କୁହାଯାଏ ଯେ ଯଦି ଜଣେ କିଛି କରିବା ଲକ୍ଷ୍ୟରେ ସଂପୂର୍ଣ୍ଣ ଚେଷ୍ଟା ଏବଂ ପରିଶ୍ରମ କରିବ, ତେବେ ତାକୁ ସବୁବେଳେ ସଫଳତା ହିଁ ମିଳିବ । ଏମିତି କିଛି ସଫଳତା ସିରସା ଜିଲ୍ଲାର ଡବବାଲି ଅଞ୍ଚଳରେ ଆରତୀ ହାସଲ କରି ଦେଖାଇଛନ୍ତି । ଆରତୀ ଗତ କିଛି ଦିନ ହେବ ପୋଲିସ ପାଇଁ ପରୀକ୍ଷା ଦେଇଥିଲେ, ସେ ସେଥିରେ ପାସ ମଧ୍ୟ କଲେ ଏବଂ ବର୍ତ୍ତମାନ ଆରତିଙ୍କର ହରିୟାଣା ପୋଲିସରେ ସବ ଇନ୍ସପେକ୍ଟର ଭାବରେ ଚୟନ ହୋଇଛି ।
ପଡୋଶୀମାନେ ଫୁଲମାଳା ଦେଇ କଲେ ସ୍ବାଗତ :-
ଆରତୀଙ୍କୁ ପୋଲିସରେ ଚାକିରି ମିଳିବାର ସୂଚନା ପାଇବା ପରେ ତାଙ୍କ ପରିବାର ଲୋକେ ଏବଂ ପଡ଼ୋଶୀମାନଙ୍କ ଖୁସି କହିଲେ ନସରେ । ବିଳମ୍ବିତ ରାତିରେ ଆରତୀ ହରିୟାଣା ପୋଲିସର ବର୍ଦି ପିନ୍ଧି ଘରକୁ ଫେରିବା ମାତ୍ରେ ହିଁ ଆରତୀଙ୍କ ପରିବାର ଲୋକେ ଏବଂ ପଡ଼ୋଶୀ ମାନେ ତାଙ୍କୁ ଫୁଲମାଳା ପିନ୍ଧାଇ ସ୍ବାଗତ କଲେ ।
ମିଡ଼ିଆ ସାମ୍ନାକୁ ଆସିବାପାଇଁ ଡରୁଛନ୍ତି ଆରତୀ :-
ତେବେ ଆରତୀ ମିଡ଼ିଆ ସାମ୍ନାକୁ ଆସିବାପାଇଁ ଡରୁଛନ୍ତି, କିନ୍ତୁ ଗୋଟିଏ ଗରୀବର ଝିଅକୁ ହରିୟାଣା ପୋଲିସରେ ଚାକିରି ମିଳିବାରୁ ଡବବାଲି ଅଞ୍ଚଳରେ ଲୋକମାନେ ବହୁତ୍ ଖୁସି ଅଛନ୍ତି । ଆରତିଙ୍କ ପରିବାର ଲୋକେ ମଧ୍ୟ ହରିୟାଣା ସରକାରଙ୍କୁ କୃତଜ୍ଞତା ଜଣାଇଛନ୍ତି ।
35 ବର୍ଷ ଧରି ଜୋତା ତିଆରି କରିବାର କାମ କରୁଛନ୍ତି :-
ମିଡ଼ିଆ ସହିତ କଥାବାର୍ତ୍ତା ହୋଇ ଆରତୀଙ୍କ ବାପା ତରସେମ ଲାଲ କହିଛନ୍ତି ଯେ ସେ ନିଜ ଘରେ ହିଁ ଗତ 35ବର୍ଷ ଧରି ଜୋତା ତିଆରି କରିବାର କାମ କରୁଛନ୍ତି । ଏହି ଛୋଟ କାମ ମାଧ୍ୟମରେ ହିଁ ସେ ନିଜ ପରିବାର ଚଳାଇଛନ୍ତି ।
ଦେବାନେବା ପାଇଁ ମଧ୍ୟ ପଇସା ନଥିଲା :-
ସେ କହିଛନ୍ତି ଯେ ତାଙ୍କର ଦୁଇ ଝିଅ ଏବଂ ଜଣେ ପୁଅ ଅଛନ୍ତି । ଯେଉଁଥିରେ ଦୁଇ ଝିଅ ବିଏ ପାସ କରିଛନ୍ତି ଏବଂ ପୁଅ ଵିଏ ପଢୁଛି । ତରସେମ ଲାଲ କହିଛନ୍ତି ଯେ ଗରିବ ହୋଇଥିବା କାରଣରୁ ତାଙ୍କର କୌଣସି ରାଜନୈତିକ ସମ୍ପର୍କ ନଥିଲା, ଯେଉଁ କାରଣରୁ ଦେବାନେବାର ସିଷ୍ଟମ ତାଙ୍କ ପାଖରେ ବିଲକୁଲ ନଥିଲା । ତାଙ୍କ ଝିଅ ଲଗାତାର ଭାବରେ ପୋଲିସ ଚାକିରି ପାଇଁ ମନ ଲଗାଇ ପଢୁଥିଲେ । ଦିନରାତି ପାଠପଢ଼ାରେ ହିଁ ବ୍ୟସ୍ତ ରହୁଥିଲେ ।