, ତଥାପି ସମାଜ ଏଭଳି ସମ୍ପର୍କକୁ ଗ୍ରହଣ କରିବା ଆରମ୍ଭ କରିନାହିଁ | ଏହି ସମ୍ପର୍କରେ ରହୁଥିବା ଲୋକମାନଙ୍କୁ, ସେ ପୁଅ ହେଉ କିମ୍ବା ଝିଅ, ସେମାନଙ୍କୁ ବାଟ ବଣା ହୋଇଥିବା ବୋଲି ବିବେଚନା କରାଯାଏ | ପରିବାର ଲୋକମାନେ ସେମାନଙ୍କୁ ବାଧ୍ୟ କରିବା ଆରମ୍ଭ କରନ୍ତି । ପରିବାରର ଅପବାଦର ଡର ମଧ୍ୟ ରହିଥାଏ ।
ଏଭଳି ଏକ ମାମଲା ବିହାରରୁ ସାମ୍ନାକୁ ଆସିଛି । ଏଠାରେ ପାଟଲିପୁତ୍ରରେ ଦୁଇଜଣ ଝିଅଙ୍କର ବନ୍ଧୁତା ହୋଇଗଲା । ତା’ପରେ ଦୁହେଁ ପ୍ରେମରେ ପଡ଼ିଗଲେ | ଦୁହେଁ ଏକାଠି ବଞ୍ଚିବା ଏବଂ ମରିବା ପାଇଁ ଶପଥ ନେବା ସହିତ ସମଲିଙ୍ଗୀ ସମ୍ପର୍କରେ ରହିବାକୁ ଲାଗିଲେ । ନିକଟରେ ଦୁହେଁ ପୋଲିସ ଷ୍ଟେସନରେ ପହଞ୍ଚିଥିଲେ । ତାପରେ ଜାଣନ୍ତୁ ପୋଲିସ ଉଭୟଙ୍କ ସହିତ ପ୍ରକୃତରେ କ’ଣ କଲା ।
କମନ୍ ସାଙ୍ଗମାନଙ୍କ ମାଧ୍ୟମରେ ହୋଇଥିଲା ଦେଖା :-
ପାଟଲିପୁତ୍ରର ଏହି ମାମଲା ଚର୍ଚ୍ଚାର ବିଷୟ ପାଲଟିଛି । ଏଠାରେ 19 ବର୍ଷର ଝିଅ ତନୁଶ୍ରୀଙ୍କର 22 ବର୍ଷୀୟ ଶ୍ରେୟା ଘୋଷଙ୍କ ସହିତ ଦେଖା ହୋଇଥିଲା । ଦୁହେଁ ପ୍ରଥମ ଥର ପାଇଁ ସେମାନଙ୍କର କମନ ସାଙ୍ଗଙ୍କ ଘରେ ଦେଖା ହୋଇଥିଲେ | ସେଠାରେ ଦୁହେଁ କଥାବାର୍ତ୍ତା କରିଥିଲେ ଏବଂ ପରସ୍ପରର ନମ୍ବର ମଧ୍ୟ ସେୟାର କରିଥିଲେ | ତା’ପରେ ଧୀରେ ଧୀରେ ଦୁହେଁ ବହୁତ କଥାବାର୍ତ୍ତା କରିବାକୁ ଲାଗିଲେ | ଉଭୟଙ୍କ ଚିନ୍ତାଧାରା ମିଶିବାକୁ ଲାଗିଲା ।
ଏହାପରେ ବନ୍ଧୁତା ଧୀରେ ଧୀରେ ବଢ଼ିବାକୁ ଲାଗିଲା । ବର୍ତ୍ତମାନ ଦୁହେଁ ପରସ୍ପରକୁ ଭଲ ପାଉଛନ୍ତି । ଦୁହିଁଙ୍କୁ ଏକାଠି ରହିବାକୁ ଭଲ ଲାଗିବାରୁ ସେମାନେ ସମଲିଙ୍ଗି ସମ୍ପର୍କରେ ରହିବା ଆରମ୍ଭ କରିଦେଲେ । ଆରମ୍ଭରେ ତ ସେମାନଙ୍କ ପରିବାର ଲୋକେ ଏହି କଥା ଜାଣିପାରି ନଥିଲେ । ତେବେ ଧୀରେ ଧୀରେ ଘରଲୋକ ମାନେ ଧ୍ୟାନ ଦେବାକୁ ଆରମ୍ଭ କରିବାରୁ ପୁରା ମାମଲା ଜଣାପଡ଼ିଲା ।
ଘର ଲୋକେ ପିଟିବାରୁ ପଳାଇଗଲେ ଦିଲ୍ଲୀ :-
ଦୁହିଁଙ୍କ ମୁଣ୍ଡରେ ପ୍ରେମର ନିଶା ଚଢ଼ିଗଲା । ସେମାନେ ମୋବାଇଲରେ ସାରାଦିନ କଥା ହେବାକୁ ଲାଗିଥିଲେ । ତନୁଶ୍ରି ଦାନାପୂରରେ ରୁହନ୍ତି । ଶ୍ରେୟା ଘୋଷ ପାଟଲିପୁତ୍ରର ବାସିନ୍ଦା ଅଟନ୍ତି । ଦୁହିଁଙ୍କ ପରିବାର ଲୋକଙ୍କୁ ସନ୍ଦେହ ହେବାରୁ ସେମାନେ ପ୍ରଥମେ ଦୁହିଁଙ୍କୁ ବୁଝାଇଲେ । ଏହାପରେ ମଧ୍ୟ ସେମାନେ କଥା ନ ମାନିବାରୁ ସେମାନଙ୍କ ସହିତ ମାରପିଟ କଲେ ।
ଘରଲୋକେ ଦୁଇ ଝିଅଙ୍କ ମୋବାଇଲ ମଧ୍ୟ ଛଡ଼ାଇ ନେଲେ । ଏହାପରେ ମଧ୍ୟ ଦୁହେଁ ମାନି ନଥିଲେ । ସେମାନେ ପରସ୍ପର ସହିତ ମିଶୁଥିଲେ । ଚାରିଦିନ ପୁର୍ବରୁ ହିଁ ଦୁହେଁ ପରସ୍ପରକୁ ଦେଖା କରିବାକୁ ଗୋଟିଏ ମଲକୁ ଯାଇଥିଲେ । ସେବେଠାରୁ ଘରକୁ ନ ଫେରିବାରୁ ଘରେ ଚିନ୍ତା ବଢ଼ିଗଲା । ଘରଲୋକେ କେସ କରିବାରୁ ଜଣାପଡ଼ିଲା ଯେ ଦୁହେଁ ଦିଲ୍ଲୀରେ ଥିଲେ ।
ଏହି କଥାକୁ ଜିଦ୍ କରି ପହଞ୍ଚିଲେ ଥାନାରେ :-
ପୋଲିସ ଯାଞ୍ଚ କରୁଥିଲେ । ଏହି ସମୟରେ ଜଣାପଡ଼ିଲା ଯେ ସେମାନେ ଦିଲ୍ଲୀରୁ ଫେରି ଆସିଛନ୍ତି । ଏହାପରେ ଦୁହେଁ ସିଧା ପାଟଣା ଥାନାରେ ପହଁଚିଗଲେ । ସେଠାରେ ପୋଲିସ ଆଗରେ ବିବାହ ପାଇଁ ଜିଦ୍ କରିବାକୁ ଲାଗିଲେ । ସେମାନେ କହିଛନ୍ତି ଯେ ଦୁହେଁ ବାଳିକା ଅଟନ୍ତି ଏବଂ ପରସ୍ପରକୁ ଭଲ ପାଆନ୍ତି । ଏହି କାରଣରୁ ଦୁହେଁ ଏକାଠି ରହିବାକୁ ଚାହୁଁଛନ୍ତି, କିନ୍ତୁ ଏପରି ହେବାକୁ ଦିଆଯାଉନାହିଁ ।
ସେମାନେ ନିଜ ଘରଲୋକଙ୍କ ଉପରେ ମଧ୍ୟ ଆରୋପ ଲଗାଇଛନ୍ତି । ସେମାନେ କହିଛନ୍ତି ଯେ ତାଙ୍କ ଘରଲୋକ ଦୁହିଁଙ୍କୁ ଏକାଠି ଦେଖିବାକୁ ଚାହୁଁନାହାଁନ୍ତି । ପରିବାର ଲୋକ ସେମାନଙ୍କୁ ମାଡ ମାରୁଛନ୍ତି । ବିବାହ କରିବାକୁ ସେମାନେ ଜିଦ୍ କରିବାକୁ ଲାଗିଲେ । ପୋଲିସ ଦୁହିଁଙ୍କୁ ବୁଝାଇଲେ ଏବଂ ବୟାନ ଲେଖି ସେମାନଙ୍କୁ ଘରକୁ ପଠାଇ ଦେଲେ । ପୋଲିସକୁ ସେମାନେ କହିଛନ୍ତି ଯେ ପାଠ ପଢା ପୁରା ହେବାପରେ ସେମାନେ ବିବାହ କରିବେ ।
