COVID 4th wave symptoms: ପୁଣିଥରେ ଭୟଙ୍କର ହେଲା କରୋନା, ଏକାବେଳେ ପ୍ରାୟ 13 ହଜାର ଲୋକ ଆକ୍ରାନ୍ତ, ଚତୁର୍ଥ ଲହରରେ ଦେଖାଯାଉଛି ଏହି ଗମ୍ଭୀର ଲକ୍ଷଣ
Get real time updates directly on you device, subscribe now.
ଭାରତରେ କରୋନା ଭାଇରସ ମହାମାରୀର ପ୍ରକୋପ ପୁଣିଥରେ ଦ୍ରୁତ ଗତିରେ ବଢୁଛି । ଦେଶରେ ଗତ 24 ଘଣ୍ଟା ମଧ୍ୟରେ କୋଭିଡ-19 ର 12,847 ନୂତନ ମାମଲା ମିଳିଛି । ଏହାସହିତ କରୋନା ଦ୍ଵାରା ବର୍ତ୍ତମାନ ସୁଦ୍ଧା ସଂକ୍ରମିତ ହୋଇଥିବା ଲୋକଙ୍କ ସଂଖ୍ୟା 4,32,70,577 ହୋଇଯାଇଛି । ଗତ ଏକ ଦିନ ମଧ୍ୟରେ 14ଜଣ ଲୋକଙ୍କର ମୃତ୍ୟୁ ହୋଇଛି । ଯାହାଦ୍ଵାରା ମୃତ୍ୟୁବରଣ କରିଥିବା ମୋଟ ସଂଖ୍ୟା ବଢ଼ି 5,24,817 ହୋଇଯାଇଛି । ଦେଶରେ ବର୍ତ୍ତମାନ ସକ୍ରିୟ ମାମଲା ବଢିଯାଇ 63,063 ରହିଛି ।
ଚିନ୍ତାର ବିଷୟ ଏହା ଯେ ଦୈନିକ ନୂଆଁ ମାମଲା କେବଳ ଏକ ସପ୍ତାହ ଭିତରେ 3 ହଜାରରୁ 12 ହଜାରରେ ପହଞ୍ଚି ଯାଇଛି । ଏହାକୁ କରୋନା ଭାଇରସର ଚତୁର୍ଥ ଲହର ଭାବରେ ଦେଖାଯାଇଛି । ତେବେ ସ୍ବାସ୍ଥ୍ୟ ବିଶେଷଜ୍ଞ କହୁଛନ୍ତି ଯେ ଚିନ୍ତା କରିବାର କୌଣସି କଥା ନାହିଁ ।
କରୋନାର ଚତୁର୍ଥ ଲହରରେ ଦେଖାଯିବ ବଡ ଲକ୍ଷଣ ଝାଡ଼ା :-
ଗୋଟିଏ ରିପୋର୍ଟ୍ ଅନୁଯାୟୀ, ନିକଟରେ ମହାରାଷ୍ଟ୍ରରେ BA.4 ଏବଂ BA.5 ର ଯେଉଁ ମାମଲା ମିଳିଛି, ସେହି ରୋଗୀଙ୍କ ଠାରେ ଝାଡ଼ା ଏବଂ ଜ୍ଵର ସହିତ ଜଡିତ ଲକ୍ଷଣ ମିଳିଛି । ମହାମାରୀ ଆରମ୍ଭ ହେବା ପରଠାରୁ ଡାଇରିଆକୁ କରୋନା ସହିତ ଯୋଡ଼ି ଦିଆଯାଇଛି ।
ଝାଡ଼ା ବ୍ୟତୀତ ପେଟ ସମ୍ବନ୍ଧୀୟ ସମସ୍ୟା :-
ଡାଇରିଆ ବ୍ୟତୀତ ରୋଗୀ ମାନଙ୍କୁ ପେଟରେ ଯନ୍ତ୍ରଣା ମଧ୍ୟ ହେଉଛି । ଏହି ଯନ୍ତ୍ରଣା ପ୍ରାୟତଃ ଝାଡ଼ା ସହିତ ଜଡିତ । ଡାକ୍ତର ଏହା ମଧ୍ୟ କହିଛନ୍ତି ଯେ ପେଟ ଯନ୍ତ୍ରଣା କାରଣରୁ ଲୋକଙ୍କୁ ବାନ୍ତି ମଧ୍ୟ ଲାଗିଥାଏ ।
ଜ୍ଵର ବର୍ତ୍ତମାନ ମଧ୍ୟ ଗୋଟିଏ ବଡ ଲକ୍ଷଣ :-
ଚତୁର୍ଥ ଲହରରେ ଦେଖାଯାଉଥିବା ଲକ୍ଷଣ ମଧ୍ୟରେ ଜ୍ଵର ମଧ୍ୟ ଅନ୍ୟ ଗୋଟିଏ ସାଧାରଣ ଲକ୍ଷଣ ଅଟେ । ଲୋକଙ୍କ ମଧ୍ୟରେ 105F ପର୍ଯ୍ୟନ୍ତ ଜ୍ଵର ମଧ୍ୟ ଦେଖିବାକୁ ମିଳୁଛି । ଯଦି ଆପଣଙ୍କ ଦେହରେ ଜ୍ଵର ରହୁଛି, ତେବେ ଆପଣ ଶୀଘ୍ର କରୋନା ଟେଷ୍ଟ କରିନେବା ଉଚିତ୍ ।
କରୋନା ଠାରୁ ବଞ୍ଚିବା ପାଇଁ କଣ୍ କରିବେ ?
ଡାକ୍ତରମାନେ ଲୋକଙ୍କୁ ଡାଇରିଆ ଏବଂ ଜ୍ୱରର ଲକ୍ଷଣ ଦେଖାଗଲେ ତୁରନ୍ତ ଯାଞ୍ଚ କରିବାକୁ ପରାମର୍ଶ ଦେଇଛନ୍ତି । ଏହାଦ୍ବାରା ସଂକ୍ରମଣକୁ ଶୀଘ୍ର ଚିହ୍ନଟ କରିବାରେ ସୁବିଧା ହେବ ଏବଂ କରୋନା ନିୟମ ପାଳନ କଲେ ଅନ୍ୟମାନଙ୍କୁ ସଂକ୍ରମଣ ଠାରୁ ବଞ୍ଚାଇବାରେ ସାହାଯ୍ୟ ମିଳିବ । ବର୍ତ୍ତମାନ କରୋନା ଠାରୁ ବଞ୍ଚିବା ପାଇଁ କରୋନାର ସବୁ ନିୟମାବଳୀକୁ ମାନିବାଟା ହିଁ ଭଲ ହେବ ।
