ତୋ ସ୍ତ୍ରୀ ପେଟରେ ମୋ ଛୁଆ ଅଛି..’ ଚିତ୍କାର କରି କହିଲା ବଳାତ୍କାରୀ, ତାପରେ ସ୍ବାମୀ କଲା ଏମିତି କିଛି
Get real time updates directly on you device, subscribe now.
ସାରା ଦେଶରେ ବଳାତ୍କାର ସହ ଜଡ଼ିତ ମାମଲା ଅଟକିବାର ନାଁ ମଧ୍ୟ ନେଉନାହିଁ । ସାଧାରଣତଃ ଯେତେବେଳେ ବି କାହାର ବଳାତ୍କାର ହୁଏ, ସେତେବେଳେ ଅଭିଯୁକ୍ତକୁ ଯେତେ ଶୀଘ୍ର ସମ୍ଭବ ଗିରଫ କରାଯାଏ । କିନ୍ତୁ ଆଜି ଆମେ ଆପଣଙ୍କୁ ଏପରି ଗୋଟିଏ ମାମଲା କହିବାକୁ ଯାଉଛୁ, ଯେଉଁଠାରେ ଅଭିଯୁକ୍ତ ପୀଡ଼ିତାଙ୍କର ଗୋଟେ ପଟେ ଗୋଟେ ଅନେକଥର ବଳାତ୍କାର କରିଚାଲିଲା । ତାକୁ ପ୍ରେଗ୍ନେଣ୍ଟ କରିଦେଲା । ଏପରିକି ତାର ବିବାହ ପରେ ମଧ୍ୟ ତାର ବଳାତ୍କାର କଲା । କିନ୍ତୁ ତାପରେ ମଧ୍ୟ ବର୍ତ୍ତମାନ ସୁଦ୍ଧା ତାକୁ ଗିରଫ କରାଯାଇନାହିଁ ।
ବାସ୍ତବରେ ଏହି ଆଶ୍ଚର୍ଯ୍ୟଜନକ ମାମଲା ଉତ୍ତରପ୍ରଦେଶର କାନପୁରର ଅଟେ । ପ୍ରାୟ ଦୁଇ ବର୍ଷ ପୂର୍ବର କଥା ଅଟେ । ବିମଳା ନିଜ ଘରେ ଥିଲେ । ଠିକ୍ ସେତିକିବେଳେ ସୁରଜ୍ ନାମକ ଜଣେ ବ୍ୟକ୍ତି ଘରେ ପଶିଲା ଏବଂ ତାକୁ ବଳାତ୍କାର କରି ପଳାଇଗଲା । ଯେତେବେଳେ ବିମଳା ସବୁଦୃଶ୍ୟ ନିଜ ବାପାମାଆଙ୍କୁ କହିଲା, ସେତେବେଳେ ସେ ଝିଅକୁ ନେଇ ଏଫଆଇଆର କରିବାପାଇଁ ପହଞ୍ଚିଲେ । ତେବେ ଅଭିଯୁକ୍ତ ସୁରଜ୍ କଥା ଦେଇଥିଲା ଯେ ସେ ବିମଳା ସହ ବିବାହ କରିବ ।
ଏହି କଥାକୁ ଦୁଇମାସ ବିତିଗଲା । ବିମଳା ପ୍ରେଗ୍ନେଣ୍ଟ ହୋଇଗଲା । କିନ୍ତୁ ସୁରଜ୍ ବିବାହ କରିବାକୁ ମନା କରିଦେଲା । ଏପରି ପରିସ୍ଥିତିରେ ଝିଅର ବାପା ଯେକୌଣସି ପ୍ରକାରେ ଝିଅର ବିବାହ କନୌଜରେ ଜଣେ ବ୍ୟକ୍ତି ସହ କରିଦେଲେ । ବର୍ତ୍ତମାନ ବିମଳାଙ୍କ ଲାଇଫ ପୁଣିଥରେ ଠିକ ବାଟକୁ ଆସିଗଲା । ସେ ବିବାହ ପରେ ବାପଘର ଆସିଲେ । କିନ୍ତୁ ଏଠାରେ ଅଭିଯୁକ୍ତ ସୁରଜ୍ ପୁଣିଥରେ ତାକୁ ବଳାତ୍କାର କରିବାକୁ ଚେଷ୍ଟା କଲା । ଯେତେବେଳେ ଯୁବତୀ ଏହାକୁ ବିରୋଧ କଲେ, ସେତେବେଳେ ସୁରଜ୍ ରାଗିଗଲା । ସେ ବିମଳାଙ୍କ ସ୍ୱାମୀକୁ ସବୁ ସତ କଥା କହିଦେଲା ।
ପୀଡ଼ିତାଙ୍କ ସ୍ୱାମୀକୁ କହିଲା – ତୋ ସ୍ତ୍ରୀକୁ ମୁଁ କରିଛି ପ୍ରେଗ୍ନେଣ୍ଟ :-
ସୁରଜ୍ ବିମଳାଙ୍କ ସ୍ୱାମୀକୁ କହିଲା “ତୋ ସ୍ତ୍ରୀକୁ ମୁଁ ପ୍ରେଗ୍ନେଣ୍ଟ କରିଥିଲି, ତା ପେଟରେ ମୋ ଚିହ୍ନ ଅଛି । ” ଏହାପରେ ବିମଳାଙ୍କ ସ୍ବାମୀ ସେହି ଦିନ ନିଜ ସ୍ତ୍ରୀକୁ ଛାଡି ଦେଲା । ଏହି ଘଟଣାର କିଛି ସମୟ ପରେ ବିମଳା ଗୋଟିଏ ଝିଅକୁ ଜନ୍ମ ଦେଲା । ବିମଳାଙ୍କ ଦୁଃଖ ଏଇଠି ଶେଷ ହୋଇନଥିଲା । ଗତ ସେପ୍ଟେମ୍ବର 25 ତାରିଖରେ ସୁରଜ ପୁଣି ଥରେ ବିମଳାକୁ ବଳାତ୍କାର କରିଦେଲା । ଏପରି ପରିସ୍ଥିତିରେ ପରିବାର ଲୋକେ ସୁରଜ୍ ବିରୋଧରେ ଏଫଆଇଆର ଲେଖିବାକୁ ଶିବରାଜପୁର ଥାନା ଗଲେ ।
ପୀଡିତ ପକ୍ଷ ଅଭିଯୋଗ କରିଛନ୍ତି ଯେ ଶିବରାଜପୁର ଥାନାରେ ସୁରଜଙ୍କ ଚାପରେ ଆସି ପୋଲିସ ଏଫଆଇଆର ରେଜିଷ୍ଟର କଲେ ନାହିଁ । ତେବେ ତାପରେ ଅକ୍ଟୋବର 8 ତାରିଖରେ ସିନିୟର୍ ଅଧିକାରୀଙ୍କ ଆଦେଶରେ ଏଫଆଇଆର ରେଜିଷ୍ଟର କରାଗଲା । ତେବେ ପୋଲିସ ବର୍ତ୍ତମାନ ସୁଦ୍ଧା ଅଭିଯୁକ୍ତ ସୁରଜଙ୍କୁ ଗିରଫ କରିନାହିଁ । ପୋଲିସ କହିଛି ଯେ ପ୍ରଥମେ ସେହି ଛୁଆ ଏବଂ ସୁରଜର ଡିଏନଏ ଟେଷ୍ଟ କରାଇବେ । ଏହାପରେ ରେଜଲ୍ଟ ଆଧାରରେ ସୁରଜଙ୍କୁ ଗିରଫ କରିବେ ।
