ବିଷାକ୍ତ ସାପକୁ ଚୁମ୍ବନ ଦେଉଥିଲା ଯୁବକ,ଆଉ ସାପ କଲା ଏମିତି ଅବସ୍ଥା

କର୍ଣାଟକର ଶିବମୋଗାରୁ ଏକ ହୃଦୟ ବିଦାରକ ଭିଡିଓ ସାମ୍ନାକୁ ଆସିଛି । ଏଠାରେ ଜଣେ ଯୁବକଙ୍କୁ କୋବ୍ରା ସାପକୁ କିସ୍ କରିବା ଭାରି ପଡ଼ିଗଲା । ରେସକ୍ୟୁ କରୁଥିବା ଯୁବକ କୋବ୍ରାକୁ କିସ କରିବା ମାତ୍ରେ ସେ ଯୁବକଙ୍କ ଓଠରେ କାମୁଡି ଦେଲା । ଘଟଣା ପରେ ଯୁବକଙ୍କ ଅବସ୍ଥା ବିଗିଡ଼ିଯିବାରୁ ତାଙ୍କୁ ହସ୍ପିଟାଲ୍ ନିଆଗଲା । ଚିକିତ୍ସା ପରେ ତାଙ୍କୁ ଡିସଚାର୍ଜ କରି ଦିଆଗଲା ।

ସୂଚନା ଅନୁଯାୟୀ, ଏଲେକ୍ସ ଏବଂ ରୋନି ନାମକ ଦୁଇଜଣ ଯୁବକ ସାପକୁ ବାସସ୍ଥାନ ଅଞ୍ଚଳରୁ ରେଶକ୍ୟୁ କରନ୍ତି । ତାପରେ ସାପକୁ ଜଙ୍ଗଲରେ ସୁରକ୍ଷିତ ଭାବେ ଛାଡି ଦିଅନ୍ତି । ବୁଧବାର ଦିନ ସେମାନଙ୍କୁ ସୂଚନା ମିଳିଥିଲା ଯେ ଏକ ବିବାହ ଘରେ ଦୁଇଟି କୋବ୍ରା ସାପ ଦେଖା ଦେଇଛନ୍ତି । ଦୁଇ ଯୁବକ ଘଟଣାସ୍ଥଳରେ ପହଞ୍ଚିଲେ ଏବଂ ସାପକୁ ରେସକ୍ୟୁ ମଧ୍ୟ କରିନେଲେ ।

ରେସକ୍ୟୁ ପରେ କୋବ୍ରା ସହିତ ଖେଳିବାକୁ ଲାଗିଲା ଯୁବକ :-

ଏହା ମଧ୍ୟରେ ଏଲେକ୍ସ କଣ ଭାବିଲା କେଜାଣି ସେ କୋବ୍ରା ସହ ହିଁ ଖେଳିବାକୁ ଲାଗିଲା । ଏହି ସମୟରେ ସେ କୋବ୍ରାକୁ କିସ କରିବାକୁ ଲାଗିଲା, ଠିକ୍ ସେତିକିବେଳେ କୋବ୍ରା ତା ଓଠରେ କାମୁଡି ଦେଲା । ଆହତ ଏଲେକ୍ସକୁ ତୁରନ୍ତ ମ୍ୟାକଗନ ହସ୍ପିଟାଲ୍ ନିଆଗଲା, ଯେଉଁଠାରେ ଚିକିତ୍ସା ପରେ ତାଙ୍କୁ ଡିସଚାର୍ଜ କରି ଦିଆଗଲା । ଡ଼ାକ୍ତର କହିଛନ୍ତି ଯେ ଠିକ୍ ସମୟରେ ଚିକିତ୍ସା କରାଯିବାରୁ ଯୁବକଙ୍କ ଜୀବନ ବଞ୍ଚିଗଲା । ଏହି ଘଟଣାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି ।

କୋରବାରେ ସାପ କାମୁଡିବାରୁ ଯୁବକଙ୍କ ମୃତ୍ୟୁ :-

ନିକଟରେ ଛତିଶଗଡ଼ର କୋରବାରୁ ଏକ ଖବର ସାମ୍ନାକୁ ଆସିଥିଲା, ଯେଉଁଥିରେ ସାପ କାମୁଡିବା ପରେ ଡାକ୍ତରଖାନାକୁ ନେଇ ଚିକିତ୍ସା କରାଇବା ବଦଳରେ ବଇଦଠାରେ ଝଡ଼ା ଫୁଙ୍କା କରାଇବା ଭାରି ପଡ଼ିଗଲା ଏବଂ ତାର ମୃତ୍ୟୁ ହୋଇଗଲା ।