Get real time updates directly on you device, subscribe now.
ବର୍ତ୍ତମାନ୍ ବର୍ଷାଋତୁ ଚାଲିଛି ଏବଂ ଏହି ସମୟରେ କିଛି ଅଞ୍ଚଳରେ ପ୍ରବଳ ବର୍ଷା ହେଉଛି । କେତେବେଳେ କେଉଁ ସ୍ଥାନରେ ବନ୍ୟା ପରିସ୍ଥିତି ମଧ୍ୟ ସୃଷ୍ଟି ହେଉଛି ଏବଂ ଲୋକମାନେ ବହୁ କ୍ଷୟକ୍ଷତିର ସାମ୍ନା କରୁଛନ୍ତି । ବେଳେବେଳେ କିଛି ଲୋକ ବନ୍ୟାପାଣିରେ ଭାସି ମଧ୍ୟ ଯାଆନ୍ତି । ତେଣୁ ନଦୀ କିମ୍ବା ନାଳ ଦେଇ ଯିବା ରାସ୍ତାରେ ସତର୍କତା ଅବଲମ୍ବନ କରିବା ଉଚିତ୍ । ତେବେ ଏହା ମଧ୍ୟରେ ଏପରି ଗୋଟିଏ ଘଟଣା ସାମ୍ନାକୁ ଆସିଛି, ଯେଉଁଥିରେ ଦୁଇଜଣ ଦମ୍ପତି ଅର୍ଥାତ୍ ସ୍ବାମୀ ସ୍ତ୍ରୀ ବାଟରେ ଯାଉଥିବା ବେଳେ ବନ୍ୟାପାଣିରେ ଭାସି ଯାଇଛନ୍ତି ।
ଘଟଣାଟି ନାରୀଗୋଛା ଗାଁର ବୋଲି କୁହାଯାଉଛି । ଏଠାରେ ଥିବା ଚାକୁଣ୍ଡା ନାଳରେ ଏକ ଦମ୍ପତି ବାଇକରେ ଆସୁଥିବା ସମୟରେ ଭାସି ଯାଇଛନ୍ତି । ଯେଉଁ ବାଇକରେ ଦମ୍ପତି ଆସୁଥିଲେ ବର୍ତ୍ତମାନ ସେହି ବାଇକ୍ ନାଳ ଭିତରେ ପଡିଥିବାର ଲୋକମାନେ ଦେଖୁଛନ୍ତି ଏବଂ ସ୍ଥାନୀୟ ବାସିନ୍ଦା ଦୁହିଁଙ୍କ ମଧ୍ୟରୁ କେବଳ ଜଣଙ୍କୁ ହିଁ ଉଦ୍ଧାର କରିପାରିଛନ୍ତି ।
ସ୍ଥାନୀୟ ବାସିନ୍ଦା କହିବା ଅନୁଯାୟୀ, ଦମ୍ପତି ଯେତେବେଳେ ବାଇକରେ ଆସୁଥିଲେ ସେତେବେଳେ ପାଣି ଅଧିକ ଆସୁଥିଲା, ଯେଉଁ କାରଣରୁ ଦମ୍ପତି ଜାଣିପାରି ନଥିଲେ ଏବଂ ସେ ପାଣି ସୁଅରେ ଭାସି ଯାଇଥିଲେ । ବର୍ତ୍ତମାନ୍ ତାଙ୍କ ବାଇକ୍ ନାଳରେ ପଡ଼ିଛି ଏବଂ ବର୍ତ୍ତମାନ ଦୁହିଁଙ୍କ ମଧ୍ୟରୁ ସ୍ତ୍ରୀ ନିଖୋଜ ଅଛନ୍ତି । କିନ୍ତୁ ପାଣି ଅଧିକ ଥିବା ସତ୍ତ୍ବେ ବହୁତ୍ ରିସ୍କ ନେଇ ସେମାନେ ସ୍ବାମୀକୁ ଉଦ୍ଧାର କରିଛନ୍ତି ।
ଜଣେ ସ୍ଥାନୀୟ ବାସିନ୍ଦା କହିଛନ୍ତି ଯେ ସେ ନାଳ ପାଖକୁ 8 ଟା ସମୟରେ ଯାଇଥିଲେ ଏବଂ ସେଠାରେ କେହି ଅଛନ୍ତି କି ନାହିଁ ଡାକ ପକାଇଥିଲେ । କିନ୍ତୁ ଦୁର୍ଭାଗ୍ୟବଶତଃ ଦମ୍ପତିଙ୍କ ଡାକ ତାଙ୍କୁ ଶୁଭିନଥିଲା । ତାପରେ ସ୍ଥାନୀୟ ବାସିନ୍ଦା ଅନ୍ୟ ରାସ୍ତାରେ ବୁଲିକି ଯାଇ ଦେଖିବା ବେଳକୁ ଦମ୍ପତି ନାଳ ଭିତରେ ଖସି ପଡ଼ିଥିଲେ । ସେ କହିବା ଅନୁଯାୟୀ, ଦମ୍ପତି କୌଣସି ଏକ ସ୍ଥାନକୁ ଯାଇଥିଲେ ଏବଂ ସେଠାରୁ ଫେରିବା ସମୟରେ ଏପରି ଘଟଣା ଘଟିଛି ।
ପୋଲିସ କହିବା ଅନୁଯାୟୀ ବାଇକରେ ପରିବାରର ତିନିଜଣ ବ୍ୟକ୍ତି ଆସୁଥିଲେ ଏବଂ ଦୁର୍ଘଟଣାର ଶିକାର ହୋଇଥିଲେ । କିନ୍ତୁ ଘଟଣାସ୍ଥଳକୁ ଯିବାପରେ ଯେତେବେଳେ ପ୍ରତ୍ୟେକ୍ଷଦର୍ଶୀଙ୍କୁ ପଚରାଉଚରା କରାଗଲା, ସେତେବେଳେ ଜଣାପଡ଼ିଲା ଯେ ବାଇକରେ ଆସୁଥିବା ବେଳେ ସ୍ବାମୀ ସ୍ତ୍ରୀ ଭାସି ଯାଇଛନ୍ତି, ଯାହାଙ୍କ ନାମ ରଞ୍ଜିତ ନାୟକ ଏବଂ ତାଙ୍କ ସ୍ତ୍ରୀ ଅଟନ୍ତି । ବର୍ତ୍ତମାନ୍ ରଞ୍ଜିତ ନାୟକଙ୍କୁ ଉଦ୍ଧାର କରାଯାଇଛି, କିନ୍ତୁ ତାଙ୍କ ସ୍ତ୍ରୀଙ୍କର ବର୍ତ୍ତମାନ ସୁଦ୍ଧା କୌଣସି ଖବର ମିଳିନାହିଁ ।
