ଜିଓ Diwali Celebration Offer ପାଇଁ ଘୋଷଣା କରିଦେଇଛି । ଏହି ଅଫରର ଲାଭ ଗ୍ରାହକଙ୍କୁ 1 ବର୍ଷର ରିଚାର୍ଜ ପ୍ଲାନରେ ମିଳୁଛି । ତେବେ ଜିଓର ଏହି ଅଫର ନୂଆଁ ନୁହେଁ, ବରଂ ପୂର୍ବରୁ ମଧ୍ୟ ମିଳୁଥିଲା । କିନ୍ତୁ ପୂର୍ବ ଅପେକ୍ଷା ଏହି ପ୍ଲାନରେ ବର୍ତ୍ତମାନ ଅନେକ ପରିବର୍ତ୍ତନ ଘଟିଛି । ଏହି ପ୍ଲାନରେ ପୂର୍ବରୁ Disney+ Hotstar ର ସବସକ୍ରିପସନ୍ ମିଳୁଥିଲା, ଯାହା ଏବେ ଆଉ ମିଳୁନାହିଁ ।
ସେହିପରି ଆଡିସନାଲ୍ ବେନେଫିଟରେ ମଧ୍ୟ ଅନେକ କିଛି ବଦଳିଯାଇଛି । ଏକ ବର୍ଷର ଭାଲିଡିଟି ଥିବା ଏହି ପ୍ଲାନ୍ ଡେଲି ଡାଟା, SMS ଏବଂ ଅନଲିମିଟେଡ କଲିଙ୍ଗ ଅଫର ସହ ଆସିଥାଏ । ଏଥିରେ ୟୁଜରଙ୍କୁ ଅନେକ ବିଶେଷ ବେନେଫିଟ ମିଳିଥାଏ । ଆସନ୍ତୁ ଜାଣିବା ଜିଓ ଦୀପାବଳୀ ସେଲିବ୍ରେଶନ ଅଫର ବିଷୟରେ ।
Jio 2999 ଟଙ୍କାର ରିଚାର୍ଜ୍ ପ୍ଲାନ୍ :-
ଜିଓ ଦୀପାବଳୀ ସେଲିବ୍ରେସନ୍ ଅଫରର ଲାଭ 2999 ଟଙ୍କାର ରିଚାର୍ଜ୍ ପ୍ଲାନରେ ମିଳୁଛି । ଅଫର ପୂର୍ବରୁ ଆମେ ଆପଣଙ୍କୁ ଏହାର ଟେଲିକମ ବେନେଫିଟ ବିଷୟରେ କହିରଖୁଛୁ ।
ଜିଓ ରିଚାର୍ଜ୍ ପ୍ଲାନରେ କଞ୍ଜ୍ୟୁମରଙ୍କୁ ଡେଲି 2.5GB ଡାଟା, 100 SMS ଏବଂ ଅନଲିମିଟେଡ କଲିଙ୍ଗ ବେନେଫିଟ ମିଳିଥାଏ । ପୁରା ପ୍ଲାନରେ ୟୁଜରଙ୍କୁ ମୋଟ 912.5GB ଡାଟା ମିଳିଥାଏ ।
ଏହାବ୍ୟତୀତ ଆପଣଙ୍କୁ ଜିଓ ଟିଭି, ଜିଓ ସିନେମା, ଜିଓ ସିକ୍ୟୋରିଟି ଏବଂ ଜିଓ କ୍ଲାଉଡର କମ୍ପ୍ଲିମେଣ୍ଟରି ଆକ୍ସେସ ମିଳିଥାଏ । ଡାଟା ଲିମିଟ ଶେଷ ହେବାପରେ ୟୁଜରଙ୍କୁ 64Kbps ସ୍ପିଡରେ ଡାଟା ମିଳିଥାଏ । ବର୍ତ୍ତମାନ ଜିଓ ସେଲିବ୍ରେଶନ ବେନେଫିଟ ବିଷୟରେ କଥା ହେବା ।
Jio Diwali Celebration Offer କଣ :-
ଏହି ଅଫର୍ ଅଧୀନରେ କଞ୍ଜ୍ୟୁମରଙ୍କୁ Zoomin ଦ୍ଵାରା 299 ଟଙ୍କାର ମୂଲ୍ୟ ଥିବା 2 Mini Magnets ମାଗଣା ମିଳିବ । ତେବେ ୟୁଜରଙ୍କୁ ସିପିଂ ଚାର୍ଜେଜ ଦେବାକୁ ପଡ଼ିବ ।
ଏହାବ୍ୟତୀତ Ferns & Petals ରୁ 799 ଟଙ୍କାରେ କିଣିଲେ 150 ଟଙ୍କା ଡିସକାଉଣ୍ଟ ମିଳିବ । କଞ୍ଜ୍ୟୁମରଙ୍କୁ Ixigo ଉପରେ 750 ଟଙ୍କାର ଡିସକାଉଣ୍ଟ 4500 ଟଙ୍କା କିମ୍ବା ଏହା ଉପରର ଫ୍ଲାଇଟ ଟିକେଟ ଉପରେ ମିଳୁଛି ।
1000 ଟଙ୍କାର ଏକ୍ସଚେଞ୍ଜ ଅଫର୍ Ajio ରୁ 2990 ଟଙ୍କା କିମ୍ବା ଅଧିକର ସପିଙ୍ଗ ଉପରେ ମିଳିବ । ଏହାବ୍ୟତୀତ ୟୁଜରଙ୍କୁ 1500 ଟଙ୍କାର ଡିସକାଉଣ୍ଟ ଅର୍ବନ୍ ଲ୍ୟାଡର ଦ୍ଵାରା ସପିଙ୍ଗରେ ମିଳିବ । ଅର୍ଥାତ୍ ୟୁଜରଙ୍କୁ ମୋଟ 3699 ଟଙ୍କାର ଅଫର ମିଳିବ ।