ସ୍ୱାମୀର ସମ୍ପତ୍ତି ଉପରେ ସ୍ତ୍ରୀର କେତେ ଅଧିକାର ଥାଏ? ଘରର ସମ୍ପତ୍ତି ଉପରେ ସ୍ତ୍ରୀର ଅଧିକାର ଥାଏ କି ନାହିଁ? ସ୍ତ୍ରୀ ଚାହିଁଲେ କଣ ସବୁ ସମ୍ପତ୍ତି ନେଇଯାଇ ପାରିବ?
ଏମିତି ଅନେକ କିଛି ପ୍ରଶ୍ନ ଆପଣମାନଙ୍କ ମନରେ ଏକ ବିବାହିତା ମହିଳାକୁ ନେଇ ଆସୁଥାଇ ପାରେ, ଯେତେବେଳେ ସ୍ୱାମୀ ଏବଂ ସ୍ତ୍ରୀ ମଧ୍ୟରେ ବିବାଦ ହୋଇ ବିଚ୍ଛେଦ ହୁଏ ସେତେବେଳେ ମଧ୍ୟ ଏପରି ଅନେକ ପ୍ରଶ୍ନ ମନକୁ ଆସିଥାଏ।
ସ୍ୱାମୀ ଓ ସ୍ତ୍ରୀଙ୍କ ମଧ୍ୟରେ ଥିବା ସମ୍ପର୍କ ହେଉଛି ସବୁଠାରୁ ଉର୍ଦ୍ଧ୍ଵରେ, ଯେତେବେଳେ ଗୋଟିଏ ଝିଅର ବାହାଘର ହୋଇଥାଏ ସେତେବେଳେ ସ୍ତ୍ରୀ ପାଇଁ ସ୍ୱାମୀର ଘର ସବୁକିଛି ହୋଇଯାଏ। ବାପଘରକୁ ସବୁଦିନ ପାଇଁ ପର କରି ସ୍ୱାମୀର ଘରକୁ ସବୁଦିନ ପାଇଁ ନିଜର କରିନିଏ ଗୋଟିଏ ସ୍ତ୍ରୀ।
ଯେଉଁମାନେ କୁହନ୍ତି ସ୍ୱାମୀର ସମ୍ପତ୍ତି ଉପରେ ସ୍ତ୍ରୀର ସମ୍ପୂର୍ଣ୍ଣ ଅଧିକାର ରହିଥାଏ, ତାହା ସମ୍ପୂର୍ଣ୍ଣ ରୂପେ ଭୁଲ୍ ଅଟେ। ଶ୍ୱଶୁର ଘର ସମ୍ପତ୍ତି ଉପରେ ବୋହୂର ସେତିକି ଅଧିକାର ଥାଏ ଯେତିକି ସେମାନେ ତାଙ୍କ ବୋହୂକୁ ଦେବାକୁ ଚାହିଁବେ, ତାହା ଠାରୁ ଆଉ ତିଳେ ମାତ୍ର ଅଧିକା ବି ନେଇପାରିବନି ଗୋଟେ ବୋହୂ।
ଠିକ୍ ସେହିପରି ସ୍ୱାମୀର ସମ୍ପତ୍ତି ଉପରେ ସ୍ତ୍ରୀର ଅଧିକାର ରହିଥାଏ, ଯଦି ସ୍ୱାମୀ ଜଣକ ତାଙ୍କ ସମ୍ପତ୍ତି କାହା ନାମରେ କରୁ ନାହାଁନ୍ତି ଏବଂ ତାଙ୍କର ମୃତ୍ୟୁ ହୋଇ ଯାଉଛି ତେବେ ସେହି ସବୁ ସମ୍ପତ୍ତି ହିନ୍ଦୁ ଉତ୍ତରାଧିକାରୀ ଅଧିନିୟମ ୧୯୫୬ ବା ଭାରତୀୟ ଉତ୍ତରାଧିକାରୀ ଅଧିନିୟମ ଅନୁଯାୟୀ ତାଙ୍କ ପୁଅ, ଝିଅ ବା ସ୍ତ୍ରୀ ନାମରେ ହୋଇଯିବ, ଯଦି ସେ ଆଇନ ଅନୁଯାୟୀ ଉତ୍ତରାଧିକାରୀ ତେବେ ତାହା ସମ୍ଭବ ହୋଇ ପାରିବ।
ଭାରତୀୟ ଆଇନ ଅନୁଯାୟୀ ଗୋଟିଏ ସ୍ତ୍ରୀର ତାଙ୍କ ସ୍ୱାମୀଙ୍କ ସମ୍ପତ୍ତି ଉପରେ ଅଧିକାର ଥାଏ, ବାହାଘର ପରେ ଯଦି ସ୍ୱାମୀ ଏବଂ ସ୍ତ୍ରୀ ଅଲଗା ହୋଇ ଯାଆନ୍ତି ତେବେ ସ୍ତ୍ରୀଙ୍କର ସ୍ୱାମୀଙ୍କ ସମ୍ପତ୍ତି ଉପରେ ସମ୍ପୂର୍ଣ୍ଣ ଅଧିକାର ରହିବ ନାହିଁ।
ସ୍ତ୍ରୀ କେବଳ ହିନ୍ଦୁ ବିବାହ ଅଧିନିୟମ ଧାରା ୨୪ ଆଧାରରେ ସ୍ୱାମୀ ଠାରୁ କୋର୍ଟଙ୍କ ଜରିଆରେ ଭତ୍ତା ମାଗି ପାରିବ। କେବଳ ସେତିକି ନୁହେଁ ପାରିବାରିକ ବିବାହ ଅଧିନିୟମ ଏବଂ ୧୨୫ ସିଆର୍ପିସି ଆଧାରରେ ଗୋଟିଏ ସ୍ତ୍ରୀ ସାରା ଜୀବନ ଚଳିବା ପାଇଁ ସ୍ୱାମୀ ଠାରୁ ଭତ୍ତା ମାଗି ପାରିବ।