Get real time updates directly on you device, subscribe now.
ସମସ୍ତେ ନିଜ ଭବିଷ୍ୟତକୁ ସୁରକ୍ଷିତ ରଖିବାପାଇଁ ଚାହିଁଥାନ୍ତି । ଯଦି ଆପଣ ବର୍ତ୍ତମାନ ସୁଦ୍ଧା କୌଣସି ପ୍ଲାନ୍ କରିନାହାନ୍ତି, ତେବେ ନିଜ ପରିବାରର ଭବିଷ୍ୟତକୁ ସୁରକ୍ଷିତ କରିବା ପାଇଁ ଏହା ହିଁ ଉପଯୁକ୍ତ ସମୟ ଅଟେ । ନିବେଶ କରିବାପାଇଁ ଆପଣ ଆପଣଙ୍କର କୌଣସି ଚିହ୍ନା ଜଣା ବ୍ୟକ୍ତିଙ୍କ ଠାରୁ ମଧ୍ୟ ପରାମର୍ଶ ନେଇପାରିବେ । ଏହି ମାମଲାରେ ଆମେ ଆପଣଙ୍କୁ କିଛି ଜିନିଷ ସଜେଷ୍ଟ କରୁଛୁ ।
ପ୍ରତିଦିନ ଜମା କରନ୍ତୁ 17 ଟଙ୍କା :-
ବିନିଯୋଗ ପାଇଁ ଆପଣଙ୍କୁ ବଡ ପାଣ୍ଠିର ଆବଶ୍ୟକତା ନାହିଁ | ଛୋଟ ପାଣ୍ଠି ବିନିଯୋଗ କରି ଆପଣ ବଡ ସଞ୍ଚୟ ମଧ୍ୟ କରିପାରିବେ | ଆମେ ଯେଉଁ ଯୋଜନା ବିଷୟରେ ଆପଣଙ୍କୁ କହୁଛୁ, ତାହା ହେଉଛି ମାସକୁ 500 ଟଙ୍କା ଜମା କରିବାର ଯୋଜନା । ଯଦି ଆପଣ ଏହାକୁ ପ୍ରତିଦିନ ହିସାବରେ ଦେଖନ୍ତି, ତେବେ 16.66 ଟଙ୍କା ପାଖାପାଖି (17 ଟଙ୍କା) ହୋଇଥାଏ । ପ୍ରତିଦିନ 17 ଟଙ୍କା ସଞ୍ଚୟ କରିବା କୌଣସି ବଡ କଥା ନୁହେଁ ।
SIP ରେ ମିଳିଥାଏ ବହୁତ୍ ଭଲ ଫାଇଦା :-
ଆପଣ ମ୍ୟୁଚୁଆଲ୍ ଫଣ୍ଡରେ ନିବେଶ କରିପାରିବେ । ମାସକୁ 500 ଟଙ୍କାର SIP ମଧ୍ୟ ଆପଣଙ୍କୁ କୋଟିପତି କରିପାରେ । ଆସନ୍ତୁ ଜାଣିବା ଯେ 500 ଟଙ୍କାର ଫଣ୍ଡରୁ ଆପଣ କିପରି କୋଟିପତି ହୋଇପାରିବେ । ଆପଣଙ୍କୁ ପ୍ରତିଦିନ 17 ଟଙ୍କା ଅର୍ଥାତ୍ ମାସକୁ 500 ଟଙ୍କା ମ୍ୟୁଚୁଆଲ୍ ଫଣ୍ଡରେ ନିବେଶ କରିବାକୁ ପଡ଼ିବ । ଗତ କିଛି ବର୍ଷ ମଧ୍ୟରେ ମ୍ୟୁଚୁଆଲ୍ ଫଣ୍ଡ 20 ପ୍ରତିଶତ କିମ୍ବା ଏହାଠାରୁ ଅଧିକ ରିଟର୍ନ ଦେଇଛି ।
କେତେ ଦିନ ପାଇଁ କରିବାକୁ ପଡ଼ିବ ନିବେଶ :-
ଯଦି ଆପଣ ଏହି ଯୋଜନାରେ ବିନିଯୋଗ କରିବାକୁ ଚାହୁଁଛନ୍ତି, ତେବେ ଆପଣଙ୍କୁ 20 ବର୍ଷ ପର୍ଯ୍ୟନ୍ତ ପାଇଁ ନିବେଶ କରିବାକୁ ପଡ଼ିବ । ଏହି ରାଶିକୁ 20 ବର୍ଷ ପାଇଁ ଜମା କଲେ ଆପଣ 1.2 ଲକ୍ଷ ଟଙ୍କା ଜମା କରନ୍ତି । 20 ବର୍ଷରେ ବାର୍ଷିକ 15 ପ୍ରତିଶତ ରିଟର୍ନ ଉପରେ ଆପଣଙ୍କ ଫଣ୍ଡ ବଢିଯାଇ 7ରୁ 8 ଲକ୍ଷ ଟଙ୍କା ହୋଇଯିବ ।
