ବନ୍ଧୁଗଣ ଆମ ଦେଶ ଏକ ବିଶାଳ ଦେଶ ଅଟେ। ସବୁଦିନ ଆମ ଦେଶ ରେ ଅନେକ ପ୍ରକାର ଘଟଣା ଘଟିଥାଏ। ବର୍ତ୍ତମାନ ଲୋକମାନେ ଇଣ୍ଟରନେଟ ମାଧ୍ୟମରେ ପ୍ରତିଦିନର ଘଟଣା ସମ୍ପର୍କରେ ଅବଗତ ଥାନ୍ତି ।ଦେଶରେ କ’ଣ କ’ଣ ଘଟୁଛି ତାହା ବିଷୟରେ ସମସ୍ତେ ଅବଗତ ଥାନ୍ତି।
ସମସ୍ତଙ୍କ ଜୀବନରେ ମା ର ଭୂମିକା ଅତି ଗୁରୁତ୍ଵପୂର୍ଣ୍ଣ।କିନ୍ତୁ ମାଆ ଏବେ ଘର ସମ୍ଭାଳିବା ସହିତ ଚାକିରି ମଧ୍ୟ କରିଥାଏ।ତେବେ ଆଜି ଆମେ ଆପଣଙ୍କୁ ଏପରି ଘଟଣା ବିଷୟରେ ଅବଗତ କରାଇବାକୁ ଯାଉଛୁ ଯାହାକୁ ଶୁଣି ଆପଣ ଆଶ୍ଚର୍ଯ୍ୟ ସହ ଖୁସି ମଧ୍ୟ ହୋଇଯିବେ।
ଏଭଳି ଘଟଣା ଘଟିଛି ତେଲେଙ୍ଗାନା ରାଜ୍ୟରେ ଯେଉଁଠାରେ ମାଆ ଓ ଝିଅ ଏକା ସହ ସବ୍-ଇନ୍ସପେକ୍ଟର ପଦବୀ ପାଇଁ ପରୀକ୍ଷା ଦେଇ ସଫଳ ହୋଇଛନ୍ତି।ଆସନ୍ତୁ ଜାଣିବା ଏହା ସମ୍ପର୍କରେ। ତେଲେଙ୍ଗାନାର ଖମ୍ମମ୍ ଜିଲ୍ଲାର ନେଲକୋଣ୍ଡାପାଲ୍ଲି ମଣ୍ଡଳର ଚେନ୍ନାରାମ ଗାଁର ଏକ ମା-ଝିଅ ଯୋଡି ଆଜିକାଲି ସୋସିଆଲ ମିଡିଆରେ ପ୍ରାଧାନ୍ୟ ବିସ୍ତାର କରୁଛନ୍ତି।
ଉଭୟ ମାଆ-ଝିଅ ଯୋଡ଼ି ପୋଲିସର ଶାରୀରିକ ଦକ୍ଷତା ପରୀକ୍ଷାରେ ସଫଳ ହୋଇ ସବ୍-ଇନ୍ସପେକ୍ଟର ହୋଇଯାଇଛନ୍ତି।ମାଆ ଥୋଲା ନାଗମଣିଙ୍କୁ ୩୮ ବର୍ଷ ହୋଇଥିବା ବେଳେ ଝିଅ ତ୍ରିଲୋକିନୀଙ୍କ ବୟସ ୨୧ ବର୍ଷ। ଏହି ଦୁଇ ମାଆ-ଝିଅ ଶହ ଶହ ଲୋକଙ୍କ ସହ ପୋଲିସ ପରୀକ୍ଷା ପାଇଁ ପ୍ରସ୍ତୁତ ହେଉଥିଲେ।
ଡିସେମ୍ବର ୧୪, ବୁଧବାର ଦିନ ପୋଲିସ୍ ପ୍ୟାରେଡ୍ ଗ୍ରାଉଣ୍ଡ୍ରେ ଚାଲିଥିବା ପୋଲିସ୍ ସବ୍-ଇନ୍ସପେକ୍ଟର ପଦବୀ ପାଇଁ ଉଭୟ ଏକାଠି ଫିଜିକାଲ୍ ଫିଟନେସ୍ ଟେଷ୍ଟ୍ କ୍ଲିଅର କରିଛନ୍ତି ଏବଂ ଲିଖିତ ପରୀକ୍ଷାରେ ମଧ୍ୟ ସଫଳ ହୋଇଛନ୍ତି।
ଉଭୟ ପରୀକ୍ଷାରେ ଉତ୍ତୀର୍ଣ୍ଣ ହେବା ପରେ ସବ-ଇନ୍ସପେକ୍ଟର ହୋଇଛନ୍ତି।ଏକ ରିପୋର୍ଟ ରୁ ଜଣା ଯାଇଛି ଯେ, ଥୋଲା ନାଗମଣି ଜଣେ ବି.କମ୍ ସ୍ନାତକ ହୋଇଥିବା ବେଳେ ତ୍ରିଲୋକିନୀ ନିକଟରେ ଖମ୍ମମ୍ରେ ଆର୍ଜେସି ଡିଗ୍ରୀ ଏବଂ ପିଜି କଲେଜରେ ବି.ଏସ୍.ସି (ଜୀବନ ବିଜ୍ଞାନ) ଶେଷ କରିଛନ୍ତି। ନାଗମଣି ପ୍ରଥମେ ୨୦୦୭ରେ ହୋମଗାର୍ଡ ଭାବରେ ପୋଲିସ ବିଭାଗରେ ଯୋଗ ଦେଇଥିଲେ।
ଏହା ପରେ ସେ ଜଣେ କନଷ୍ଟେବଳ ଭାବରେ ମନୋନୀତ ହୋଇଥିଲେ।ତ୍ରିଲୋକିନୀ କହିଛନ୍ତି, “ମୋ ମାଆ ଜଣେ ସବ୍-ଇନ୍ସପେକ୍ଟର ହେବାକୁ ଚାହୁଁଥିଲେ ତେଣୁ ସେ ମୋ ସହିତ ଏହି ପଦବୀ ପାଇଁ ଆବେଦନ କରିଥିଲେ ଏବଂ ଆମେ ଏକାଠି ପରୀକ୍ଷା ଦେଇଥିଲୁ। ମୋ ମାଆ ପୋଲିସ୍ ବିଭାଗରେ ଅଛନ୍ତି। ସେ ମୋତେ ପୋଲିସ୍ ହେବାକୁ ପ୍ରେରଣା ଦେଇଛନ୍ତି।
ଆମେ ଦୁହେଁ ପରସ୍ପରକୁ ପରୀକ୍ଷାରେ ପାଶ୍ ହେବା ପାଇଁ ଉତ୍ସାହିତ କରୁଥିଲୁ।” ମାଆ ଥୋଲା ନାଗମଣି କହିଛନ୍ତି, “ମୁଁ ଗର୍ବିତ ଅନୁଭବ କରୁଛି ଯେ ଯେଉଁ ଦିନ ମୁଁ ମନୋନୀତ ହୋଇଛି ସେହିଦିନ ମୋ ଝିଅ ମଧ୍ୟ ମନୋନୀତ ହୋଇଛି। ଏବେ ଆମେ ଦୁହେଁ ପୋଲିସ ଅଫିସର ଭାବେ କାମ କରିବୁ। ମୁଁ ବହୁତ ଖୁସି ଏବଂ ଗର୍ବିତ ଅନୁଭବ କରୁଛି ଯେ ଆମେ ଏହା କରିପାରିଛୁ।”