Get real time updates directly on you device, subscribe now.
WWE ସୁପରଷ୍ଟାର ଗ୍ରେଟ୍ ଖଲୀଙ୍କୁ ତ ଆପଣ ନିଶ୍ଚୟ ଜାଣିଥିବେ । ତାଙ୍କୁ ବଳିଷ୍ଠ ଚେହେରା ଏବଂ ହାଇଟ ସବୁବେଳେ ଚର୍ଚ୍ଚାରେ ରଖିଥାଏ । ହେଲେ ଆଜି ଆମେ ଆପଣଙ୍କୁ ଜଣେ ଲୋକଙ୍କ କଥା କହିବୁ, ଯିଏ ଗ୍ରେଟ୍ ଖଲୀଙ୍କ ଠାରୁ ମଧ୍ୟ ଅଧିକ ଉଚ୍ଚା ଅଟନ୍ତି । ପଞ୍ଜାବ ପୋଲିସର କାର୍ଯ୍ୟରତ ଥିବା ଜଗଦିପ ସିଂହଙ୍କ ଉଚ୍ଚତା ଗ୍ରେଟ୍ ଖଲୀଙ୍କ ଠାରୁ ପାଞ୍ଚ ଇଞ୍ଚ ଅଧିକ । ଗ୍ରେଟ୍ ଖଲୀଙ୍କ ଉଚ୍ଚତା 7 ଫୁଟ 1 ଇଞ୍ଚ ହୋଇଥିବା ବେଳେ ଜଗଦିପଙ୍କ ଉଚ୍ଚତା 7 ଫୁଟ 6 ଇଞ୍ଚ ଅଟେ ।
ଖାଲି ସେତିକି ନୁହେଁ, ଜଗଦିପଙ୍କ ବୟସ 37 ବର୍ଷ ହୋଇଥିବା ବେଳେ ତାଙ୍କର ଓଜନ ପାଖାପାଖି 190 କିଲୋ ଅଟେ । ଖାସ କଥା ହେଉଛି ଜଗଦିପ ତଳେ ଛିଡ଼ା ହେଲେ ତାଙ୍କ ହାତ ତାଙ୍କ ଛାତକୁ ଲାଗିପାରେ ଏବଂ ସେ ତଳେ ରହି ଛାତ ଉପରକୁ ହାତ ବଢ଼ାଇ ପାରନ୍ତି ।
ଜଗଦିପ ସିଂହ ଦୀର୍ଘ 20 ବର୍ଷ ଧରି ପଞ୍ଜାବ ପୋଲିସରେ କାମ କରୁଛନ୍ତି । ସେ ହେଡ କନେଷ୍ଟବଳ ପୋଷ୍ଟରେ ଥିବାବେଳେ ତାଙ୍କ ଅସୁବିଧା ଏତିକି ଯେ ଜଗଦିପ ନିଜ ପସନ୍ଦ ମୁତାବକ କୌଣସି ଡ୍ରେସ୍ ପିନ୍ଧିପାରୁ ନାହାନ୍ତି । ତାଙ୍କ ଜୋତା ସାଇଜ 19 ନମ୍ୱର୍ ଥିଲାବେଳେ ଏହା ମାର୍କେଟରେ ମିଳୁନାହିଁ । ତେଣୁ ସେ ତାଙ୍କ ପାଇଁ ବିଦେଶରୁ ଜୋତା ଅର୍ଡର କରି ପିନ୍ଧୁଛନ୍ତି ।
ଜଗଦିପଙ୍କ ହାଇଟ ଅଧିକ ଥିବା କାରଣରୁ ସେ କୌଣସି ବସ କିମ୍ବା ଅଟୋରେ ଯିବାଆସିବା କରିପାରନ୍ତି ନାହିଁ । ସେ ଯେଉଁଠିକୁ ଯାଆନ୍ତି, ନିଜ ବାଇକରେ ବସି ଯାତ୍ରା କରନ୍ତି । ପଞ୍ଜାବ ପୋଲିସରେ କାମ କରୁଥିବା ଜଗଦିପ ଅଭିନୟରେ ମଧ୍ୟ ରୁଚି ରଖନ୍ତି । ଆମେରିକାର ପ୍ରସିଦ୍ଧ ରିଏଲିଟି ଶୋରେ ଭାଗ ନେଇଥିବା ବେଳେ ବଲିଉଡ ଫିଲ୍ମ ରଣଦିପ ବସନ୍ତି ପରି କିଛି ଫିଲ୍ମରେ ମଧ୍ୟ ଅଭିନୟ କରି ସାରିଛନ୍ତି । ତାଙ୍କୁ ଭାରତର ସବୁଠାରୁ ଡେଙ୍ଗା ପୋଲିସ ବୋଲି ମଧ୍ୟ ଅନେକ ଲୋକ ଜାଣନ୍ତି ।
