ପାଠ ପଢା ଛାଡ଼ି କାଜୁ ଜଙ୍ଗଲରେ ଶିକ୍ଷକ ମାନଙ୍କ ମଦ ପାର୍ଟି

ପାଠ ପଢା ଛାଡ଼ି ମଦ ବୋତଲ ସହ କାଜୁ ଜଙ୍ଗଲରେ ଶିକ୍ଷକମାନେ । ଚାଲିଗଲା ଦଶହରା କିନ୍ତୁ ଛାଡ଼ିନାହିଁ ଅଭ୍ୟାସ । ସ୍କୁଲକୁ ସେମିତି ଖୋଲି ଦେଇ ଚାଲି ଆସିଛନ୍ତି ସାର୍ ମାନେ ଏ ଜଙ୍ଗଲ ଭିତରେ ମଉଜ କରୁଛନ୍ତି । ଆଉ ସ୍କୁଲର ଏହି ଶିକ୍ଷକ ମାନଙ୍କର ଭିଡ଼ିଓ ଏବେ ସୋସିଆଲ ମିଡ଼ିଆରେ ବେଶ୍ ଭାଇରାଲ ହେବାରେ ଲାଗିଛି । ହଁ ଆଜ୍ଞା ଦର୍ଶକବନ୍ଧୁ ଦଶହରା ଛୁଟିର ଅଭ୍ୟାସ ଛାଡ଼ିବାକୁ ସାରଙ୍କୁ କଷ୍ଟ ହେଉଛି ।

ସେଥିପାଇଁ ତୋ ଛୁଟି ପରେ ସ୍କୁଲ ଖୋଲିବାର ପ୍ରଥମ ଦିନରେ ହିଁ ଶିକ୍ଷକ ବୃନ୍ଦ ବିଦ୍ୟାଳୟରେ ଉପସ୍ଥାନ ପକାଇବା ପରେ ଜଙ୍ଗଲକୁ ଚାଲି ଆସିଥିଲେ । ଆଉ ଏକ କାଜୁ ଜଙ୍ଗଲ ଭିତରେ ମଦ ବୋତଲ ସହ ଚାଖଣା ଧରି ପାର୍ଟି କରୁଥିଲେ । ତେବେ ଏଭଳି ଲଜ୍ୟାଜନକ ଘଟଣା କିଛି ଦେଖିବାକୁ ମିଳିଛି ଲକ୍ଷ୍ମୀପୁର ବ୍ଲକ୍ ଅନ୍ତର୍ଗତ ତୁନୁପାର ମଙ୍ଗଳ ବିଭାଗର ଉଚ୍ଚ ବିଦ୍ୟାଳୟ ନିକଟରେ । ଏହି ବିଦ୍ୟାଳୟର ବରିଷ୍ଠ ତିନିଜଣ ଶିକ୍ଷକ ଜଣେ ସି-ଆଇ-ସି-ସିଙ୍କ ସହ ମିଶି ବିଦ୍ୟାଳୟ ଠାରୁ ପ୍ରାୟ ୫ କିଲୋମିଟର ଦୂରରେ ଥିବା ଏକ କାଜୁ ଜଙ୍ଗଲରେ ମଦ ପିଉଥିବାର ଦୃଶ୍ୟ ଏବେ ଦେଖିବାକୁ ମିଳିଛି ।

ତେବେ ଏହି ସମସ୍ତ ଶିକ୍ଷକମାନେ ତୁନୂପାର ଉଚ୍ଚ ବିଦ୍ୟାଳୟର ହିଁ ଅଟନ୍ତି । ତେବେ କୁହାଯାଉଛି ଡ୍ୟୁଟି ସମୟରେ ଏପରି ଘୃଣ୍ୟ କାମ କରୁଥିବା ଦେଖିବାକୁ ମିଳିଥିଲା । ଆଉ ଯେଉଁଥିରେ ଗଣମାଧ୍ୟମ ପ୍ରତିନିଧି ଜଣେ ସାହାସ ଜୁଟାଇ ଶିକ୍ଷକ ମାନଙ୍କୁ ପଚାରିବାରୁ ଆମର ଲିଜର ସମୟରେ ଆମେ ପିଉଛୁ ବୋଲି ତାଙ୍କ ଭିତରୁ ଜଣେ ପ୍ରତିକ୍ରିୟା ରଖିଥିଲେ । ତେବେ ସରକାରଙ୍କ ନିର୍ଦ୍ଦେଶ ଅନୁସାରେ ସ୍କୁଲ ଛୁଟି ପୂରିବା ମାତ୍ରେ ଶିକ୍ଷକମାନେ ଆଉ ଛାତ୍ରଛାତ୍ରୀ ମାନେ କେମିତି ବିଦ୍ୟାଳୟକୁ ଆସିବେ ସେ ଉପରେ କାର୍ଯ୍ୟ କରିବା ନେଇ ନିୟମ ରହିଛି ।

କିନ୍ତୁ ଏହି ବିଦ୍ୟାଳୟର ଶିକ୍ଷକମାନେ ପିଲାଙ୍କ ପାଠପଢାକୁ ତୁଚ୍ଛ ମନେକରି ଗୁରୁତ୍ଵ ନଦେଇ ସ୍କୁଲ ସମୟରେ ୟୁନିଫର୍ମ ସହ ମଦ ପିଉଥିବାର ଏହି ଦୃଶ୍ୟ ଏବେ ଚିନ୍ତାର ବିଷୟ ପାଲଟିଛି । ତେବେ ଏ ସମ୍ପର୍କରେ ଲକ୍ଷ୍ମୀପୁର ବ୍ଲକର ଶିକ୍ଷା ଅଧିକାରୀ ଶ୍ରୀ କୈଳାସ ଚନ୍ଦ୍ର ବେହେରାଙ୍କୁ ପଚାରିବାରୁ ତଦନ୍ତ ପରେ ଉଚିତ୍ କାର୍ଯ୍ୟାନୁଷ୍ଠାନ ନିଆଯିବ ବୋଲି ଅତି ହାଲକା ଭାବରେ ପ୍ରତିକ୍ରିୟା ଦେଇଥିଲେ । ଆଉ ଏହାପରେ ସଂପୃକ୍ତ ଶିକ୍ଷକ ତଥା ସେମାନଙ୍କ ବନ୍ଧୁ ପରିଜନମାନେ ବାରମ୍ବାର ଗଣମାଧ୍ୟମ ପ୍ରତିନିଧିଙ୍କୁ ଫୋନ୍ ଯୋଗେ ଘଟଣାକୁ ଚପାଇ ଦେବାପାଇଁ ଚାପ ପ୍ରୟୋଗ କରୁଥିବା ନେଇ ଜଣାପଡିଛି ।