Get real time updates directly on you device, subscribe now.
ବାଣ ଫୁଟିଲା, ଆଉ ବାପାର ଜୀବନ ଚାଲିଗଲା । ଆଜ୍ଞା ହଁ, ଖାଲି ବାପାର ଜୀବନ ଯାଇନାହିଁ, ତାସହିତ ଚାରି ଚାରି ଜଣ ଗୁରୁତର ଆହତ ହୋଇ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି । ଢେଙ୍କାନାଳ ଜିଲ୍ଲା କାମାକ୍ଷା ନଗର ଥାନା ଅନ୍ତର୍ଗତ ବଡସୁଆଳ ଗାଁର ଆଜି ସନ୍ଧ୍ୟାରେ ଏକ ଅଭାବନୀୟ ଘଟଣା ଘଟିଯାଇଛି | ଦୋକାନରେ ବାଣ ଫୁଟିବାରୁ ଚାରିଜଣ ବ୍ୟକ୍ତି ଗୁରୁତର ଭାବେ ଆହତ ହୋଇଥିଲେ ଏବଂ ସେହି ଚାରିଜଣଙ୍କ ମଧ୍ୟରୁ ଜଣଙ୍କର ମୃତ୍ୟୁ ଘଟିଥିବା ସୂଚନା ମିଳିଛି ।
ଆଉ କଟକ ବଡ଼ ମେଡିକାଲରେ ଚିକିତ୍ସାଧୀନ ଅବସ୍ଥାରେ ଜଣଙ୍କର ମୃତ୍ୟୁ ହୋଇଯାଇଥିଲା | ସେହି ମୃତକ ଜଣକ ହେଉଛନ୍ତି ଦୁଷ୍ମନ୍ତ ନାଏକ | ଏଠି କହିରଖିବା ପାଇଁ ଚାହିଁବୁ ଯେ ବଡସୁଆଳ ଗାଁରେ ଥିବା ଏକ ବାଣ ଦୋକାନରେ କାଲି ସନ୍ଧ୍ୟାରେ ବିସ୍ଫୋରଣ ଘଟିଥିଲା । ଏଥିରେ ନାବାଳକ ଏବଂ ନାବାଳିକାଙ୍କ ସହ ଚାରିଜଣ ଆହତ ହୋଇଥିଲେ । ଏଥିରେ ବାପା ଦୁଷ୍ମନ୍ତ ନାଏକ, ପୁଅ ଓ ନଅ ବର୍ଷର ନାବାଳକ ପ୍ରତୀକ ସାମିଲ ଥିଲେ । ପ୍ରଥମେ ସମସ୍ତଙ୍କୁ ଢେଙ୍କାନାଳ ଉପଖଣ୍ଡ ଚିକିତ୍ସାଳୟ ନେଇ ପ୍ରାଥମିକ ଚିକିତ୍ସା କରାଯିବା ପରେ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି ।
କୁହାଯାଉଛି ଯେ ଗାଁରେ ଏକ ଦୋକାନରେ ବାଣ ବିକ୍ରି ହେଉଥିବା ସମୟରେ ହଠାତ୍ ବାଣ ବିସ୍ଫୋରଣ ଘଟିଥିଲା । ଏହାପରେ ବାଣ କିଣିବାକୁ ଆସିଥିବା ଗ୍ରାହକମାନେ ଗୁରୁତର ଆହତ ହୋଇଥିଲେ । ସେଠାରେ ବାର ଜଣ ଗ୍ରାହକ ଠିଆ ହୋଇ ବାଣ କିଣୁଥିବା ସମୟରେ ଏକ ବଡ ଧରଣର ଅଘଟଣ ଘଟିଥିଲା । ଏହାପରେ ଜୋରରେ ଶବ୍ଦ ହେବା କାରଣରୁ ସ୍ଥାନୀୟ ଲୋକେ ଘଟଣାସ୍ଥଳରେ ପହଞ୍ଚି ଗୁରୁତର ମାନଙ୍କୁ ଉଦ୍ଧାର କରି ଚିକିତ୍ସା ପାଇଁ ସ୍ଥାନୀୟ ଡ଼ାକ୍ତରଖାନାକୁ ନେଇଥିଲେ । ଆଉ ସେଠାରେ ବାପାର ମୃତ୍ୟୁ ହୋଇଥିବା ବେଳେ ପୁଅ ଗୁରୁତର ଅବସ୍ଥାରେ ଚିକିତ୍ସିତ ହେଉଛି ।
