Get real time updates directly on you device, subscribe now.
ଅର୍ଚ୍ଚନା ଦିନେ ବଡ ବଡ଼ ବିଲଡର, ନେତା, ମନ୍ତ୍ରୀ, କଳାକାର, ପ୍ରଯୋଜକମାନଙ୍କୁ ଖୁସି ଦେଉଥିଲେ । ଆଉ ଅର୍ଚ୍ଚନାଙ୍କ ପାଖରେ ଥିବା ଯୁବତୀମାନେ ଏମାନଙ୍କ ଟେନସନକୁ କୁଆଡେ ରିଲାକ୍ସ କରୁଥିଲେ । କୁହାଯାଉଛି ଯେ ଅର୍ଚ୍ଚନାଙ୍କ ଉପରେ ଖଗା ନଜର ରଖିଥିଲା, ଯାହାକୁ ସ୍ବାମୀ ଜଗା ସହି ପାରୁନଥିଲା । ଏବେ ଚର୍ଚ୍ଚା ହେଉଛି ଯେ ଅର୍ଚ୍ଚନାର କୋଳ ପାଇଁ ଜଗା ଆଉ ଖଗା ଭିତରେ କୁଆଡେ ମନାନ୍ତର ଓ ଝଡ଼ ସୃଷ୍ଟି ହୋଇଥିଲା ।
ଆଜ୍ଞା ହଁ, ଖାଲି ଜଗା ଆଉ ଖଗା ଭିତରେ ନୁହେଁ ବରଂ ଖଗାକୁ ନେଇ ଜଗା ଓ ତାଙ୍କ ସୁନ୍ଦରୀ ସ୍ତ୍ରୀ ଅର୍ଚ୍ଚନାଙ୍କ ମଧ୍ୟରେ ମଧ୍ୟ ଝଡ ଉଠିଥିଲା । ଏହା ଥିଲା ପାରିବାରିକ ଝଡ଼, ସନ୍ଦେହର ଝଡ, ଆଉ ଯାହାକୁ ଯେତେ ଲୁଚାଇଲେ ମଧ୍ୟ ଏବେ ଜଳ ଜଳ ହୋଇ ଦିଶିଯାଉଛି ।
କୁହାଯାଉଛି ଯେ ଖଗେଶ୍ବରଙ୍କ ଘର ଖୋର୍ଦ୍ଧାର ହଳଦିଆ ଅଞ୍ଚଳରେ ରହିଛି । ଆଠ ବର୍ଷ ପରେ ଜଗବନ୍ଧୁଙ୍କ ସହ ଖଗେଶ୍ବରଙ୍କର ଭେଟ ହୋଇଥିଲା । ଯେତେବେଳେ ଜଗବନ୍ଧୁ ଏକ ସାମାନ୍ୟ ପରିବାରରୁ ଆସିଥିଲା । ଆଉ ଅର୍ଚ୍ଚନା ମଧ୍ୟ ସେମିତି ସାଧାରଣ ଥିଲା । ଆଉ ସେତେବେଳେ ଜଗବନ୍ଧୁ କୁଆଡେ ତାଙ୍କ କାର ଶୋ ରୁମରେ କାମ କରୁଥିଲା ।
ଏବେ ପୋଲିସକୁ ସୁରାଗ ମିଳିଛି ଯେ ଖଗେଶ୍ବର ଯୋଗୁଁ ଅର୍ଚ୍ଚନା ଏବଂ ଜଗବନ୍ଧୁଙ୍କ ଭିତରେ ମନ ମାଳିନ୍ୟ ଥିଲା । କାହାର କାହା ସହ ବି ପଡୁନଥିଲା । ଉପରେ ଉପରେ ଭଲ ଥିଲା । ଆଠ ବର୍ଷ ପୂର୍ବରୁ ଖଗେଶ୍ବର ପାଖରେ ଅଧିକ ସମ୍ପତି ଥିଲା, ଯେତିକି ଜଗବନ୍ଧୁଙ୍କ ପାଖରେ ନଥିଲା କିମ୍ବା ଅର୍ଚ୍ଚନା ପାଖରେ ନଥିଲା । ସେତେବେଳେ ଖଗେଶ୍ବର ସେକେଣ୍ଡ ହ୍ୟାଣ୍ଡ କାର ଶୋ ରୁମ୍ ଖୋଲିଥିଲା । ଆଉ ଅର୍ଚ୍ଚନା ମଧ୍ୟ ଖଗାର ଟଙ୍କା ଆଡ଼କୁ ମୁହାଁଇ ଥିଲା, ଆଉ ଖଗା ଉପରକୁ ଢ଼ଳିଥିଲା । ଆଉ ଯେତେବେଳେ ସୁନ୍ଦରୀ ଅର୍ଚ୍ଚନା ଓ କାର ଶୋ ରୁମ୍ ମାଲିକ ଖଗା ମଧ୍ୟରେ ସମ୍ପର୍କ ନିବିଡ ହେବାକୁ ଲାଗିଲା ।
ଠିକ୍ ସେତିକିବେଳେ ସୁନ୍ଦରୀ ଅର୍ଚ୍ଚନା ଓ ସ୍ୱାମୀ ଜଗା ଭିତରେ ଝଗଡା ସୃଷ୍ଟି ହେଲା, ମନ ମାଳିନ୍ୟ ହେଲା । କାହାର କାହା ସହ ପଡିଲାନି, ଆଉ ତାପରେ କାଳେ ଖଗେଶ୍ବର ସୁନ୍ଦରୀ ଅର୍ଚ୍ଚନାର ମନ କିଣିବାକୁ BMW କାର ଉପହାର ଦେଇଥିଲେ । ଆଉ ଯେଉଁ କାରକୁ ସୁନ୍ଦରୀ ଅର୍ଚ୍ଚନା ଓ ସ୍ବାମୀ ଜଗା ବି ଧରି ବୁଲୁଥିଲେ । ଏମିତିକି ଏହି କାର ପାଇଁ ଖଗେଶ୍ବର ମାସିକିଆ କିସ୍ତି ଭରୁଥିଲା । ଯାହା ଜଗବନ୍ଧୁଙ୍କୁ ଟିକେ ଅଡ଼ୁଆ ଲାଗୁଥିଲା ।
ଆଉ ଏବେ ସେହି ଜଗା ଆଉ ଖଗା ମିଶି ତାଙ୍କ ସୁନ୍ଦରୀ ଅର୍ଚ୍ଚନାଙ୍କୁ କିପରି ପଦାକୁ ଆଣିବେ, ତାକୁ ନେଇ କୁଆଡେ ରୋଡ ମ୍ୟାପ କରୁଛନ୍ତି । ପ୍ଲାନ୍ କରିବାରେ ଲାଗି ପଡିଛନ୍ତି ଏବଂ ଅର୍ଚ୍ଚନା କୋଳ ପାଇବାପାଇଁ ଆଉ କାହା କୋଳରେ ଶରଣ ପଶିଛନ୍ତି ।
