ଯଦି ଆପଣଙ୍କର କିମ୍ବା ଆପଣଙ୍କ ପରିବାରରେ ଯେକୌଣସି ବ୍ୟକ୍ତିର ପୋଷ୍ଟ ଅଫିସରେ ଆକାଉଣ୍ଟ ଅଛି, ତେବେ ଏହି ଖବର ଆପଣଙ୍କ ପାଇଁ ବହୁତ୍ ଜରୁରୀ ଅଟେ । ଆଜିକାଲି ଆପଣ ଏବଂ ଆମେ ସୋସିଆଲ ମିଡ଼ିଆ ମାଧ୍ୟମରେ ଏପରି ଖବର ଶୁଣିଥାଆନ୍ତି, ଯାହା ମାଧ୍ୟମରେ ସରକାରୀ ଯୋଜନା ନାମରେ ଫ୍ରଡ କେସ ସାମ୍ନାକୁ ଆସିଥାଏ ।
ଆଜିକାଲି ସୋସିଆଲ ମିଡିଆରେ ଗୋଟିଏ ଖବର ବହୁତ୍ ଭାଇରାଲ ହେଉଛି । ଏହି ଖବରରେ ଦାବି କରାଯାଉଛି ଯେ ପୋଷ୍ଟ ଅଫିସ ଗୋଟିଏ ଲକି ଡ୍ର ବାହାର କରିଛି । ଯାହା ମାଧ୍ୟମରେ ଆପଣ 6 ହଜାର ଟଙ୍କା ପର୍ଯ୍ୟନ୍ତ ଜିତି ପାରିବେ । ବର୍ତ୍ତମାନ ଏହାକୁ ନେଇ ପୋଷ୍ଟ ଅଫିସ ଗୋଟିଏ ପରାମର୍ଶ ଜାରି କରିଛି । ସେହିପରି ଆଜି ଗୋଟିଏ ଫେକ ୱେବସାଇଟ ଏବଂ ୟୁଆରଏଲକୁ ନେଇ ସୋସିଆଲ ମିଡିଆରେ ଗୋଟିଏ ପରାମର୍ଶ ଜାରି କରାଯାଇଛି ।
ଏହି ପରାମର୍ଶରେ କୁହାଯାଇଛି ଯେ ଇଣ୍ଡିଆ ପୋଷ୍ଟ କୌଣସି ପ୍ରକାରର ମଧ୍ୟ ଲକି ଡ୍ର କିମ୍ବା ଏହା ସହିତ ଜଡିତ କୌଣସି ଅଫର ଜାରି କରିନାହିଁ । ଏହାସହିତ ଲୋକମାନେ ଏହାଠାରୁ ଦୂରେଇ ରହିବାକୁ ମଧ୍ୟ କୁହାଯାଇଛି । ଏଥିରେ ଲୋକମାନଙ୍କୁ ନିବେଦନ କରାଯାଇଛି ଯେ ଯେତେବେଳେ ବି ସେମାନଙ୍କୁ ଏହିପରି ମେସେଜ ଦେଖାଯାଏ, ସେତେବେଳେ ଆପଣ ଇଣ୍ଡିଆନ ପୋଷ୍ଟର ୱେବସାଇଟକୁ ଯାଇ ଚେକ୍ କରିନିଅନ୍ତୁ ।
ବାସ୍ତବରେ କିଛି ଲୋକ ଏହିପରି କିଛି କାମ କରିଥାନ୍ତି, ସେମାନେ ସରକାରୀ ଯୋଜନା ନାମ ନେଇ ଲୋକଙ୍କୁ ମୂର୍ଖ କରିବାର କାମ କରନ୍ତି ।ବର୍ତ୍ତମାନ କିନ୍ତୁ ଏହି ମାମଲା ପୋଷ୍ଟ ଅଫିସ ସହିତ ଜଡ଼ିତ । ଏହିଥିରେ ଦାବି କରାଯାଉଛି ଯେ ପୋଷ୍ଟ ଅଫିସ ଆପଣଙ୍କୁ 6 ହଜାର ଟଙ୍କା ପର୍ଯ୍ୟନ୍ତ ଜିତିବାର ସୁଯୋଗ ଦେଉଛି ।
ଆମେ ମଧ୍ୟ ଆପଣଙ୍କୁ ପରାମର୍ଶ ଦେଉଛୁ ଯେ ଏହିପରି କୌଣସି ପ୍ରକାରର ଗୁଜବ ଉପରେ ଧ୍ୟାନ ଦିଅନ୍ତୁ ନାହିଁ ଏବଂ ଏପରି ସୂଚନା ମିଳିବା ମାତ୍ରେ ହିଁ ପୋଲିସକୁ ସୂଚନା ଦିଅନ୍ତୁ ।