ସେହି ଲୋକମାନେ ବହୁତ ଭାଗ୍ୟବାନ ହୋଇଥାନ୍ତି, ଯେଉଁମାନେ ଘରେ ଜେଜେମା’ଙ୍କ ଭଲପାଇବା ପାଇଥାନ୍ତି । ଜେଜେବାପା ଏବଂ ଜେଜେମାଙ୍କ ସହିତ ବଞ୍ଚିବାର ନିଜସ୍ୱ ଆନନ୍ଦ ରହିଥାଏ । ବିଶେଷକରି ଜେଜେମା’ମାନେ ନାତି ନାତୁଣୀମାନଙ୍କୁ ବହୁତ ସ୍ନେହ ଏବଂ ଶ୍ରଦ୍ଧାରେ ରଖନ୍ତି । କିନ୍ତୁ ଯେତେବେଳେ ସେମାନେ ବୃଦ୍ଧାବସ୍ଥା ହେତୁ ଦୁନିଆ ଛାଡିଥାନ୍ତି, କେବଳ ସେମାନଙ୍କର ମଧୁର ସ୍ମୃତିଗୁଡ଼ିକ ହିଁ ଆମ ମନରେ ରହିଯାଏ । ଏହା ମଧ୍ୟରେ ଆଜି ଆମେ ଆପଣଙ୍କୁ ଗୋଟିଏ ନାତୁଣୀ ସହିତ ପରିଚିତ କରିବାକୁ ଯାଉଛୁ, ଯିଏ ମୃତ୍ୟୁର ତିନି ବର୍ଷ ପରେ ଜେଜେମା’ଙ୍କୁ ପୁନର୍ଜୀବିତ କରିଛନ୍ତି ।
ପ୍ରିୟଙ୍କା ପୱାର ଜଣେ ମେକଅପ ଆର୍ଟିଷ୍ଟ ଅଟନ୍ତି । ସେ ତାଙ୍କ ସ୍ୱର୍ଗତ ଜେଜେମା’ଙ୍କୁ ବହୁତ୍ ଭଲ ପାଆନ୍ତି । ସେ ତାଙ୍କୁ ବହୁତ ମିସ କରନ୍ତି | ଏଭଳି ପରିସ୍ଥିତିରେ ସେ ଜେଜେମା’ଙ୍କୁ ଏକ ବିଶେଷ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ । ସେ ମେକଅପ୍ ମାଧ୍ୟମରେ ନିଜର ଚେହେରାକୁ ଏପରି ଭାବରେ ବଦଳାଇଲେ ଯେ ସେ ତାଙ୍କ ଜେଜେମା ପରି ଦେଖାଯାଉଥିଲେ । ବର୍ତ୍ତମାନ ତାଙ୍କର ପରିବର୍ତ୍ତନ ଏବଂ ପ୍ରତିଭା ଦେଖି ଲୋକମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଉଛନ୍ତି ।
ନାତୁଣୀ ନିଜ ଦକ୍ଷତା ଦ୍ଵାରା ଜେଜେମାକୁ କଲେ ପୁନର୍ଜୀବିତ :-
ପ୍ରିୟଙ୍କା ପୱାର ନିଜ ଇନଷ୍ଟାଗ୍ରାମ ହ୍ୟାଣ୍ଡେଲରେ @makeupbypriyankapanwar ରେ ମଧ୍ୟ ତାଙ୍କର ଟ୍ରାନ୍ସଫରମେସନର ଭିଡିଓ ସେୟାର କରିଛନ୍ତି । ଏହି ଭିଡିଓ ସହିତ ସେ ଗୋଟିଏ ଭାବପ୍ରବଣ ନୋଟ ମଧ୍ୟ ଲେଖିଛନ୍ତି, ଯାହା ଏପରି ଅଟେ –
ମା, ଏହା ଆପଣଙ୍କ ପାଇଁ ଅଟେ । 3 ବର୍ଷ ବିତିଗଲାଣି, ସେ ଆମ ସହିତ ନାହାଁନ୍ତି | କିନ୍ତୁ ମୁଁ ତାଙ୍କୁ ପ୍ରତିଦିନ ମନେ ପକାଉଛି | ମୁଁ ଯେତେବେଳେ କାମ କରିବାକୁ ଯାଉଥିଲି, ସେତେବେଳେ ତାଙ୍କଠାରୁ ପ୍ରତିଦିନ ଭଲପାଇବା ଏବଂ ଚୁମ୍ବନ ପାଉଥିଲି ।
View this post on InstagramA post shared by Illusion Mua – Priyanka Panwar (@makeupbypriyankapanwar)
ଯେଉଁ ଦିନ ସେ ଆମକୁ ଛାଡି ଚାଲିଯାଇଥିଲେ, ସେଦିନ ସକାଳେ ମୁଁ କାମ ପାଇଁ ଲେଟ କରୁଥିଲି | ବ୍ୟସ୍ତ ଥିବାରୁ ମୁଁ ସେଦିନ ତାଙ୍କୁ ଆଲିଙ୍ଗନ ମଧ୍ୟକରି ନଥିଲି | ସେ ମୋତେ କହିଥିଲେ ‘ବେଟା ମୋ ପାଖକୁ ଆସେ ‘, କିନ୍ତୁ ମୁଁ ତାଙ୍କୁ କହିଲି ‘ମା, ମୋର କାମରେ ଲେଟ ହେଲାଣି’ । ଏହା ପରେ ମୁଁ ଚାଲିଗଲି | କିନ୍ତୁ ଆଜି ବି ମୁଁ ବହୁତ ଦୁଃଖିତ ଯେ ସେଦିନ କାହିଁକି ମୁଁ ତାଙ୍କୁ ଭେଟିଲି ନାହିଁ ।
କୌଣସି ଜଏଣ୍ଟ ପରିବାରରେ ବଡ ହେବା କୌଣସି ବରଦାନ ଠାରୁ କମ୍ ନୁହେଁ । ଆପଣଙ୍କୁ ଜେଜେବାପା ମାମାନଙ୍କ ସହିତ ବହୁତ ସମୟ ବିତାଇବାକୁ ସୁଯୋଗ ମିଳିଥାଏ । ଜୀବନର ସବୁଠାରୁ ସୁନ୍ଦର ସ୍ମୃତି ତାଙ୍କ ସହିତ ଥିଲା ଏବଂ ମୁଁ ତାଙ୍କୁ ସାରା ଜୀବନ ଏହିପରି ମନେ ରଖିବି । ତୁମେ ଦୟାଳୁ ଏବଂ ବଡ ହୃଦୟବାନ ଥିଲ | ମୁଁ ତୁମକୁ ସବୁବେଳେ ମନେ ପକାଇବି । ମୁଁ ତୁମକୁ ଭଲ ପାଏ ମା ।
ଏଠାରେ ଦେଖନ୍ତୁ ଭିଡିଓ :-
ପ୍ରିୟଙ୍କାଙ୍କ ଏହି ଭିଡିଓ ସୋସିଆଲ ମିଡିଆରେ ବହୁତ ଭାଇରାଲ ହେବାରେ ଲାଗିଛି | ଲୋକମାନେ ମଧ୍ୟ ଏହାକୁ ବହୁତ ପସନ୍ଦ କରୁଛନ୍ତି | ଏହି ଭିଡିଓ ଦେଖି ସେମାନେ ନିଜ ନିଜର ଜେଜେମା ଏବଂ ଜେଜେବାପାଙ୍କୁ ମନେ ପକାଉଛନ୍ତି | ଜଣେ ୟୁଜର ଲେଖିଛନ୍ତି, “ଏହା ହେଉଛି ଆଜି ପର୍ଯ୍ୟନ୍ତ ସବୁଠାରୁ ସୁନ୍ଦର ଭିଡିଓ ।” ସେହିପରି ଅନ୍ୟ ଜଣେ ୟୁଜର କହିଛନ୍ତି, “ଜେଜେବାପା ଏବଂ ଜେଜେମା’ଙ୍କ ଭଲପାଇବା ସବୁଠୁ ଅଲଗା ଅଟେ ।” ତା’ପରେ ଜଣେ କହିଛନ୍ତି, “ତୁମେ ଆମ ସମସ୍ତଙ୍କ ପାଇଁ ପ୍ରେରଣା ।”