ବନ୍ୟା ନିମନ୍ତେ ବାଙ୍ଗାଲୋରରେ ହାହାକାର,କରେଣ୍ଟ ଲାଗିବାରୁ ଗୋଟିଏ ଝିଅର ମୃତ୍ୟୁ, ଟ୍ରାକ୍ଟର ଯୋଗେ ଅଫିସ ପହଞ୍ଚିଲେ ଲୋକ

ବେଙ୍ଗାଲୁରୁ ବନ୍ୟା:-

ସିଲିକନ ସିଟି ନାମରେ ପ୍ରସିଦ୍ଧ କର୍ଣ୍ଣାଟକର ରାଜଧାନୀ ବେଙ୍ଗାଲୁରୁ ବର୍ଷା ଓ ବନ୍ୟାରେ ବେହାଲ ହୋଇପଡିଛି। ଏହି ହାଇଟେକ ସହର ଉପରେ ଆକାଶରୁ ଏମିତି ବିପର୍ଯ୍ୟୟ ଆସିଛିଯେ ଜୀବନ ଅସ୍ତବ୍ୟସ୍ତ ହୋଇପଡିଛି। ବର୍ଷା ବର୍ତ୍ତମାନ ଜୀବନ ନେବାକୁ ଯାଉଛି। ବେଙ୍ଗାଲୁରୁର ହ୍ଵାଇଟ ଫିଲ୍ଡ ଅଞ୍ଚଳରେ ୨୩ ବର୍ଷୀୟ ଅକିଲାଙ୍କର ବିଜୁଳି ଝଟକାରେ ମୃତ୍ୟୁ ହୋଇଯାଇଛି। ସେ ସୋମବାର ଦିନ ସ୍କୁଟରରେ ଘରକୁ ଫେରୁଥିଲେ।

ସଡକ ମଝିରେ ଜମା ହୋଇଥିବା ପାଣିରେ ତାଙ୍କର ସ୍କୁଟର ବନ୍ଦ ହୋଇଗଲା। ସେ ସ୍କୁଟରକୁ ଧକ୍କା ମାରି ଆଗକୁ ଆସିଲେ। କିଛି ସମୟ ପରେ ତାଙ୍କର ସନ୍ତୁଳନ ବିଗିଡିବାକୁ ଲାଗିଲା ଓ ସେ ପାଖରେ ଥିବା ବିଜୁଳୀ ପୋଲର ସାହାରା ନେଲେ। ସେତେବେଳେ ତାଙ୍କୁ ବିଜୁଳୀ ଝଟକା ଲାଗିଲା। କୌଣସି ପ୍ରକାର ଆଖପାଖର ଲୋକ ତାଙ୍କୁ ହସ୍ପିଟାଲରେ ପହଞ୍ଚାଇଲେ ଯେଉଁଠି ତାଙ୍କୁ ମୃତ ଘୋଷିତ କରିଦିଆଗଲା। ପରିବାର ଲୋକଙ୍କର କହିବା କଥାକି BESCOM ଓ ଖରାପ ଇନଫ୍ରାଷ୍ଟ୍ରକଚର ଅକିଲାଙ୍କ ମୃତ୍ୟୁ ପାଇଁ ଦାୟୀ ଅଟନ୍ତି।

ଲୋକଙ୍କୁ ଘରୁ ବାହାରିବ ହୋଇଗଲା କଷ୍ଟ:-

ସଡକ ପାଣିରେ ବୁଡିଯିବା ଫଳରେ ଲୋକଙ୍କର ଘରୁ ଅଫିସ ବାହାରିବା କଷ୍ଟ ହୋଇଯାଉଛି। ବର୍ଷା ଓ ବନ୍ୟା କାରଣରୁ ଅନେକ ଆଇଟି କମ୍ପାନୀର କାମ ସମ୍ପୂର୍ଣ ରୂପରେ ପ୍ରଭାବିତ ହୋଇଛି। ଅନେକ ସ୍ଥାନରେ ସ୍ଥିତି ଏମିତି ହୋଇଯାଇଛି ଲୋକଙ୍କୁ ଅଫିସ ଯିବା ପାଇଁ ଜେସିବି ଓ ଟ୍ରାକ୍ଟରର ସାହାରା ନେବାକୁ ପଡୁଛି। ଲୋକଙ୍କୁ ସୁରକ୍ଷିତ ସ୍ଥାନ ପହଞ୍ଚାଇବା ପାଇଁ ସଡକ ଉପରେ ଡଙ୍ଗା ବ୍ୟବହାର କରାଯାଉଛି।

ବେଙ୍ଗାଲୁରୁରେ ବର୍ଷାର ପାଣି କାରଣରୁ ସହରର ସଡକ ସମୁଦ୍ର ହୋଇଯାଇଛି। ଗାଡି ରାସ୍ତାରେ ଫସିଯାଉଛି। ଏହି କାରଣ ସଡକ ଉପରେ ଗାଡିର ଚଳାଇବା କଷ୍ଟ ହୋଇଯାଉଛି। ୟେମାଲୁର ଅଞ୍ଚଳରେ ଲୋକଙ୍କୁ ଅଫିସ ଯିବା ପାଇଁ କୌଣସି ଅନ୍ୟ ରାସ୍ତା ନଜର ଆସୁନାହିଁ। ଟ୍ରାକ୍ଟର ହିଁ ଇଞ୍ଜିନିୟରଂଙ୍କ ସାହାରା ହେଉଛି। ଟ୍ରାକ୍ଟରରେ ଅନେକ ଲୋକ ଅଫିସରେ ପହଞ୍ଚୁଛନ୍ତି। କିନ୍ତୁ କିଛି ଲୋକଙ୍କୁ ନିଜର ଘରକୁ ଯିବା ପାଇଁ କୌଣସି ରାସ୍ତା ଦେଖାଯାଉ ନାହିଁ।

ଖୋଲିଲା ପ୍ରଶାସନର ରହସ୍ୟ:-

ମୁଷଳଧାର ବର୍ଷା ହେତୁ ସିଲିକନ ସିଟିର ଅବସ୍ଥା ସଙ୍କଟାପନ୍ନ ରହିଛି। ଗତ ରାତିରୁ ବର୍ଷା ସହରର ବ୍ୟବସ୍ଥାର ଖୁଲାସା କରିଦେଇଛି। ବର୍ଷା ହେବାର କିଛି ଘଣ୍ଟା ମଧ୍ୟରେ ପ୍ରଶାସନ ଏକ ବିଫଳତା ପ୍ରମାଣିତ ହୋଇଛି ଏବଂ ସାଧାରଣ ଲୋକଙ୍କୁ ଏହା ଭୋଗିବାକୁ ପଡୁଛି। କର୍ଣ୍ଣାଟକର ହୁବଲିରେ ରାତି ପ୍ରାୟ ୭ ଟାରେ ବର୍ଷା ହୋଇଥିଲା ଏବଂ ଅଳ୍ପ ସମୟ ମଧ୍ୟରେ ନିମ୍ନମାନର ଅଞ୍ଚଳରେ ଘରଗୁଡିକ ଜଳବନ୍ଦୀ ହୋଇଯାଇଥିଲା। ଲୋକମାନେ ପାଣି ବାହାର କରିବା ପାଇଁ ବାଲ୍ଟି ବ୍ୟବହାର କରୁଥିବା ଦେଖାଯାଇଥିଲା। ଏପରିକି ଘର ଭିତରେ ରଖାଯାଇଥିବା ଆସବାବପତ୍ର ମଧ୍ୟ ପାଣିରେ ବୁଡ଼ି ଯାଇଥିଲା। ପାଣି ବାହାର କରିବା ପାଇଁ ଏକ ମେସିନର ସାହାଯ୍ୟ ନେବାକୁ ପଡିଲା।

କିନ୍ତୁ ଏଠାରେ ଥିବା ଲୋକମାନଙ୍କ ପାଇଁ ଚିନ୍ତାର ବିଷୟ ହେଉଛିଯେ ହୁବଲିରେ ଦିନସାରା ମଧ୍ୟବର୍ତ୍ତୀ ବର୍ଷା ହେବାର ସମ୍ଭାବନା ଅଛି। ୱିପ୍ରୋ ସମେତ ଅନେକ ବଡ ବଡ କମ୍ପାନୀର କାର୍ଯ୍ୟାଳୟରେ ଜଳ ପହଞ୍ଚିବା ପରେ ବର୍ଷାର ହାନିକାରକ ଆକଳନ କରାଯାଇପାରେ। ଜଣେ ବ୍ୟକ୍ତି ପାଣିରେ ବୁଡ଼ି ଯାଉଥିଲେ ସେଠାରେ ଉପସ୍ଥିତ ଥିବା ସୁରକ୍ଷାକର୍ମୀମାନେ ତାଙ୍କର ଜୀବନକୁ ରକ୍ଷା କରିଥିଲେ। ବର୍ଷା ବାଙ୍ଗାଲୋରରେ ଜୀବନକୁ ସମ୍ପୂର୍ଣ୍ଣ ବାଧା ସୃଷ୍ଟି କରିଦେଇଛି। ପରିସ୍ଥିତି ଏତେ ଖରାପ ହୋଇଯାଇଛିକି ଲୋକମାନଙ୍କୁ ଜେସିବି ସାହାଯ୍ୟରେ ଉଦ୍ଧାର କରାଯାଉଛି। ଜେସିବିରେ ବସାଇ ଲୋକମାନଙ୍କୁ ପାଣି ଭିତରୁ ବାହାର କରାଯାଉଛି।

ପାଣିପାଗ ବିଭାଗର ଆଲର୍ଟ:-

ପାଣିପାଗ ବିଭାଗ ଏହାକୁ ନେଇ ଆଲର୍ଟ ଜାରି କରିଛି। ସେପ୍ଟେମ୍ବର ୯ ତାରିଖ ପର୍ଯ୍ଯନ୍ତ ବର୍ଷାର ଆଶଙ୍କା ଅଛି ବୋଲି କୁହାଯାଉଛି। କର୍ଣ୍ଣାଟକର ଅନେକ ଜିଲ୍ଲା ଯେମିତି କୋଡାଗୁ, ସିଁମୋଗା, ଉତ୍ତର କନ୍ନଡ, ଦକ୍ଷିଣ କନ୍ନଡ, ଉଡଡୁପୀ ଓ ଚିକମାଙ୍ଗାଲୁର ଜିଲ୍ଲାରେ ୟେଲୋ ଆଲର୍ଟ ଜାରୀ କରାଯାଇଛି। ମାଛଧରାଳିଙ୍କୁ ସମୁଦ୍ରକୁ ନ ଯିବା ପାଇଁ ଚେତାବନୀ ଦିଆଯାଇଛି। ଅର୍ଥାତ ଆଗାମୀ ଦିନରେ ପୁଣିଠାରେ ଆକାଶରୁ ବିପର୍ଯ୍ୟୟ ଆସିବାର ସମ୍ଭାବନା ଅଛି।

ମୁଖ୍ୟମନ୍ତ୍ରୀ କରିଲେ ରିଲିଫର ଘୋଷଣା:-

କର୍ଣ୍ଣାଟକର ମୁଖ୍ୟମନ୍ତ୍ରୀ ବସବରାଜ ବୋମ୍ମଇ ବେଙ୍ଗାଲୁରୁରେ ଆସିଥିବା ବନ୍ୟାରୁ ରକ୍ଷା ପାଇବା ପାଇଁ ୩୦୦ କୋଟି ଟଙ୍କାର ରିଲିଫ ପ୍ୟାକେଜ ଘୋଷଣା କରିଛନ୍ତି। ବୋମ୍ମଇ ଏକ ବୟାନରେ କହିଥିଲେକି ଫଣ୍ଡର ବ୍ୟବହାର ରାସ୍ତା, ଟ୍ରାନ୍ସଫର୍ମର, ବିଜୁଳୀର ଖମ୍ବା ଓ ସ୍କୁଲ ଆଦିର ମେଣ୍ଟେନେସରେ କରାଯିବ। ନ୍ଯୁଜ ଏଜେନ୍ସି ପିଟିଆଇ ଅନୁସାରେ, ସୋମବାର ଦିନ ମୁଖ୍ୟମନ୍ତ୍ରୀ ବୋମ୍ମଇ ସହରରେ ଆସିଥିବା ବନ୍ୟାର ସ୍ଥିତି ଓ ଏହାର କାରଣରୁ ହୋଇଥିବା କ୍ଷତି ଉପରେ ବରିଷ୍ଠ ମନ୍ତ୍ରୀ ଓ ଅଧିକାରୀଙ୍କ ସହିତ ଏକ ମିଟିଂ କରିଥିଲେ। ମୁଖ୍ୟମନ୍ତ୍ରୀ କହିଥିଲେକି ବେଙ୍ଗାଲୁରୁରେ ବନ୍ୟାର ପାଣି ବାହାରିବା ପାଇଁ ପ୍ରମୁଖ ବ୍ୟବସ୍ଥା କରାଯାଇଛି। ପାଣିର ଡ୍ରେନ ନିର୍ମାଣ ପାଇଁ ପାଖାପାଖି ୧୫୦୦ କୋଟି ଟଙ୍କା ଅଲଗା ରଖାଯାଇଛି। ଯେମିତି ବନ୍ୟା କମ ହେବ ଓ ପାଣି କମିବ, ଡ୍ରେନର ନିର୍ମାଣ କାମ ଆରମ୍ଭ ହୋଇଯିବ।