ଯେତେବେଳେ ଲୋକମାନେ ନୂଆଁ ନୂଆଁ ସମ୍ପର୍କରେ ଆସନ୍ତି, ସେତେବେଳେ ନିଜ ପାର୍ଟନର ସହିତ ମୁଭି ଦେଖିବା, ବୁଲିବାକୁ ଯିବାକୁ ସେମାନଙ୍କୁ ବହୁତ୍ ଭଲ ଲାଗେ । ତେବେ ଅନେକଥର ଦେଖାଯାଇଛି ଯେ ଲୋକମାନଙ୍କୁ ପରସ୍ପରର ଖରାପ ଅଭ୍ୟାସ ବିଷୟରେ ଜଣାପଡେ, ସେତେବେଳେ ସମ୍ପର୍କରେ ଫାଟ ସୃଷ୍ଟି ହେବାକୁ ଲାଗେ । ଅନେକଥର ଏହା ବ୍ରେକଅପର କାରଣ ପାଲଟିଥାଏ । ଏପରି ଗୋଟିଏ ଘଟଣା ସାମ୍ନାକୁ ଆସିଛି, ଯେଉଁଥିରେ ଜଣେ ପୁଅ ନିଜ ଗାର୍ଲଫ୍ରେଣ୍ଡ ସହିତ ମୁଭି ଥିଏଟର ରେ ହିଁ ବ୍ରେକଅପ କରିଦେଲା ।
ଡେଟିଙ୍ଗ ଆପ ମାଧ୍ୟମରେ ହେଲେ ବୟଫ୍ରେଣ୍ଡ୍- ଗାର୍ଲଫ୍ରେଣ୍ଡ :-
ମିଡ଼ିଆ ରିପୋର୍ଟ ଅନୁଯାୟୀ, ଜଣେ ଯୁବକ ଜଣେ ଯୁବତୀଙ୍କୁ ଡେଟିଙ୍ଗ ଆପ ମାଧ୍ୟମରେ ଗାର୍ଲଫ୍ରେଣ୍ଡ କରିଥିଲେ । ଏହାପରେ ଦୁହେଁ ଫୋନରେ କଥା ହେବାକୁ ଲାଗିଲେ । ଯେତେବେଳେ ଦୁହେଁ ଫୋନରେ ପରସ୍ପରକୁ ଭଲ ଭାବରେ ଜାଣିଲେ, ସେତେବେଳେ ସେମାନେ ପ୍ରଥମଥର ଦେଖା କରିବାକୁ ପ୍ଲାନ୍ କଲେ । ଏମାନେ ସ୍ଥିର କଲେ ଯେ ଦୁହେଁ ମୁଭି ଥିଏଟର ରେ ଦେଖା କରିବେ ଏବଂ ଫିଲ୍ମ ଦେଖିବେ । ଏହାପରେ ଯୁବକ ଗୋଟିଏ ଭଲ ଫିଲ୍ମ ର ଦୁଇଟି ଟିକେଟ ବୁକ୍ କଲେ ଏବଂ ଯୁବତୀଙ୍କୁ ଦେଖା କରିବା ପାଇଁ ଡାକିଲେ ।
ଯେତେବେଳେ ଦୁହେଁ ପ୍ରଥମଥର ପାଇଁ ଫିଲ୍ମ ଥିଏଟରରେ ଦେଖା ହେଲେ, ସେତେବେଳେ ଏମିତି କିଛି ହେଲା ଯେ ଯୁବକ ଫିଲ୍ମ ଶେଷ ହେବା ମାତ୍ରେ ହିଁ ଯୁବତୀଙ୍କ ସହିତ ବ୍ରେକଅପ କରିଦେଲା । ଯୁବତୀ ସୋସିଆଲ ମିଡିଆରେ ନିଜର ଅଭିଜ୍ଞତା ସେୟାର କରି କହିଛନ୍ତି ଯେ ତାଙ୍କ ପ୍ରେମିକ ତାଙ୍କ ସହିତ ପ୍ରଥମ ଡେଟରେ ହିଁ ବ୍ରେକଅପ କରିଦେଲେ, କାରଣ ସେ ଫିଲ୍ମ୍ ଦେଖିବା ସମୟରେ ଜଲଦି ଜଲଦି ସ୍ନାକ୍ସ ଖାଉଥିଲେ ।
ଫିଲ୍ମ ଶେଷ ହେବା ପୂର୍ବରୁ ସ୍ନାକ୍ସ ଖାଇବାକୁ ଲାଗିଲା ଗାର୍ଲଫ୍ରେଣ୍ଡ :-
ଯୁବତୀ କହିଛନ୍ତି ଯେ ଦୁହେଁ ରାତିରେ ଫିଲ୍ମ ଦେଖିବାକୁ ସ୍ଥିର କରିଥିଲେ । ଫିଲ୍ମ ଆରମ୍ଭ ହେବା ପୂର୍ବରୁ ସେ ପପକର୍ନ ନେଇଥିଲେ । ଏହାବ୍ୟତୀତ ଯୁବତୀ ନିଜ ପାଇଁ Maltesers ଚକଲେଟର ଗୋଟିଏ ବଡ ବ୍ୟାଗ୍ ନେଇଥିଲେ । ସେ ନିଜ ସିଟରେ ବସିବା ପରେ ଚକଲେଟ ଖାଇବା ଆରମ୍ଭ କରିଦେଲେ । ଏହି ସମୟରେ ବୟଫ୍ରେଣ୍ଡ ତାଙ୍କୁ ଗାଳି କଲେ ଏବଂ କହିଲେ ଯେ ସେ ଫିଲ୍ମ ଆରମ୍ଭ ହେବାପାଇଁ ଅପେକ୍ଷା କରନ୍ତୁ । କିନ୍ତୁ ତାଙ୍କୁ ଚକଲେଟ ଏତେ ଭଲ ଲାଗୁଥିଲା ଯେ ଫିଲ୍ମ ଆରମ୍ଭ ହେବାର 10 ମିନିଟ୍ ଭିତରେ ହିଁ ଚକଲେଟର ବଡ ପ୍ୟାକେଟ ଶେଷ ହୋଇ ସାରିଥିଲା ।
ଯୁବତୀ କହିଛନ୍ତି ଯେ ଏହି ସମୟରେ ବୟଫ୍ରେଣ୍ଡ ତାଙ୍କୁ ଅଜବ ନଜରରେ ଦେଖୁଥିଲା । ଏମିତି ଲାଗୁଥିଲା ଯେମିତି ସେ କେବଳ ଫିଲ୍ମ ଶେଷ ହେବାକୁ ଅପେକ୍ଷା କରୁଥିଲେ । ଏହାପରେ ଫିଲ୍ମ ଶେଷ ହେବା ମାତ୍ରେ ହିଁ ବୟଫ୍ରେଣ୍ଡ ତାଙ୍କ ସହିତ ସବୁ ସମ୍ପର୍କ ଭାଙ୍ଗିଦେଲା । ଯେତେବେଳେ ଯୁବତୀ ଏହି କଥା ସୋସିଆଲ ମିଡିଆରେ ସେୟାର କଲେ, ସେତେବେଳେ ଅନେକ ଲୋକ କହିଛନ୍ତି ଯେ ଯାହା ହେଲା, ଭଲ ହେଲା । ଯଦି ବୟଫ୍ରେଣ୍ଡ କେବଳ ସ୍ନାକ୍ସ ଖାଇବା କାରଣରୁ ତାଙ୍କୁ ଛାଡ଼ିଦେଲେ, ତେବେ ତାଙ୍କୁ ଏହି କଥା ପାଇଁ ଖୁସି ମନାଇବା ଉଚିତ୍ ।