ଛତିଶଗଡ଼ର ଯଶପୁରରେ ମଜାକ ମଜାକରେ ଏମିତି ଏକ ଯନ୍ତ୍ରଣାଦାୟକ ମୃତ୍ୟୁ ହୋଇଯାଇଛି ଯେ କେବଳ ପୀଡିତ ପରିବାର ନୁହେଁ ବରଂ ଆଖପାଖ ଲୋକମାନେ ମଧ୍ୟ ଘଟଣା ପରେ ଆଶ୍ଚର୍ଯ୍ୟ ହୋଇଯାଇଛନ୍ତି | ଏହି ଘଟଣାରେ ପାଞ୍ଚ ଭଉଣୀଙ୍କର ଏକମାତ୍ର ଭାଇ ନିଜ ଭଉଣୀମାନଙ୍କୁ ସହିତ କଥା ହେଉ ହେଉ ମଜାକ କରିବାକୁ ଲାଗିଲା ଏବଂ ଏହି ମଜାକରେ ତାର ଜୀବନ ଚାଲିଗଲା |
ଭାଇ ଭଉଣୀଙ୍କୁ କଲା ଭିଡିଓ କଲ :-
ପାଞ୍ଚ ଭଉଣୀଙ୍କର ଏକମାତ୍ର ଭାଇ ନିଜର ଜଣେ ଭଉଣୀକୁ ରାତି ୧୧ଟା ସମୟରେ ଭିଡିଓ କଲ କଲା | ଭିଡିଓ କଲରେ ସେ ଭଉଣୀକୁ କହିଲା ଯେ ସେ ଆତ୍ମହତ୍ୟା କରିବାକୁ ଯାଉଛି | ଏହି କଥା ଶୁଣି ଭଉଣୀର ହୋସ ଉଡ଼ିଗଲା, ସେ ତାକୁ ଏମିତି ନ କରିବାପାଇଁ ମଧ୍ୟ କହିଲା | କୁହାଯାଉଛି ଯେ ଏହାପରେ ଭାଇ କହିଲା ଯେ ସେ ମଜାକ କରୁଛି | ସେ କହିଲା ଯେ ସୁସାଇଡ କେମିତି କରନ୍ତି, ଏଇଟା ଦେଖ | ଏହାପରେ ଫ୍ୟାନରେ ଲାଗିଥିବା ଫାସକୁ ନିଜ ବେକରେ ଲଗାଇ ଦେଲା | ଏହା ମଧ୍ୟରେ ଅଚାନକ ତଳୁ ଚେୟାର ଖସି ପଡିଲା | ଏହା ଦେଖି ଭଉଣୀ ତୁରନ୍ତ ପଡୋଶୀମାନଙ୍କୁ କଲ କଲା | ପଡୋଶୀ କାନ୍ଥ ଉପରେ ଚଢି ଘରେ ପ୍ରବେଶ କରିବା ବେଳକୁ ସେମାନେ ଦେଖିଲେ ଯେ ଯୁବକଙ୍କ ଜୀବନ ଚାଲିଯାଇଛି |
ଘଟଣାର ସୂଚନା ପାଇଁ ପୋଲିସ ମାମଲାର ଯାଞ୍ଚ କରିବାରେ ଲାଗିପଡ଼ିଛି | ପୋଲିସ ଅନୁଯାୟୀ ଗତ ବୁଧବାର ଦିନ ରାତି ୯ଟା ସମୟରେ ରିଜବାନ ନିଜ ବାପା ସହିତ ପରିବାରର ଅନ୍ୟ ସଦସ୍ୟମାନଙ୍କୁ ବସ ଷ୍ଟାଣ୍ଡରେ ଡ୍ରପ କଲା, ସେମାନେ ରାୟପୁର ଯାଉଥିଲେ |
ଭାଇ ବିଳମ୍ବିତ ରାତିରେ କଲା ଭିଡିଓ କଲ :-
ପରିବାରର ବାକି ସଦସ୍ୟଙ୍କୁ ବସ ଷ୍ଟାଣ୍ଡରେ ଛାଡ଼ିବାପରେ ଘରକୁ ଫେରିବାପରେ ରିଜବାନ ରାତି ପ୍ରାୟ ୧୧ଟା ସମୟରେ ନିଜର ଜଣେ ଭଉଣୀକୁ ଭିଡିଓ କଲ କଲା ଏବଂ ଫାଶୀରେ ଝୁଲି ଆତ୍ମହତ୍ୟା କରିବାକୁ କହିଲା | କଥା କଥାରେ ଅଚାନକ ତାର ଚେୟାର ଖସିଗଲା | ସେପଟେ ପୁଅର ମୃତ୍ୟୁ ଖବର ଶୁଣି ପରିବାର ଲୋକେ ଅଧା ରାସ୍ତାରୁ ହିଁ ଯଶପୁରକୁ ଫେରିଆସିଲେ |
ଗୁରୁବାର ଦିନ ପୋଲିସ ଶବକୁ ଉଦ୍ଧାର କରି ତାର ପୋଷ୍ଟମର୍ଟମ କରାଇଲା ଏବଂ ଅନ୍ତିମ ସଂସ୍କାର ପାଇଁ ପରିବାର ଲୋକଙ୍କୁ ତାର ଶବ ଫେରାଇ ଦେଲେ | ପୋଲିସ ମାମଲାରେ ରିଜବାନ ସହିତ ଜଡିତ ଲୋକମାନଙ୍କୁ ପଚରାଉଚରା କରୁଛି | କୁହାଯାଉଛି ଯେ ଘଟଣାସ୍ଥଳରୁ କୌଣସି ସୁସାଇଡ ନୋଟ ଉଦ୍ଧାର ହୋଇନାହିଁ | ଘଟଣାର ସାକ୍ଷୀ ତାଙ୍କ ଭଉଣୀ ଅଟେ, ଯିଏ ଭିଡିଓ କଲରେ ତାର ମୃତ୍ୟୁ ଦେଖିଛି |