ଏପରି ମହିଳା, ଯେଉଁ ମାନଙ୍କୁ ଠିକରେ ପଢ଼ିବା ମଧ୍ୟ ଆସେନାହିଁ, ଏମାନେ ବିଜନେସ କରି ପ୍ରତି ମାସରେ ରୋଜଗାର କରୁଛନ୍ତି 8 ଲକ୍ଷ ଟଙ୍କା, ଜାଣନ୍ତୁ ସମ୍ପୂର୍ଣ୍ଣ ସୂଚନା

ପ୍ରାୟତଃ କୁହାଯାଏ ଯେ ଯେଉଁ ବ୍ୟକ୍ତି ପାଠ ପଢ଼ି ନାହିଁ, ସେ କେବେ ବି ସଫଳତା ପାଇପାରିବ ନାହିଁ । କିନ୍ତୁ ଏହା ମଧ୍ୟ କୁହାଯାଏ ଯେ ଯଦି ଦୃଢ଼ ଇଚ୍ଛାଶକ୍ତି ଏବଂ ପରିଶ୍ରମ ଅଛି, ତେବେ ଯେକୌଣସି ମଣିଷ ସଫଳତା ହାସଲ କରିପାରିବ । ଏହି କଥାକୁ ପ୍ରମାଣିତ କରି ଦେଖାଇଛନ୍ତି ସୁନନ୍ଦା ଶିବାଜୀ କ୍ଷୀରସାଗର ନାମକ ଜଣେ ମହିଳା । ଯିଏକି ନିଜର ପରିଶ୍ରମ ବଳରେ ପାଠ ନ ଥିବା ସତ୍ତ୍ବେ ନିଜର ସଫଳତାର କାହାଣୀ ଲେଖି ପକାଇଲେ ।

ବାସ୍ତବରେ ସୁନନ୍ଦା ନିଜ ପରିବାରକୁ ସମ୍ଭାଳିବା ପାଇଁ ନିଜ ପରିଶ୍ରମ ବଳରେ କୁକୁଡ଼ା ପାଳନ କରିବାର ବିଜନେସ ଆରମ୍ଭ କଲେ । ସେ ବିଜନେସର ଏହି ଯାତ୍ରା 500 କୁକୁଡ଼ା ସାହାଯ୍ୟରେ ଆରମ୍ଭ କଲେ ଏବଂ ଆଜି ତାଙ୍କ ପାଖରେ 50 ହଜାର କୁକୁଡା ଅଛନ୍ତି ।

କେବଳ ଏତିକି ନୁହେଁ, ସୁନନ୍ଦା ନିଜ ପରି ଅନେକ ମହିଳାଙ୍କୁ ମଧ୍ୟ ରୋଜଗାର ଦେଲେ । ସୁନନ୍ଦାଙ୍କ ସାହାସକୁ ଦେଖି ଔରଙ୍ଗାବାଦର କୃଷି ବିଜ୍ଞାନ କେନ୍ଦ୍ରର ସୁପାରିସ କ୍ରମେ ମହାରାଷ୍ଟ୍ର ସରକାର ତାଙ୍କୁ କୃଷି ଭୂଷଣ ପୁରସ୍କାର ଦ୍ଵାରା ସମ୍ମାନିତ କରିଛନ୍ତି ।

ସୁନନ୍ଦା ଔରଙ୍ଗାବାଦ ଜିଲ୍ଲାରେ ପେଇଥନ ତହସିଲର ପାଙ୍ଗଡା ଗାଁର ବାସିନ୍ଦା ଅଟନ୍ତି । ସୁନନ୍ଦା କହିଛନ୍ତି ଯେ ତାଙ୍କ ସ୍ୱାମୀ ଶିବାଜୀ ବିଜ୍ଞାନରେ ସ୍ନାତକ ଅଟନ୍ତି । ସ୍ୱାମୀ ଚାକିରି କରିବା ପରିବର୍ତ୍ତେ ଚାରି ଏକର ଜମି କିଣି କୁକୁଡ଼ା ଚାଷ କରିବାକୁ ନିଷ୍ପତ୍ତି ନେଇଥିଲେ । ପ୍ରାରମ୍ଭରେ କେବଳ 5000 ରୁ 6000 ର ଅଭାବ ଦେଖାଦେଇଥିଲା | କିନ୍ତୁ ବର୍ତ୍ତମାନ ସେ ପ୍ରତି ମାସରେ 7 ରୁ 8 ଲକ୍ଷ ଟଙ୍କା ରୋଜଗାର କରନ୍ତି | ଏହା ବ୍ୟତୀତ ବର୍ତ୍ତମାନ ତାଙ୍କ ପାଖରେ 4 ଏକର ଜମି ପରିବର୍ତ୍ତେ 27 ଏକର ଜମି ଅଛି ।

ମହିଳାମାନଙ୍କୁ ଦେଲେ ପ୍ରେରଣା :-

ଔରଙ୍ଗାବାଦର କୃଷି ବିଜ୍ଞାନ କେନ୍ଦ୍ରର କୁକୁଡ଼ା ବିଶେଷଜ୍ଞ ଅନୀତା ଜିଣ୍ଟୁରକର କହିଛନ୍ତି ଯେ ସାଧାରଣତ ମହିଳାମାନେ କୁକୁଡ଼ା ପାଳନ ଓ ଛେଳି ପାଳନ କରନ୍ତି ନାହିଁ, କିନ୍ତୁ ସୁନନ୍ଦା ମହିଳାମାନଙ୍କ ପାଇଁ ଏହି କ୍ଷେତ୍ରରେ ଏକ ପ୍ରେରଣା ପାଲଟିଛନ୍ତି । ଏଭଳି ପରିସ୍ଥିତିରେ ମହିଳାମାନେ ଆତ୍ମନିର୍ଭରଶୀଳ ହେବାକୁ ଅନ୍ୟ ଏକ ବିକଳ୍ପ ପାଇଛନ୍ତି ।