ଖୁବ ଶୀଘ୍ର ମାର୍କେଟକୁ ଆସିବ ତିନି ଚକିଆ କାର, ମାତ୍ର 10 ହଜାର ଟଙ୍କା ଦେଇ କରନ୍ତୁ ବୁକିଙ୍ଗ, ଥରେ ଚାର୍ଜ ହେଲେ ଚାଲିବ 200 କିଲୋମିଟର୍
Get real time updates directly on you device, subscribe now.
ଦିନକୁ ଦିନ ପେଟ୍ରୋଲ ଦର ବଢିବାରେ ଲାଗିଛି । ତେଣୁ ଅନେକ ଲୋକ ଇଲେକ୍ଟ୍ରିକ ଯାନବାହାନ କିଣିବାରେ ଲାଗିଛନ୍ତି । ଏହାମଧ୍ୟରେ ବାହାରକୁ ତିନି ଚକିଆ କାର ଏଣ୍ଟ୍ରି କରିବ ବୋଲି ଜଣାପଡିଛି, ଯାହାକି ଏକ ଇଲେକ୍ଟ୍ରିକ କାର ଅଟେ । କାରଣ ଦିନକୁ ଦିନ ଯେପରି ଭାବେ ପେଟ୍ରୋଲ ଏବଂ ଡିଜେଲ୍ ଦର ବୃଦ୍ଧି ପାଉଛି, ତାକୁ ନଜରରେ ରଖି ମୁମ୍ବାଇର ଏକ କାର ନିର୍ମାତା କମ୍ପାନୀ ତିନି ଚକିଆ ଇଲେକ୍ଟ୍ରିକ କାର ନିର୍ମାଣ କରୁଥିବା ଦାବି କରିଛି ।
ଏହି କାରର ଲୁକ ଏବଂ ଡିଜାଇନ୍ ସାଧାରଣ କାର ଠାରୁ ଭିନ୍ନ ଅଟେ । ସବୁଠାରୁ ବଡ କଥା ହେଉଛି ଏହି କାରରେ ମାତ୍ର ତିନୋଟି ଚକ ରହିଛି । ତିନୋଟି ଚକ ଥିବା ସତ୍ତ୍ବେ ଏହା ଅଟୋ ରିକ୍ସା ଠାରୁ ଖୁବ୍ ଭିନ୍ନ । ଏହି କାରର ବୁକୀଙ୍ଗ ମଧ୍ୟ ଜୋରସୋରରେ ଜାରି ରହିଛି । ଏହି କାରକୁ ପ୍ରଥମ ବୁକିଙ୍ଗରେ 50 ହଜାର ଟଙ୍କାର ଅଫଗ୍ରେଡର ଲାଭ ପାଇପାରିବେ ।
ବର୍ତ୍ତମାନ୍ ସୁଦ୍ଧା ଭାରତରେ ଅନେକ ଇଲେକ୍ଟ୍ରିକ କାର ବିକ୍ରି ପାଇଁ ଉପଲବ୍ଧ ରହିଛି । କିନ୍ତୁ ତିନୋଟି ଚକ ବିଶିଷ୍ଟ ଏହି କାରର ମୂଲ୍ୟ ଅନ୍ୟ କାର ମୂଲ୍ୟ ଅପେକ୍ଷା ବହୁତ୍ କମ୍ ରହିଛି । ଦେଶରେ ପ୍ରଦୂଷଣର ହାର କମ୍ କରିବାକୁ କେନ୍ଦ୍ର ସରକାର ଇଲେକ୍ଟ୍ରିକ କାରକୁ ପ୍ରୋତ୍ସାହିତ କରୁଛନ୍ତି ।
ଯଦି ଆପଣ ମଧ୍ୟ ଏହି ତିନି ଚକ ବିଶିଷ୍ଟ କାର ବୁକିଙ୍ଗ କରିବାକୁ ଚାହୁଁଛନ୍ତି, ତେବେ ଏଥିପାଇଁ ଆପଣଙ୍କୁ କେବଳ 10000 ଟଙ୍କା ଖର୍ଚ୍ଚ କରିବାକୁ ପଡ଼ିବ । ତେବେ ଏହି କାର କେବଳ ଦିଲ୍ଲୀ ଏବଂ ମୁମ୍ବାଇରେ ବାସ କରୁଥିବା ଲୋକଙ୍କ ପାଇଁ ଉପଲବ୍ଧ । ଷ୍ଟ୍ରୋମ ମୋଟର୍ଶର ଅଫିସିଆଲ୍ ୱେବସାଇଟକୁ ଯାଇ ଏହାକୁ ଅତି ସହଜରେ ବୁକ କରିପାରିବେ । ଏହି କାରକୁ ଵୁକ୍ କରିବାକୁ ହେଲେ ଆପଣଙ୍କୁ ଆଧାର କାର୍ଡ ଓ ଠିକଣା ଦେବାକୁ ପଡ଼ିବ ।
ଏହି ଷ୍ଟ୍ରୋମ ଆର ଥ୍ରୀ ଇଲେକ୍ଟ୍ରିକ କାରର ସବୁଠାରୁ ବଡ ବିଶେଷତ୍ଵ ହେଉଛି ଏହାର ଆଗରେ ଦୁଇଟି ଏବଂ ପଛରେ ଗୋଟିଏ ଚକ ରହିଛି । ଏହାକୁ ଗୋଟିଏ ଥର ଚାର୍ଜ କଲେ ଏହା 200 କିଲୋମିଟର୍ ଦୂରତା ପର୍ଯ୍ୟନ୍ତ ଚାଲିପାରିବ । ଏହି କାର 80 କିଲୋମିଟର୍ ପ୍ରତି ଘଣ୍ଟା ବେଗରେ ଯାଇପାରିବ । ଏଥିରେ 4G କନେକ୍ସନ, ଜଳବାୟୁ ପରିବର୍ତ୍ତନ ବିକଳ୍ପ ସହ ଏକ ଟଚ୍ ସ୍କ୍ରିନ ଡିସପ୍ଲେ ମଧ୍ୟ ରହିଛି । ଏହି କାରଟି ବହୁତ୍ ଛୋଟ ଦେଖାଯାଉଥିଲେ ମଧ୍ୟ ଏଥିରେ ଏକାସାଙ୍ଗରେ ଦୁଇଜଣ ଯାତ୍ରା କରିପାରିବେ ।
ଏହି କାରର ମୂଲ୍ୟ ରହିଛି 4,50,000 ଟଙ୍କା । ଏହି କାର 555 କିଲୋ ଗ୍ରାମ ଓଜନ ବହନ କରିବାର ମଧ୍ୟ କ୍ଷମତା ରଖିଛି । ଏହି କାରରେ 15 KW ର ବ୍ୟାଟେରୀ ମଧ୍ୟ ରହିଛି । ଏଥିରେ ତିନୋଟି ଡ୍ରାଇଭ୍ ମୁଡ ଇକୋ, ନର୍ମାଲ ଓ ସ୍ପଟ୍ ମୋଡ଼ ରହିଛି । ବର୍ତ୍ତମାନ୍ ସୁଦ୍ଧା ଏହି କାରକୁ 160 ଜଣ ବୁକ୍ କରିସାରିଛନ୍ତି । ଏହି କାର 3 ଘଣ୍ଟାରେ ସମ୍ପୂର୍ଣ୍ଣ ଚାର୍ଜ ହୋଇଥାଏ । ଯଦି ଆପଣ ମଧ୍ୟ ଏହି କାର କିଣିବାକୁ ଚାହୁଁଛନ୍ତି, ତେବେ ଆପଣ ଅନଲାଇନରେ ଏହାକୁ ବୁକିଙ୍ଗ କରିପାରିବେ ।
