ରାସ୍ତାରେ ଟ୍ରାଫିକ ହେଲେ ପବନରେ ଉଡ଼ି ଉଡ଼ି ପହଞ୍ଚିଯିବେ ଅଫିସ, ଶୀଘ୍ର ଆରମ୍ଭ ହେବାକୁ ଯାଉଛି ଏହି ବିଶେଷ ସୁବିଧା

ପ୍ରାୟତଃ ଯେତେବେଳେ ଆମର ଟ୍ରାଫିକ କାରଣରୁ ଅଫିସ କିମ୍ବା ଜରୁରୀ ସ୍ଥାନକୁ ଯିବାପାଇଁ ଡେରି ହୁଏ, ସେତେବେଳେ ମନକୁ ଏହି କଥା ଆସେ ଯେ କାସ ଆମେ ଉଡ଼ି ଉଡ଼ି ଶୀଘ୍ର ସେହି ଜାଗାରେ ପହଞ୍ଚି ଯାଆନ୍ତେ କି ! ତେବେ ଆମେ କହିରଖୁଛୁ ଯେ ଏହି ଭାବନା ଆପଣଙ୍କର ସତ ହେବାକୁ ଯାଉଛି ଏବଂ ତାହା ପୁଣି ଇଣ୍ଡିଆର ଲୋକଙ୍କ ପାଇଁ । ଆଜ୍ଞା ହଁ, ଏୟାରଟ୍ୟାକ୍ସି ମାଧ୍ୟମରେ ବର୍ତ୍ତମାନ ଲୋକମାନେ ଆକାଶରେ କମ୍ ଦୂରତାର ଯାତ୍ରା କରିପାରିବେ

ଅକ୍ଟୋବର 10 ତାରିଖରୁ ବେଙ୍ଗାଲୁରୁରେ ଆରମ୍ଭ ହେବ ଏୟାରଟ୍ୟାକ୍ସି ସର୍ଭିସ :-

ଉଲ୍ଲେଖଯୋଗ୍ୟ ଯେ ଏହି ସ୍ବପ୍ନ ଦେଶର ଟେକ୍ ସିଟି ଅର୍ଥାତ୍ ବେଙ୍ଗାଲୁରୁରେ ସାକାର ହେବାକୁ ଯାଉଛି । ବାସ୍ତବରେ ଏୟାର ମୋବିଲିଟି କମ୍ପାନୀ BLADE India ବେଙ୍ଗାଳୁରୁ ସହରର ଲୋକଙ୍କୁ ରାସ୍ତାର ଟ୍ରାଫିକ ସହ ଡିଲ କରିବାପାଇଁ ଆସନ୍ତା ମାସରେ ଏକ ଚମତ୍କାର ଅଫର୍ ଦେବାକୁ ଯାଉଛି । ବାସ୍ତବରେ ଅକ୍ଟୋବର ମାସରୁ ବେଙ୍ଗାଲୁରୁର ଲୋକମାନେ ବର୍ତ୍ତମାନ ରାସ୍ତାର ଟ୍ରାଫିକରୁ ବଞ୍ଚିବା ପାଇଁ ଏୟାରଟ୍ୟାକ୍ସି ବ୍ୟବହାର କରିପାରିବେ । କୁହାଯାଉଛି ଯେ BLADE India ର ଏହି ଏୟାରଟ୍ୟାକ୍ସି ସର୍ଭିସ ଅକ୍ଟୋବର 10 ତାରିଖରୁ ଆରମ୍ଭ ହେବ, ଯେଉଁଥିରେ 12 ମିନିଟର ରାଇଡ ଗ୍ରାହକଙ୍କୁ ଦିଆଯିବ ।

120 ମିନିଟର ରାସ୍ତା 12 ମିନିଟରେ ଅତିକ୍ରମ କରିପାରିବେ ଗ୍ରାହକ :-

ବାସ୍ତବରେ ନିଜର ବିଶେଷ ଯୋଜନା ଅଧୀନରେ BLADE India ହିନ୍ଦୁସ୍ଥାନ ଏୟାରୋନଟିକଲ ଏୟାରପୋର୍ଟରୁ ବେଙ୍ଗାଳୁରୁ ଇଣ୍ଟରନେସନାଲ ଏୟାରପୋର୍ଟ ପର୍ଯ୍ୟନ୍ତ ପାଇଁ 2 ହେଲିକପ୍ଟର ସୁବିଧା ଦେଉଛି । କୁହାଯାଉଛି ଯେ ଏହି ଦୁଇଟି ଜାଗା ମଧ୍ୟରେ ଦୂରତା ଅତିକ୍ରମ କରିବାପାଇଁ ସାଧାରଣତଃ 120 ମିନିଟ୍ ସମୟ ଲାଗେ, ଯାହାର ଖର୍ଚ୍ଚ ପ୍ରାୟ 1300 ଟଙ୍କା ଆସିଥାଏ ।

ସେହିପରି BLADE India ଏୟାରଟ୍ୟାକ୍ସି ମାଧ୍ୟମରେ ଏହି ଯାତ୍ରା ମାତ୍ର 12 ମିନିଟରେ କରାଇବ ଏବଂ ଏଥିପାଇଁ ପ୍ରଥମ ଭଡ଼ା 3250 ଟଙ୍କା ରଖାଯାଇଛି । ଏହିପରି ଦୁଇଗୁଣ ପଇସା ଖର୍ଚ୍ଚ କରି ଗ୍ରାହକଙ୍କ ଦୁଇ ଘଣ୍ଟା ବଞ୍ଚିବ । କୁହାଯାଉଛି ଯେ ଏହି ରୁଟ ରେ ବର୍ତ୍ତମାନ ଦୁଇଟି ହେଲିକପ୍ଟର ଚାଲିବ, ଯାହା ସକାଳ 9 ଟା ସମୟରୁ ଆରମ୍ଭ ହେବ ଏବଂ ସନ୍ଧ୍ୟା 4ଟା ବେଳକୁ ଫେରିବ ।

ଏୟାରଟ୍ୟାକ୍ସିର ଗୋଟିଏ ରାଇଡରେ 5ଜଣ ଲୋକ କରିପାରିବେ ଯାତ୍ରା :-

କୁହାଯାଉଛି ଯେ ବର୍ତ୍ତମାନ ବ୍ଲେଡ୍ ଇଣ୍ଡିଆ କମ୍ପାନୀର ହେଲିକପ୍ଟରର ଗୋଟିଏ ରାଇଡରେ 5 ଜଣ ଲୋକ ଯାତ୍ରା କରିପାରିବେ । ଏସବୁ ଏୟାରଟ୍ୟାକ୍ସି ୱିକଡେଜରେ ଚାଲିବ, କାରଣ ଏହି ରୁଟରେ ବେଙ୍ଗାଲୁରୁର ଅଧିକାଂଶ କମର୍ସିଆଲ ଲୋକେଶନ ରହିଛି । ସେହିପରି କୁହାଯାଉଛି ଯେ BLADE India ଆସନ୍ତା 2026 ସୁଦ୍ଧା 200 ଏୟାର ଟ୍ୟାକ୍ସିଜ ଆଣିବାକୁ ପ୍ଲାନ୍ କରୁଛି । ଯେଉଁଥିପାଇଁ ସେ Embrear’s Eve Air Mobility ଦ୍ବାରା ଡ଼ିଲ ପୁରା କରିଛି ।