ବର୍ତ୍ତମାନ କଟକରୁ ଏକ ଲୋମଟାଙ୍କୁରା ଦୃଶ୍ୟ ସାମ୍ନାକୁ ଆସିଛି, ଯେଉଁଥିରେ ଦେଖାଯାଉଛି ଯେ ଦୁର୍ବୃତ୍ତମାନେ ଯୁବକଙ୍କର ଯେପର୍ଯ୍ୟନ୍ତ ହୋସ ଅଛି, ସେ ପର୍ଯ୍ୟନ୍ତ ନିଜ ଗାଡ଼ି ପଛରେ ତାଙ୍କୁ ବାନ୍ଧି ଘୋସାଡୁଛନ୍ତି । ପ୍ରାୟ 6 କିଲୋମିଟର୍ ଯାଏଁ ଯୁବକଙ୍କୁ ଗାଡ଼ି ପଛରେ ବାନ୍ଧି ଘୋଷାଡିଛନ୍ତି । ଏ ଦୃଶ୍ୟ କହୁଛି ଯେ କଟକ ସହରରେ ଗ୍ୟାଙ୍ଗ ଷ୍ଟାର ମାନଙ୍କର ଦମ୍ କେମିତି ରହିଛି ଏବଂ କେମିତି ପୋଲିସକୁ ପ୍ରତିଟି ମୁହୂର୍ତ୍ତରେ ଚ୍ୟାଲେଞ୍ଜ ଦେଉଛନ୍ତି ।
ଏପରି ଦୃଶ୍ୟ କହିବାକୁ ଗଲେ ସାଧାରଣତଃ ତାଲିବାନି ଅଞ୍ଚଳରେ ଦେଖିବାକୁ ମିଳେ, କିନ୍ତୁ ଏହା ତାଲିବାନି ନୁହେଁ ବରଂ ସବୁଠୁ ପୁରୁଣା ସହର କଟକ । ହେଲେ ତାଲିବାନରେ ଯେପରି ଶାସନ କରାଯାଏ, ଏଠାରେ ଠିକ୍ ସେମିତି ଶାସନ ଚାଲିଛି । ଦୁର୍ବୃତ୍ତମାନେ ଏପରି କାଣ୍ଡ କରୁଛନ୍ତି ଆଉ ପୋଲିସ ନଜରକୁ ଆସୁନାହାନ୍ତି । ସେମାନେ ଲୋକମାନଙ୍କୁ ଭୟଭୀତ କରାଇବାକୁ ଚେଷ୍ଟା କରୁଛନ୍ତି । ଦୁର୍ବୃତ୍ତମାନେ କହୁଛନ୍ତି, ଆମେ ହେଉଛୁ କଟକ ଗ୍ୟାଙ୍ଗ ଷ୍ଟାର ଏବଂ ଆମ ପାଖରୁ ଦୂରେଇ ରୁହ ।
ଯେଉଁ ଦୃଶ୍ୟ ଏବେ ସୋସିଆଲ ମିଡିଆରେ ଭାଇରାଲ ହେଉଛି, ସେଥିରେ ଦେଖାଯାଉଛି କିଛି ଯୁବକ ମିଶି ଜଣେ ଯୁବକଙ୍କୁ ଗାଡ଼ି ପଛରେ ବାନ୍ଧି ରାସ୍ତା ଉପରେ ଦୌଡାଉଛନ୍ତି । ଏହା କୌଣସି ଫିଲ୍ମର ଚିତ୍ର ନୁହେଁ କି କାଳ୍ପନିକ ନୁହେଁ, ଏହା ହେଉଛି ସତସତିକା ଚିତ୍ର । କିଛି ଦୁର୍ବୃତ୍ତ ନିଜ ହାତରେ ମାରଣାସ୍ତ୍ର ଧରିଛନ୍ତି, ଯେପର୍ଯ୍ୟନ୍ତ ଯୁବକଙ୍କର ହୋସ ଅଛି ସେପର୍ଯ୍ୟନ୍ତ ଗାଡ଼ି ପଛପଟେ ବାନ୍ଧି ଦୌଡାଉଛନ୍ତି । ଏହି ଦୁର୍ବୃତ୍ତମାନେ ତଳେ ପଡ଼ିଲେ ମଧ୍ୟ ଘୋଷାଡି ନେଉଛନ୍ତି । ଯୁବକଙ୍କୁ 6 କିଲୋମିଟର୍ ସେଲ୍ଟର ଛକରୁ ମିଶନ ରୋଡ ପର୍ଯ୍ୟନ୍ତ ଘୋଷାଡି ନେଇଯାଇଛନ୍ତି ।
ଖବର ଅନୁଯାୟୀ, ଯୁବକ ଜଣକ ଦୁର୍ବୃତ୍ତମାନଙ୍କ ଠାରୁ ଟଙ୍କା ଧାର ଆଣିଥିଲେ । ଧାର ଟଙ୍କା ନ ଫେରାଇବାରୁ ଦୁର୍ବୃତ୍ତମାନେ ଏପରି କାଣ୍ଡ ଘଟାଇଛନ୍ତି । କଟକରେ ଚାଞ୍ଚଲ୍ୟ ଖେଳାଇଥିବା ଏତେ ବଡ ଘଟଣାକୁ ନେଇ ନାଲବାଗ ଥାନା ଅଧିକାରୀ କହିଛନ୍ତି ଯେ ଏନେଇ କୌଣସି ଅଭିଯୋଗ ହୋଇନାହିଁ । ଆଉ ଯେତେବେଳେ ଏହି ଭିଡିଓ ଭାଇରାଲ୍ ହେଲା, ସେତେବେଳେ ପୋଲିସ ଏହି ମାମଲାକୁ ନିଜ ହାତକୁ ନେଇଛି ।