ବର୍ତ୍ତମାନ ପର୍ଯ୍ୟନ୍ତ କରୋନାରେ ସଂକ୍ରମିତ ହୋଇନଥିବା ଲୋକମାନଙ୍କ ପାଇଁ ଆସିଲା ଖରାପ ଖବର ……..

ପୁଣିଥରେ ଦେଶରେ କୋରୋନାର ମାମଲା ବଢ଼ିବାରେ ଲାଗିଛି। ଯାହାଫଳରେ ପୁଣିଥରେ କୋରୋନା କଟକଣା ମଧ୍ୟ ଲାଗୁ କରାଯାଉଛି। ଏହି କ୍ରମରେ କରୋନା ଭୂତାଣୁର ଓମିକ୍ରନ ଭାରିଆଣ୍ଟ ସାରା ଦୁନିଆ ପାଇଁ ବର୍ତ୍ତମାନ ବିପଦ ସୃଷ୍ଟି କରିଛି। ଏହି ସମୟରେ ଓମିକ୍ରନର BA.1 ଭାରିଆଣ୍ଟ ବିରୁଦ୍ଧରେ କୋଭିଶିଲ୍ଡ ଟିକାର ପ୍ରଭାବକୁ ନେଇ ବୈଜ୍ଞାନିକମାନେ ଅନେକ ଚିନ୍ତା ପ୍ରକଟ କରିଛନ୍ତି। ଏକ ରିପୋର୍ଟ ଅନୁସାରେ, ଯେଉଁମାନେ କୋଭିଶିଲ୍ଡର ଉଭୟ ଡୋଜକୁ ଗ୍ରହଣ କରି ସାରିଛନ୍ତି ଓ ସେମାନେ ପୂର୍ବରୁ କେବେ ମଧ୍ୟ ସଂକ୍ରମିତ ହୋଇନାହାଁନ୍ତି, ଓମିକ୍ରନ (Omicron) BA.1 ଭାରିଆଣ୍ଟ ବିରୁଦ୍ଧରେ ସେମାନଙ୍କର ନ୍ୟୁଟ୍ରଲାଇଜିଙ୍ଗ୍ ଶକ୍ତି ବହୁତ କମ ବୋଲି ଜଣାପଡିଛି। ସଂକ୍ରମଣରୁ ମୁକ୍ତି ପାଇଥିବା ଓ କୋଭିଶିଲ୍ଡର ଉଭୟ ଡୋଜ୍ ନେଇଥିବା ଲୋକମାନଙ୍କ ତୁଳନାରେ ଏପରି ଲୋକଙ୍କର ଅଧିକ ବିପଦ ଥିବା ଦେଖାଯାଇଛି।

ଆଇସିଏମଆର-ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଭାଇରୋଲୋଜି ଦ୍ୱାରା କରାଯାଇଥିବା ଅଧ୍ୟୟନରେ ଶୀଘ୍ର ବୁଷ୍ଟର ଡୋଜ ଗ୍ରହଣ କରିବାର ଆବଶ୍ୟକତା ଦର୍ଶାଯାଇଛି। ଏହି ଅନୁସନ୍ଧାନ ପାଇଁ କୋଭିଶିଲ୍ଡର ଦ୍ୱିତୀୟ ଡୋଜର ୧୮୦ ଦିନ ପରେ ୨୪ କୋରୋନା ସଂକ୍ରମିତ ବ୍ୟକ୍ତିଙ୍କ ସେରମ୍ ନମୁନା ସଂଗ୍ରହ କରାଯାଇଥିଲା। ଏହା ସହିତ ୧୭ ଜଣଙ୍କର ନମୁନା ମଧ୍ୟ ନିଆଯାଇଥିଲା, ଯେଉଁମାନଙ୍କୁ କୋରୋନା ହୋଇନଥିଲା ଏବଂ ସେମାନେ କୋଭିଶିଲ୍ଡର ଉଭୟ ଡୋଜ ନେଇଥିଲେ। କୋଭିଶିଲ୍ଡର ଉଭୟ ଡୋଜ ଗ୍ରହଣ କରି ସାରିବା ପରେ ମଧ୍ୟ ଏହି ଲୋକମାନଙ୍କଠାରେ ଓମିକ୍ରନର ସଂକ୍ରମଣ ଦେଖିବାକୁ ମିଳିଥିଲା।

ତୃତୀୟ ଗ୍ରୁପରେ ଏପରି ଲୋକମାନେ ସାମିଲ ଥିଲେ ଯେଉଁମାନେ କୋଭିଶିଲ୍ଡ ଟିକା ଗ୍ରହଣ କରିବା ପରେ SARS-CoV-2 ର ସଂସ୍ପର୍ଶରେ ଆସିଥିଲେ। ସଂକ୍ରମଣର ସଂସ୍ପର୍ଶରେ ଆସିବାର ୧୪-୩୦ ଦିନ ପରେ ଏହି ଗୋଷ୍ଠୀର ଲୋକଙ୍କ ସେରମ୍ ନମୁନା ସଂଗ୍ରହ କରାଯାଇଥିଲା। ଏଥିମଧ୍ୟରୁ କେବଳ ୨୧ଟି ମାମଲାରେ ସମ୍ପୂର୍ଣ୍ଣ ଜିନୋମକୁ ପୁଣି ଥରେ ପ୍ରାପ୍ତ କରାଯାଇପାରିଛି।

ଅନୁସନ୍ଧାନକାରୀମାନେ ଜାଣିବାକୁ ପାଇଲେକି ସମସ୍ତ ନମୁନାଗୁଡ଼ିକ ଓମିକ୍ରନ ଅପେକ୍ଷା B.1, ବିଟା, ଏବଂ ଡେଲଟା ଭାରିଆଣ୍ଟକୁ ଅଧିକ ନିଷ୍କ୍ରିୟ କରିଛି। ଅବଶ୍ୟ, ଓମିକ୍ରନ ବିପକ୍ଷରେ ମଧ୍ୟ ଆଣ୍ଟିବଡିର ସର୍ବନିମ୍ନ ହାରାହାରି ସେରମ୍ ନମୁନାରେ ୦.୧୧ ବୋଲି ଜଣାପଡିଛି। ଅନ୍ୟାନ୍ୟ କ୍ଷେତ୍ରରେ ଏହା ହାରାହାରି ୧୧.୨୮ ଓ ୨୬.୨୫ ଥିଲା ।

ଜଣେ ବୈଜ୍ଞାନିକଙ୍କ କହିବା ଅନୁସାରେ, ସର୍ବାଧିକ ମ୍ୟୁଟେଶନ ହେଉଥିବା ଓମିକ୍ରନକୁ ଟିକା ଲଗାଇଥିବା ଲୋକମାନଙ୍କ ମଧ୍ୟରେ ଡେଲଟା କିମ୍ବା ଅନ୍ୟାନ୍ୟ ଭାରିଆଣ୍ଟ ଅପେକ୍ଷା ଇମ୍ୟୁନିକୁ ଏଡ଼ାଇ ପାଇଁ ସର୍ବାଧିକ ସହଜ ହୋଇଥାଏ। ଏହାପୂର୍ବରୁ, ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଭାଇରୋଲୋଜି ଏକ ଅଧ୍ୟୟନ କରିବା ପରେ ଓମିକ୍ରନ୍ ଭାରିଆଣ୍ଟ ବିଷୟରେ କହିଥିଲାଯେ କୋଭିଡ ଟିକାର ଡବଲ୍ ଡୋଜର ଆଣ୍ଟିବଡିର ସ୍ତର ଛଅ ମାସ ପରେ ହ୍ରାସ ପାଇବାରେ ଲାଗେ।