ପ୍ରଥମେ ଧୁମଧାମରେ ହେଲା ବାହାଘର,ତା ପରେ ଅଚାନକ ବର ହୋଇଗଲା ଫେରାର,ବିଦାୟ ପ୍ରସ୍ତୁତି ପାଇଁ ବସି ରହିଲା କନ୍ୟା ଏବଂ ତାପରେ…..ଜାଣନ୍ତୁ ପୁରା ଘଟଣା

ଖୁଟହନ ପୋଲିସ ଷ୍ଟେସନ ପରିସରର ହାଇଦରପୁର ଗ୍ରାମରେ ଏକ ବିବାହ ସମାରୋହରେ ହଙ୍ଗାମା ହୋଇଗଲା | ବରଯାତ୍ରୀଙ୍କ ସ୍ବାଗତ କରିବା ଠାରୁ ନେଇ ପୁରା ଖୁସିରେ ବରଣମାଳା କାର୍ଯ୍ୟକ୍ରମ ସମ୍ପନ୍ନ କରାଯାଇଥିଲା । ମଣ୍ଡପରେ ବିବାହ ବୈଠକ ଆରମ୍ଭ ହୋଇଗଲା । ପୁରୋହିତମାନେ ବୈଦିକ ମନ୍ତ୍ର ପଢି ବିବାହ ଆରମ୍ଭ କରିଥିଲେ । ଏହା ମଧ୍ୟରେ ସିନ୍ଦୂର ଦେବା ସମୟରେ କୌଣସି କାରଣରୁ ବରର ଭାଇର ହାତ ପୋଡ଼ିଗଲା । ତାଙ୍କୁ ଚିକିତ୍ସା ପାଇଁ ଖୁଟହନ ଡାକ୍ତରଖାନାକୁ ପଠାଯାଇଥିଲା, ଯେଉଁଠାରୁ ତାଙ୍କୁ ଜିଲ୍ଲା ଡାକ୍ତରଖାନାକୁ ପଠାଯାଇଥିଲା । ବର ତାଙ୍କୁ ଦେଖିବା ପାଇଁ ବାଇକରେ ଚାଲିଗଲା ଏବଂ ତା’ପରେ ତାଙ୍କର କୌଣସି ଖବର ମିଳିଲା ନାହିଁ । ଏଥିରେ ରାଗିଯାଇ ଲୋକମାନେ ବରର ବାପା ସମେତ କିଛି ବରଯାତ୍ରୀଙ୍କୁ ବନ୍ଧକ ରଖିଥିଲେ ।

କୁହାଯାଉଛି ଯେ ଗାଁରେ ଘନଶ୍ୟାମଙ୍କ ଝିଅର ବିବାହ ଏହି ଥାନା ଅଂଚଳର ମୁବାରକପୂର୍ ଗାଁ ବାସିନ୍ଦା ପ୍ୟାରେଲାଲଙ୍କ ପୁଅ ପଙ୍କଜଙ୍କ ସହିତ ସ୍ଥିର ହୋଇଥିଲା । ଗତ ସନ୍ଧ୍ୟାରେ ବରଯାତ୍ରୀ ଘନଶ୍ୟାମଙ୍କ ଘରେ ପହଞ୍ଚିଲେ । ସ୍ବାଗତ ପରେ ବିବାହ କାର୍ଯ୍ୟକ୍ରମ ଆରମ୍ଭ ହୋଇଯାଇଥିଲା । ସିନ୍ଦୂର ଦେବା ପରେ ବରର ସାନଭାଇ ବିଶାଳ ବାଣ ଫୁଟାଇବା ପାଇଁ ଗଲା ଏବଂ ଅଚାନକ ବାଣ ତା ହାତରେ ହିଁ ଫୁଟିଗଲା । ଯାହାଦ୍ଵାରା ତାଙ୍କର ଦୁଇ ହାତ ପୋଡ଼ିଗଲା ।

ଏହି ଘଟଣା ପରେ ବିବାହର ସବୁ ଖୁସି ଉଭେଇଗଲା । କନ୍ୟାଙ୍କ ବାପା ଘନଶ୍ୟାମ ତାଙ୍କୁ ବାଇକରେ ସିଏଚସି ନେଇଆସିଲେ । କିନ୍ତୁ ଅବସ୍ଥା ଗୁରୁତର ଦେଖି ସେଠାରୁ ରେଫର କରି ଦିଆଗଲା । ବରପକ୍ଷର ଲୋକମାନେ ତାଙ୍କୁ ନେଇ ଜିଲ୍ଲା ମୁଖ୍ୟାଳୟ ଚାଲିଗଲେ । ଘନଶ୍ୟାମ ଘରକୁ ଫେରିଆସିଲେ । ଏପଟେ ବର ମଧ୍ୟ ଭାଇକୁ ଦେଖିବା ବାହାନାରେ ବାଇକରେ ବାହାରିଗଲା । ସକାଳ ପର୍ଯ୍ୟନ୍ତ ସେ ନ ଫେରିବାରୁ ଦୁଇପକ୍ଷ ଖୋଜିବାକୁ ଲାଗିଲେ । ସେ ଆହତ ଭାଇ ପାଖରେ ମଧ୍ୟ ପହଞ୍ଚି ନଥିଲା ।

ବିଦାୟ ହେବାର ମୁହୂର୍ତ୍ତ ମଧ୍ୟ ବିତିଗଲା, ସେତେବେଳେ କନ୍ୟାପକ୍ଷ ସନ୍ଦେହ କରିବାକୁ ଲାଗିଲେ ଯେ ବର ବିଦାୟ କାର୍ଯ୍ୟକ୍ରମ କରିବାକୁ ଚାହୁଁନାହିଁ ତ ! ତାପରେ ଆଉ କଣ୍ ହେବ, ଗାଁର ଲୋକମାନେ ମିଶି ବରର ବାପା, ବରଯାତ୍ରୀ ଏବଂ କିଛି ଗାଡ଼ିକୁ ଅଟକାଇ ରଖିଲେ । ଏହି ଘଟଣା ପରେ ହଙ୍ଗାମା ହେବାକୁ ଲାଗିଲା ।

ଦ୍ୱିପ୍ରହରରେ ଗାଁର ପ୍ରଧାନକୁ ଡକାଇ ଦେବାନେବା ହିସାବ କରାଗଲା । ଗାଁର ପ୍ରଧାନଙ୍କ ଦ୍ଵାରା ବୁଝିବାପରେ ଦୁଇପକ୍ଷ ପରସ୍ପର ମଧ୍ୟରେ ସମାଧାନ କରିନେଲେ ଏବଂ କୌଣସି ପ୍ରକାରର ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ ନ କରିବାପାଇଁ ସହମତି ପ୍ରକାଶ କଲେ । ଗାଁରେ ବିବାହ ପରେ କନ୍ୟା ନିଜ ଘରୁ ବିଦା ହୋଇପାରିଲା ନାହିଁ । ଅଞ୍ଚଳରେ ଏହି ବିବାହ ଚର୍ଚ୍ଚାର ବିଷୟ ପାଲଟିଛି ।