ଅଜବ ପ୍ରେମ କାହାଣୀ : ଫେସବୁକରେ ହୋଇଗଲା ଦୁଇ ମହିଳାଙ୍କ ମଧ୍ୟରେ ପ୍ରେମ, ସ୍ୱାମୀ ଓ ପିଲାମାନଙ୍କୁ ଛାଡି ପରସ୍ପର ମଧ୍ୟରେ ହେଲେ ବାହାଘର,ଜାଣନ୍ତୁ ପୁରା ଘଟଣା

ଅଜବ ପ୍ରେମର ଗଜବ କାହାଣୀ ଥିବା ଏହି ମାମଲା ମଧ୍ୟପ୍ରଦେଶର ରାଜଧାନୀ ଭୋପାଳରୁ ସାମ୍ନାକୁ ଆସିଛି | ଏଠାରେ ଭୋପାଳରେ ଜଣେ ବିବାହିତା ମହିଳାକୁ ସିମଲାରେ ରହୁଥିବା ଜଣେ ନେପାଳୀ ମହିଳା ସହିତ ପ୍ରେମ ହେଇଗଲା | ଦୁଇ ମହିଳା ସମଲିଙ୍ଗିକ ବୋଲି କୁହାଯାଉଛି | ତେବେ ଦୁଇ ମହିଳା ବିବାହିତା ମଧ୍ୟ ଅଟନ୍ତି ଏବଂ ଭୋପାଳ ମହିଳାଙ୍କର ଗୋଟିଏ ପୁଅ ଏବଂ ସିମଲା ମହିଳାଙ୍କର ଦୁଇଟି ପିଲା ଅଛନ୍ତି |

ଭୋପାଳ ମହିଳା ନିଜ ସ୍ୱାମୀ ଠାରୁ ଅଲଗା ଅଛନ୍ତି, କିନ୍ତୁ ସିମଲା ଵାଲୀ ମହିଳା ନିଜର ସ୍ୱାମୀ ଏବଂ ପିଲାମାନଙ୍କ ସହିତ ରହୁଥିଲେ | ଏହି ମହିଳାମାନେ ଫେସବୁକ ବ୍ୟବହାର କରୁଥିଲେ | ଏହି ଆପ ମାଧ୍ୟମରେ ଦୁହିଁଙ୍କର ପରସ୍ପର ମଧ୍ୟରେ ବନ୍ଧୁତା ହୋଇଗଲା | ବନ୍ଧୁତା କେତେବେଳେ ପ୍ରେମରେ ବଦଳିଗଲା, ଏମାନଙ୍କୁ ଜଣାପଡିଲା ନାହିଁ ଏବଂ ଦୁହେଁ ଏକାଠି ରହିବେ ବୋଲି ଶପଥ ନେଲେ |

ନିଜ ପ୍ରେମ ସହିତ ଦେଖା କରିବାପାଇଁ ଭୋପାଳ ଚାଲିଆସିଲେ ନେପାଳୀ ମହିଳା :-

ଦୁଇ ମହିଳାଙ୍କର ପ୍ରେମ ଏତେ ବଢିଗଲା ଯେ ଦୁହେଁ ଦେଖ କରିବାକୁ ମଧ୍ୟ ନିଷ୍ପତ୍ତି ନେଲେ | ଏହାପରେ ସିମଲାରେ ରହୁଥିବା ମହିଳା ନିଜ ଦୁଇ ପିଲା ଏବଂ ସ୍ୱାମୀଙ୍କୁ ଛାଡି ନିଜ ପ୍ରେମ ସହିତ ଦେଖା କରିବାପାଇଁ ଭୋପାଳ ଚାଲିଆସିଲେ | ଏଠାରେ ସେ ସ୍ୱାମୀଙ୍କ ଠାରୁ ଅଲଗା ରହୁଥିବା ମହିଳା ବନ୍ଧୁ ସହିତ ଦେଖା କଲେ ଏବଂ ଦୁହେଁ ଏକାଠି ରହିବାପାଇଁ ସ୍ଥିର କଲେ | ଏହାପରେ ଦୁହେଁ ଗାଜିଆବାଦ ଚାଲିଗଲେ | ଏଠାରେ ଦୁହେଁ ବିବାହ ମଧ୍ୟ କଲେ ଏବଂ ଦୁହେଁ ପୁଣି ଭୋପାଳ ଆସି ଗୋଟିଏ ଫ୍ଲାଟରେ ସ୍ୱାମୀ-ସ୍ତ୍ରୀ ପରି ଏକାଠି ରହିବାକୁ ଲାଗିଲେ |

ସ୍ତ୍ରୀକୁ ଆଣିବାପାଇଁ ସିମଲାରୁ ଭୋପାଳକୁ ଆସିଲା ସ୍ୱାମୀ :-

ସିମଲାରେ ରହୁଥିବା ମହିଳାଙ୍କ ସ୍ୱାମୀ ନିଜ ସ୍ତ୍ରୀ ନିଖୋଜ ହେବାର ରିପୋର୍ଟ ଲେଖାଇଲେ | ମାମଲାର ସୂଚନା ମିଳିବା ମାତ୍ରେ ସେଠିକାର ସକ୍ରିୟ ନେପାଳୀ ଗ୍ରୁପର ଲୋକମାନେ ଜାଣିବାକୁ ଚେଷ୍ଟା କରିବାରୁ ପୁରା ଘଟଣାର ସୂଚନା ମିଳିଲା | ଏହାପରେ ଗ୍ରୁପର ଲୋକମାନେ ଭୋପାଳ ଚାଲି ଆସିଲେ ଏବଂ ଏଠାରେ ପୋଲିସକୁ ସାହାଯ୍ୟ ମାଗିଲେ | ପୋଲିସ ଯାଞ୍ଚ କରିବାରୁ ଜଣାପଡିଲା ଯେ ନେପାଳୀ ମହିଳା ନିସାତପୁରା ଅଂଚଳରେ ଫ୍ଲାଟରେ ଅନ୍ୟ ଜଣେ ମହିଳାଙ୍କ ସହିତ ରହୁଛନ୍ତି | ଖବର ମିଳିବା ମାତ୍ରେ ହିଁ ନେପାଳୀ ମହିଳାଙ୍କ ସ୍ୱାମୀ ମଧ୍ୟ ନିଜ ସ୍ତ୍ରୀକୁ ଫେରାଇ ନେବାପାଇଁ ଚାଲିଆସିଲା | ଏହାପରେ ପୋଲିସ ଦୁଇ ମହିଳାଙ୍କର କାଉନ୍ସେଲିଂ କରାଇଲା ଏବଂ ଦୁହିଁଙ୍କୁ ବୁଝାଇଲା |

ପୋଲିସ କହିଛି ଯେ ଦୁଇ ମହିଳା ନିଜ ଇଚ୍ଛାରେ ପରସ୍ପର ସହିତ ରହୁଥିଲେ | ତେଣୁ ଏହା କୌଣସି ପ୍ରକାରର ଅପରାଧିକ ମାମଲା ନୁହେଁ | ଏହାପରେ ମଧ୍ୟ ପୋଲିସ ଦୁହିଁଙ୍କର କାଉନ୍ସେଲିଂ କରାଇଲା ଏବଂ ପୁରା ମାମଲାକୁ ସମାଧାନ କଲା | ପୋଲିସ ବୁଝାଇବା ପରେ ନେପାଳୀ ମହିଳା ସ୍ୱାମୀ ସହିତ ରହିବାପାଇଁ ରାଜି ହୋଇଗଲା | ଏହାପରେ ଭୋପାଳ ଵାଲୀ ମହିଳା ମଧ୍ୟ ନିଜ ଘରକୁ ଚାଲିଗଲେ |