ଫୋନ୍ ଆସିଲେ ହ୍ୟାଲୋ ବଦଳରେ ବନ୍ଦେ ମାତରମ୍ କହିବାକୁ ଦିଆଗଲା ନିର୍ଦ୍ଦେଶ, ଗାନ୍ଧୀ ଜୟନ୍ତୀ ଅବସରରେ ନୂଆଁ ନିୟମ ଲାଗୁ
Get real time updates directly on you device, subscribe now.
ଏବେ ଫୋନ୍ ଆସିଲେ ଆଉ ହ୍ୟାଲୋ ନୁହେଁ ବରଂ ଏହା ବଦଳରେ ବନ୍ଦେ ମାତରମ୍ କହିବାକୁ ପଡ଼ିବ । ସମସ୍ତ ସରକାରୀ କର୍ମଚାରୀ, ସରକାର ଅନୁଦାନ ପ୍ରାପ୍ତ ସଂସ୍ଥା ହ୍ୟାଲୋ ବଦଳରେ ବନ୍ଦେ ମାତରମ୍ କହିବେ । ଏହା ସେମାନଙ୍କ ପାଇଁ ବାଧ୍ୟତାମୂଳକ ବୋଲି ମହାରାଷ୍ଟ୍ର ସରକାର ନିର୍ଦ୍ଦେଶନାମା ଜାରି କରିଛନ୍ତି । ଫୋନ୍ ଆସିଲେ କିମ୍ବା କଲ୍ କଲେ ହ୍ୟାଲୋ ବଦଳରେ ବନ୍ଦେ ମାତରମ୍ କହିବାକୁ ପଡ଼ିବ । ଏଭଳି କିଛି ନୂଆଁ ନିୟମ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଲାଗୁ କରିଛନ୍ତି ।
ଗାନ୍ଧୀ ଜୟନ୍ତୀ ଅବସରରେ ଏଭଳି କିଛି ନିୟମ ଲାଗୁ କରାଯାଇଛି । କେବଳ ସେତିକି ନୁହେଁ, ସାଧାରଣ ବିଭାଗ ଦ୍ଵାରା ଜାରି କରାଯାଇଥିବା ନିର୍ଦ୍ଦେଶନାମାରେ ଏ ନେଇ ସାଧାରଣ ଲୋକଙ୍କୁ ସଚେତନ କରାଇବା ପାଇଁ ମଧ୍ୟ କୁହାଯାଇଛି । କେହି କାହାକୁ ଭେଟିବାକୁ ଆସିଲେ ତାଙ୍କୁ ବନ୍ଦେ ମାତରମ୍ କହି ସ୍ବାଗତ କରିବାକୁ ଲୋକଙ୍କୁ ସଚେତନତା କରାଯାଉ ବୋଲି ମହାରାଷ୍ଟ୍ରର ସରକାରଙ୍କ ପକ୍ଷରୁ ଜାରି ନିର୍ଦ୍ଦେଶନାମାରେ କୁହାଯାଇଛି ।
ତେବେ ହ୍ୟାଲୋ କହିବାର ଅର୍ଥ ବିଦେଶର ସଂସ୍କୃତିକୁ ନକଲ କରିବା ଅଟେ । ଏହା ଏକ ଏପରି ଅଭିବାଦନ, ଯାହାର କୌଣସି ସ୍ୱତନ୍ତ୍ରତା ନାହିଁ । ଏଥିରେ କୌଣସି ସ୍ନେହଭାବ କି ଆଦର ଭାବର ଜାଗ୍ରତ ହେଉନାହିଁ । ତେଣୁ ହ୍ୟାଲୋ ନକହି ବନ୍ଦେ ମାତରମ କହିବା ଦରକାର ବୋଲି ମହାରାଷ୍ଟ୍ରର ସରକାର କହିଛନ୍ତି ।
ସୂଚନାଯୋଗ୍ୟ ଯେ ମହାରାଷ୍ଟ୍ରରେ ନୂଆଁ ସରକାର ଆସିବାପରେ ମନ୍ତ୍ରୀ ଭାବେ ଶପଥ ନେଇଥିବା ସୁଧୀର ମଙ୍କ୍ତିବାର ଅଗଷ୍ଟ ମାସରେ ପ୍ରଥମେ ଏହି ନିର୍ଦ୍ଦେଶ ଦେଇଥିଲେ । ଏକନାଥଙ୍କ ସରକାର୍ ତାଙ୍କୁ ରାଜ୍ୟ କ୍ୟାବିନେଟ ଦାୟିତ୍ଵ ଦେବାପରେ ସେ ଏହି ନିର୍ଦ୍ଦେଶ ଲାଗୁ କରିଛନ୍ତି । ଏ ନେଇ ବିଜେପି ନେତା ସୁଧୀର ମଙ୍କ୍ତିବାର କହିଛନ୍ତି ଦେଶ 75 ତମ ସ୍ବାଧିନତା ଦିବସ ପାଳନ କରୁଛି । ଏହାର ଗୁରୁତ୍ଵ ଦୃଷ୍ଟିରୁ ନିଷ୍ପତ୍ତି ନିଆଯାଇଛି ଯେ ସରକାରୀ କର୍ମଚାରୀ ଆଉ ହ୍ୟାଲୋ କହିବେ ନାହିଁ, ଏହା ବଦଳରେ ବନ୍ଦେ ମାତରମ କହି ଫୋନରେ କଥାବାର୍ତ୍ତା ଆରମ୍ଭ କରିବେ ।
