ଆଜି ହିଁ ଛାଡ଼ିଦିଅନ୍ତୁ ବସିକି ଶୋଇବାର ଅଭ୍ୟାସ, ନଚେତ୍ ଉପୁଜିବ ବଡ ଭୟଙ୍କର ପରିସ୍ଥିତି,ଆଉ ହେବ ଅନେକ କ୍ଷତି !

Harmful Effects of Sleeping While Sitting: ଶୋଇବା ଆମ ଶରୀର ପାଇଁ ବହୁତ୍ ଲାଭଦାୟକ ଅଟେ । କାରଣ ନିଦରେ ଥିବା ସମୟରେ ଆପଣଙ୍କ ଶରୀର ଓ ମସଲସ ନିଜକୁ ରିପେୟାର କରିଥାଏ ଏବଂ ଥକାପଣରୁ ଆରାମ ମଧ୍ୟ ମିଳିଥାଏ । କିନ୍ତୁ ଶୋଇବାର ପ୍ରକ୍ରିୟା ସମସ୍ତଙ୍କର ଅଲଗା ଅଲଗା ହୋଇଥାଏ । କିଛି ଲୋକ ପେଟ ମାଡି ଶୋଇଥାନ୍ତି ତ ଆଉ କିଛି ଲୋକ ଅଣ୍ଟା ଭାଙ୍ଗି ଶୋଇବାକୁ ପସନ୍ଦ କରନ୍ତି । ଏହିପରି ଏମିତି କିଛି ଲୋକ ମଧ୍ୟ ଅଛନ୍ତି ଯେଉଁମାନେ ବସି ବସି ହିଁ ଶୋଇପଡନ୍ତି । ବୋଧହୁଏ ଆପଣ ଜାଣିନଥିବେ ଯେ ବସିକି ଶୋଇବା ଦ୍ଵାରା କିଛି କ୍ଷତି ମଧ୍ୟ ହୋଇଥାଏ । କଣ ଏପରି କରିବା ମୃତ୍ୟୁର କାରଣ ମଧ୍ୟ ହୋଇପାରେ ? ଆସନ୍ତୁ ଏହି ବିଷୟରେ ବିସ୍ତାର ଭାବେ ଜାଣିବା ।

ବସିକି ଶୋଇବାର କ୍ଷତି :-

1. ପିଠି ପୀଡ଼ା ହେବା :-

ଯଦି ଆପଣ ମଧ୍ୟ ବସି ବସି ଶୋଇବାର ଅଭ୍ୟାସ ରଖୁଛନ୍ତି, ତେବେ ଆପଣ ମଧ୍ୟ ପିଠି ପୀଡ଼ା ହେବା ଭଳି ସମସ୍ୟାର ସମ୍ମୁଖୀନ ହୋଇପାରନ୍ତି । ବସିକି ଶୋଇବା କାରଣରୁ ଆପଣଙ୍କ ସ୍ପାଇନଲ କଲମର ଆକାର ବିଗିଡ଼ି ଯାଇଥାଏ । ଯେଉଁ କାରଣରୁ ପିଠି ପୀଡ଼ା ହୋଇପାରେ ।

2. ବ୍ଲଡ଼ ସର୍କୁଲେଶନରେ ଅଭାବ :-

ବହୁତ୍ ଅଧିକ ସମୟ ପର୍ଯ୍ୟନ୍ତ ଗୋଟିଏ ଅବସ୍ଥାରେ ବସି ଶୋଇବା କାରଣରୁ ଆପଣଙ୍କ ରକ୍ତ ନଳୀରେ ବ୍ଲକେଜ ସମସ୍ୟା ହୋଇପାରେ । ଏହାସହିତ ପାଦ ଝିମିଝିମି ହେବା ଭଳି ସମସ୍ୟା ସୃଷ୍ଟି ହୋଇପାରେ, ଯେଉଁ କାରଣରୁ ଚାଲିବାରେ ମଧ୍ୟ ଅସୁବିଧା ହୋଇପାରେ ।

3. ଗଣ୍ଠି ସମସ୍ୟା :-

ବସି ବସି ଶୋଇବା ହେତୁ ଆପଣଙ୍କ ଗଣ୍ଠିରେ କଠିନତାର ସମସ୍ୟା ମଧ୍ୟ ଉପୁଜିପାରେ । କେବଳ ଏତିକି ନୁହେଁ, ବସିକି ଶୋଇବା ହେତୁ ଗୋଡର ଶିରାରେ ସମସ୍ୟା ଉତ୍ପନ୍ନ ହୋଇପାରେ । ଏହା ସହିତ ଦୀର୍ଘ ସମୟ ଧରି ଗୋଟିଏ ଅବସ୍ଥାରେ ବସିବା କାରଣରୁ ଶରୀରର ମୁଭମେଣ୍ଟ ହୋଇପାରେ ନାହିଁ, ଯାହା କଠିନତାର କାରଣ ହୋଇଯାଏ ।

ବସିକି ଶୋଇବାର ଫାଇଦା :-

ତେବେ ବସିକି ଶୋଇବା ଦ୍ଵାରା ଆମର ଅନେକ କ୍ଷତି ହେଉଥିଲେ ମଧ୍ୟ କିଛି ଲାଭ ମଧ୍ୟ ରହିଥାଏ । ବିଶେଷକରି ଗର୍ଭବତୀ ମହିଳାଙ୍କ ପାଇଁ ଏହା ଆରାମଦାୟକ ହୋଇଥାଏ । ଗର୍ଭବତୀ ମହିଳାଙ୍କୁ ପ୍ରାୟତଃ ଶୋଇବାର ସଠିକ୍ ଅବସ୍ଥାକୁ ନେଇ ଚିନ୍ତା ରହିଥାଏ । ଏପରି ପରିସ୍ଥିତିରେ ବସିକି ଶୋଇବା ସେମାନଙ୍କ ପାଇଁ ବହୁତ୍ ଆରାମଦାୟକ ବୋଲି ପ୍ରମାଣିତ ହୋଇପାରେ । ଏହାସହିତ ପେଟ ସମସ୍ୟା ମଧ୍ୟ ଦୂର ହୋଇଥାଏ ।

କଣ ଅଧିକ ସମୟ ଧରି ବସିକି ଶୋଇଲେ ମୃତ୍ୟୁ ହୋଇପାରେ ?

ତେବେ କହିବାକୁ ଗଲେ ତ ବସିକି ଶୋଇବାର ବଡ କ୍ଷତିର କୌଣସି ପ୍ରମାଣ ମିଳିନାହିଁ, କିନ୍ତୁ ଦୀର୍ଘ ସମୟ ଧରି ବସିକି ଶୋଇବା କାରଣରୁ ରକ୍ତ ଛିଟା ପାଦରେ ଜମିପାରେ । ଏହା ଉପରେ ଠିକ୍ ଭାବେ ଧ୍ୟାନ ନ ଦେଲେ ପରେ ପାଦ ଫୁଲିବା, ଗୋଡ଼ ଯନ୍ତ୍ରଣା ପରି ସମସ୍ୟା ହୋଇପାରେ । ଅଧିକ ସମୟ ପର୍ଯ୍ୟନ୍ତ ଏହି ସମସ୍ୟା ରହିଲେ ବ୍ୟକ୍ତିର ମୃତ୍ୟୁ ମଧ୍ୟ ହୋଇପାରେ ।