୯ ଜଣ ସ୍ତ୍ରୀଙ୍କର ଜଣେ ସ୍ବାମୀ, ସମସ୍ତ ପତ୍ନୀଙ୍କ ପିଲାର ବାପା ହେବାକୁ ଚାହାନ୍ତି ସ୍ୱାମୀ ଆର୍ଥର

ଜଣେ ନୁହଁ କି ଦୁଇ ଜଣ ନୁହଁ ଏକାଥରକେ ୯ ଜଣ ପତ୍ନୀଙ୍କର ଜଣେ ମାତ୍ର ସ୍ବାମୀ। ଆପଣ ଏମିତି ସ୍ବାମୀଙ୍କ ବିଷୟରେ କେବେ ଶୁଣିଛନ୍ତିକି? ବାସ୍ତବରେ ଏହି ଘଟଣାଟି ହେଉଛି ବ୍ରାଜିଲର। ଏହିଠାରେ ଆର୍ଥର ନାମକ ଜଣେ ବ୍ୟକ୍ତି ଅଛନ୍ତି। ତାଙ୍କର ସମୁଦାୟ ୯ ଜଣ ପତ୍ନୀ ଅଛନ୍ତି ଓ ସବୁଠାରୁ ମଜାଦାର କଥା ହେଉଛିକି ସେ ତାଙ୍କର ସମସ୍ତ ପତ୍ନୀଙ୍କର ପିଲାର ବାପା ହେବା ପାଇଁ ଚାହାନ୍ତି। ତାଙ୍କ କହିବା କଥା ଅନୁସାରେ, ଯଦି ସେ ଜଣେ କିମ୍ବା ୨ ଜଣ ପତ୍ନୀଙ୍କର ପିଲାର ବାପା ହେଉଛନ୍ତି ତେବେ ତାଙ୍କର ଅନ୍ୟ ପତ୍ନୀମାନେ ଦୁଃଖ ଅନୁଭବ କରିବେ ଓ ସେ କାହାରିକୁ ମଧ୍ୟ ଦୁଃଖୀ ଦେଖିବାକୁ ଚାହାନ୍ତି ନାହିଁ।

ତେବେ ଏହି ୯ ଜଣଙ୍କୁ ସେ ଥର ଥର କରି ନୁହେଁ ବରଂ ଏକାଥରକେ ବିବାହ କରିଛନ୍ତି ବୋଲି ଜାଣିବାକୁ ମିଳିଛି। ଗତବର୍ଷ ଏକାଥରରେ ଆର୍ଥର ୯ ଜଣ ମହିଳାଙ୍କୁ ବିବାହ କରିଥିଲେ। ତେବେ ଏହି ବର୍ଷେ ମଧ୍ୟରେ ତାଙ୍କର ଜଣେ ପତ୍ନୀ ତାଙ୍କଠାରୁ ଛାଡ଼ପତ୍ର ଚାହିଁଛନ୍ତି ବୋଲି ଆର୍ଥର ନିଜର ମନ୍ତବ୍ୟରେ କହିଛନ୍ତି।

ଆର୍ଥରଙ୍କର ପ୍ରଥମ ପତ୍ନୀ ହେଉଛନ୍ତି ଲୁଅନା କଜାକି, ଯଦିଓ ସେ ୯ ଜଣ ପତ୍ନୀଙ୍କୁ ଗୋଟିଏ ଦିନରେ ବିବାହ କରିଛନ୍ତି। ସେ ଗତବର୍ଷ ନଭେମ୍ବର ମାସରେ ଏକ ଚର୍ଚରେ ଏକ‌ାଥରକେ ୯ ଜଣଙ୍କୁ ବିବାହ କରିଥିଲେ। ‌ସେ ଏକ ପତ୍ନୀ ଗ୍ରହଣ ନିୟମର ବିରୋଧୀ। ଆର୍ଥରଙ୍କ ଅଗାଧା ନାମ୍ନୀ ଜଣେ ପତ୍ନୀ ଏହି ବହୁ ବିବାହ ରୀତିରେ ବିରକ୍ତ ହୋଇଯିବା ପରେ ସେ ଆର୍ଥରଙ୍କ ନିକଟରୁ ଛାଡ଼ପତ୍ର ନେବାକୁ ଚାହୁଁଛନ୍ତି ବୋଲି ସୂଚନା ରହିଛି।