29 କୋଟି କ୍ୟାସ, 5 KG ଗୋଲ୍ଡ… କ୍ୟାସ କ୍ୱିନ ଅଭିନେତ୍ରୀ ଅର୍ପିତା ମୁଖାର୍ଜୀଙ୍କ ନୂଆଁ ଠିକଣାରେ ନୋଟ ଗଣିବା ପାଇଁ ଲାଗିଲା 10 ଘଣ୍ଟା, ଟୟଲେଟରେ ଲୁଚାଇ ରଖିଥିଲେ ଏହି ଧନ
Get real time updates directly on you device, subscribe now.
ବୁଧବାର ଦିନ ଇଡି(ED) ଶିକ୍ଷକ ନିଯୁକ୍ତି ଦୁର୍ନୀତିରେ କୋଲକାତା ଚାରିପାଖରେ ତିନିଟି ସ୍ଥାନରେ ପୁଣିଥରେ ଚଢ଼ାଉ କଲା । ଏହି ସମୟରେ ଅର୍ପିତା ମୁଖାର୍ଜୀଙ୍କ ବେଲଘରିଆ ସ୍ଥିତ ଆଉ ଗୋଟିଏ ଫ୍ଲାଟରୁ ଇଡିକୁ ପ୍ରାୟ 29 କୋଟି କ୍ୟାସ(28.90 କୋଟି ଟଙ୍କା) ଏବଂ 5 କିଲୋ ସୁନା ମିଳିଲା । ଇଡି ଟିମକୁ ଏହି ପଇସା ଗଣିବା ପାଇଁ ପ୍ରାୟ 10 ଘଣ୍ଟା ସମୟ ଲାଗିଲା । ଆଶ୍ଚର୍ଯ୍ୟଜନକ କଥା ଏହା ଯେ ଅର୍ପିତା ଏହି ପଇସା ଫ୍ଲାଟର ଟୟଲେଟରେ ଲୁଚାଇ ରଖିଥିଲେ ।
ବାସ୍ତବରେ ଇଡି ଶିକ୍ଷକ ନିଯୁକ୍ତି ଦୁର୍ନୀତି ସହ ଜଡ଼ିତ ମାମଲାରେ ନିକଟରେ ପଶ୍ଚିମ ବଙ୍ଗରେ ମମତା ସରକାରରେ ମନ୍ତ୍ରୀ ପାର୍ଥ ଚଟର୍ଜୀଙ୍କୁ ଗିରଫ କରିଥିଲା । ଅର୍ପିତା ମୁଖାର୍ଜୀ ପାର୍ଥ ଚଟର୍ଜୀଙ୍କ କ୍ଲୋଜ ଅଟନ୍ତି । 5 ଦିନ ପୂର୍ବରୁ ହିଁ ଇଡିକୁ ଅର୍ପିତାଙ୍କ ଫ୍ଲାଟରୁ 21 କୋଟି କ୍ୟାସ ଏବଂ ଅନେକ ମୂଲ୍ୟବାନ ଜିନିଷ ମିଳିଥିଲା । ଇଡି ଅର୍ପିତାଙ୍କୁ ଜୁଲାଇ 23 ତାରିଖରେ ଗିରଫ କରିଛି ।
ସେପଟେ ଇଡିର ଏହି କାର୍ଯ୍ୟାନୁଷ୍ଠାନ ପରଠାରୁ ବିରୋଧୀ ପାର୍ଟିମାନେ ଟିଏମସି ଉପରେ ପାର୍ଥ ଚଟର୍ଜୀଙ୍କୁ କ୍ୟାବିନେଟରୁ ବାହାର କରିବାପାଇଁ ଦାବି କରିଛନ୍ତି । କେବଳ ଏତିକି ନୁହେଁ ଶିକ୍ଷକ ନିଯୁକ୍ତି ଦୁର୍ନୀତିରେ ମନି ଟ୍ରେଲର ଯାଞ୍ଚ କରୁଥିବା ଇଡି ପଶ୍ଚିମବଙ୍ଗ ମାଧ୍ୟମିକ ଶିକ୍ଷା ବୋର୍ଡର ପୂର୍ବତନ ଅଧ୍ୟକ୍ଷ ଟିଏମସି ବିଧାୟକ ମାଣିକ ଭଟାଚାର୍ଯ୍ୟଙ୍କୁ ମଧ୍ୟ ପଚରାଉଚରା କରିଛି ।
ବୁଧବାର ସକାଳେ ଇଡି ଦକ୍ଷିଣ କୋଲକାତାର ରାଜଦାଙ୍ଗା ଏବଂ ବେଲଘରିଆର ଅନେକ ସ୍ଥାନରେ ଚଢାଉ କରିଛି ଏବଂ ଜଣାପଡିଛି ଯେ ଏସବୁ ସମ୍ପତ୍ତି ଅର୍ପିତା ମୁଖାର୍ଜୀଙ୍କର ଅଟେ । ଇଡିର ଯାଞ୍ଚରେ ଅର୍ପିତା ମୁଖାର୍ଜୀ ଏହି ସମ୍ପତ୍ତିର ଖୁଲାସା କରିଥିଲେ ।
ସେପଟେ ପାର୍ଥ ଚଟର୍ଜୀଙ୍କୁ କ୍ୟାବିନେଟରୁ ବାହାର କରିବାପାଇଁ ଲଗାତାର ଦାବି କରାଯାଉଛି । ରାଜ୍ୟରେ ବିରୋଧୀ ନେତା ଶୁଭେନ୍ଦୁ ଅଧିକାରୀ ରାଜ୍ୟପାଳ ଲା ଗଣେଶନଙ୍କ ସହିତ ରାଜଭବନରେ ଦେଖା କଲେ ଏବଂ ଚଟର୍ଜୀଙ୍କୁ କ୍ୟାବିନେଟରୁ ବାହାର କରିବାପାଇଁ ଦାବି କରିଛନ୍ତି ।
