ଭାଗ୍ୟ ଛଡ଼ାଇ ନେଲା ଦୁଇ ଗୋଡ଼, ତଥାପି ହାର ମାନିନଥିଲେ, ଧରିଲେ ହ୍ୱିଲଚେୟାର ଏବଂ ବାହାରିଲେ ଲୋକଙ୍କ ପେଟ ଭରିବାକୁ

ପରିଶ୍ରମର ଫଳ ସବୁଠାରୁ ଅଲଗା ହୋଇଥାଏ । କିଛି ଲୋକ ନିଜ ଅବସ୍ଥାକୁ ଦର୍ଶାଇ ଘରେ ବସିଛନ୍ତି କିମ୍ବା ଭିକ ମାଗି ଖାଇବାକୁ ଭଲପାଆନ୍ତି । କିନ୍ତୁ ଏପରି ଅଳସୁଆ ଲୋକଙ୍କ ପାଇଁ ଜଣେ ଫୁଡ୍ ଡେଲିଭରି ଗାର୍ଲ୍ ପ୍ରେରଣା ଯୋଗାଇ ପାରିବେ । Swiggy ରେ ଫୁଡ୍ ଡେଲିଭରି କରୁଥିବା ଏହି ମହିଳା ଦିବ୍ୟାଙ୍ଗ ଅଟନ୍ତି । କିନ୍ତୁ ସେ ଏହି ଅବସ୍ଥାକୁ କେବେ ନିଜର ଦୁର୍ବଳତା ହେବାକୁ ଦେଇନାହାନ୍ତି ।

ଫୁଡ୍ ଡେଲିଭରି ବିଜନେସରେ ସମୟର ବହୁତ୍ ମୂଲ୍ୟ ଥାଏ । ଗ୍ରାହକମାନଙ୍କୁ ଠିକ୍ ସମୟରେ ନିଜ ଖାଇବା ଦରକାର୍ । ଏପରି ପରିସ୍ଥିତିରେ ଫୁଡ୍ ଡେଲିଭରି କରୁଥିବା ଲୋକ ଖରା, ବର୍ଷା ଏବଂ ଶୀତରେ ମଧ୍ୟ କୌଣସି ଅଭିଯୋଗ ବିନା କଠିନ ପରିଶ୍ରମ କରନ୍ତି, ଯେପରିକି ଆମ ପରି ଲୋକମାନେ ଘରେ ବସି ନିଜ ପେଟ ଭରି ପାରିବେ । ଯଦି କୌଣସି କାରଣରୁ ଖାଇବା ଡେରିରେ ପହଞ୍ଚେ, ସେତେବେଳେ ଆମେ ଫୁଡ୍ ଡେଲିଭରି ଲୋକଙ୍କୁ ଗାଳି ମଧ୍ୟ କରିଥାନ୍ତି । କିନ୍ତୁ ଡେରି ହେବାର ପ୍ରକୃତ କାରଣ ଜାଣିବାପରେ ଆମକୁ

ସୋସିଆଲ ମିଡିଆରେ ସମସ୍ତଙ୍କ ପ୍ରିୟ ହେଲେ ସ୍ପେଶଲ ସ୍ଵିଗି ଗାର୍ଲ୍ :-

ଏପରି କିଛି ଜଣେ Swiggy ରୁ ଖାଇବା ଅର୍ଡର କରୁଥିବା ଜଣେ ଗ୍ରାହକଙ୍କ ସହ ହେଲା । ତାଙ୍କର ଖାଇବା ଆସିବାରେ ଡେରି ହେବାରୁ ସେ ବହୁତ୍ ରାଗିଗଲେ । କିନ୍ତୁ ଯେତେବେଳେ ସେ ଫୁଡ୍ ଡେଲିଭରି କରିବାକୁ ଆସିଥିବା ମହିଳାଙ୍କୁ ଦେଖିଲେ, ସେତେବେଳେ ସେ ଲଜ୍ଜିତ ଅନୁଭବ କଲେ । ସେ ଚିନ୍ତା କଲେ ଯେ ଏହି ମହିଳା ଏପରି ଅବସ୍ଥାରେ ମଧ୍ୟ କଠିନ ପରିଶ୍ରମ କରୁଛନ୍ତି ଏବଂ ମୁଁ ଜଣେ, ଯିଏକି ଘରେ ବସି ଟିକେ ଡେରି ହେବାରୁ ରାଗୁଛି ।

ଏହି ଦିବ୍ୟାଙ୍ଗ Swiggy ଡେଲିଭରି ଗାର୍ଲଙ୍କ ଭିଡିଓକୁ ଜଗବିନ୍ଦର୍ ସିଂହ ଘୁମାନ ନାମକ ଜଣେ ୟୁଜର ସୋସିଆଲ ମିଡ଼ିଆ ୱେବସାଇଟ ଲିଙ୍କଡଇନରେ ସେୟାର କରିଛନ୍ତି । ଏହି ଭିଡିଓ ସହ ସେ ଲେଖିଛନ୍ତି – ଯଦି ଆପଣଙ୍କୁ ଅଫିସ ପାଇଁ ଲେଟ ହୋଇଯାଏ, ତେବେ ଆପଣ ମିଛ ବାହାନା କରନ୍ତି । କିନ୍ତୁ ରୀୟଲ ହୀରୋ କଠିନ ପରିଶ୍ରମ କରନ୍ତି ଏବଂ ବାହାନାକୁ ଅଣଦେଖା କରନ୍ତି ।

ଲୋକମାନେ ଦିବ୍ୟାଙ୍ଗ ମହିଳାଙ୍କ ସାହାସକୁ କରୁଛନ୍ତି ସଲାମ :-

ଏହି ଭାଇରାଲ ଭିଡ଼ିଓରେ ଦେଖାଯାଇପାରେ ଯେ କିପରି ଦିବ୍ୟାଙ୍ଗ ମହିଳା Swiggy Service ଟି- ସର୍ଟ ପିନ୍ଧି ଏବଂ ନିଜର ମୋଟର ଚାଳିତ ହ୍ଵିଲଚେୟାରରେ ଖାଦ୍ୟ ପହଞ୍ଚାଇବାର କାମ କରୁଛନ୍ତି । ସେ ଏହି କାମ ସବୁ ଋତୁରେ ଏବଂ ସବୁ ପରିସ୍ଥିତିରେ ପୁରା ସଚ୍ଚୋଟ ଭାବେ କରନ୍ତି । ସେ ଚେଷ୍ଟା କରିଥାନ୍ତି ଯେ ଯେତେ ଶୀଘ୍ର ସମ୍ଭବ ଲୋକମାନଙ୍କ ପାଖରେ ଖାଇବା ପହଞ୍ଚାଇବା । ମହିଳାଙ୍କ ନାମ ବିଦ୍ୟା କୁମାରୀ ବୋଲି କୁହାଯାଉଛି ।

ସୋସିଆଲ ମିଡିଆରେ ବିଦ୍ୟାଙ୍କୁ ବହୁତ୍ ପ୍ରଶଂସା କରାଯାଉଛି । ଯେଉଁମାନେ କାମଚୋର ଏବଂ ଅଳସୁଆ ଅଟନ୍ତି, ସେମାନେ ଏହି ମହିଳାଙ୍କ ଠାରୁ କିଛି ଶିଖିବା ଉଚିତ୍ । କିଛି ୟୁଜର କହିଛନ୍ତି ଯେ ଯଦି ଆପଣଙ୍କ ଭିତରେ ଦୃଢ଼ ସଂକଳ୍ପ ଏବଂ ଇଚ୍ଛାଶକ୍ତି ଅଛି, ତେବେ ଆପଣ କିଛି ବି କରିପାରିବେ । ସେହିପରି ଆଉ କିଛି ଏହି ମହିଳାଙ୍କୁ ସାହାଯ୍ୟ କରିବାକୁ ହାତ ବଢାଇଛନ୍ତି ।