ଦିନ ଥିଲା ରାସ୍ତାରେ ଅଟୋ ରିକ୍ସା ଚଳାଉଥିଲେ ଗରିବ ବାପା,କିନ୍ତୁ ପୁଅ ପରିଶ୍ରମ ବଳରେ ଆଜି ହେଲା ପାଇଲଟ, ବର୍ତ୍ତମାନ ଉଡାଉଛନ୍ତି ପ୍ଲେନ୍

ଯଦି ଦୃଢ଼ ଇଚ୍ଛାଶକ୍ତି ଏବଂ କିଛି କରିବାର ଉତ୍ସାହ ଅଛି, ତେବେ ମଣିଷ କଣ ବା କରିପାରିବ ନାହିଁ । ଏପରି ମଧ୍ୟ କୁହାଯାଏ ଯେ ସଫଳତା ସେହି ଲୋକଙ୍କ ପାଦକୁ ଛୁଇଁଥାଏ, ଯେଉଁମାନେ ସେମାନଙ୍କର ସ୍ୱପ୍ନକୁ ସାକାର କରିବା ପାଇଁ ଜ୍ୱଳନ୍ତ ଉତ୍ତାପରେ ନିଜ ପାଦ ଜାଳିଥାନ୍ତି । ଏହାର ଏକ ଜ୍ୱଳନ୍ତ ଉଦାହରଣ ହେଉଛନ୍ତି ନାଗପୁରର ଶ୍ରୀକାନ୍ତ ପନ୍ତୱାନେ, ଯିଏ ନିଜ ସ୍କୁଲ ଦିନରୁ ଡେଲିଭରି ବୟ ଭାବରେ କାମ କରୁଥିଲେ । ଅଟୋ ରିକ୍ସା ମଧ୍ୟ ଚଲାଇଲେ ।

କିନ୍ତୁ ଶ୍ରୀକାନ୍ତ ପନ୍ତୱାନେ ନିଜ ଦାରିଦ୍ରକୁ ତାଙ୍କ ସ୍ୱପ୍ନ ସାମ୍ନାରେ ବାଧା ହେବାକୁ ଦେଇନଥିଲେ । ସେ ସାହସର ସହିତ ପ୍ରତ୍ୟେକ କଠିନ ପରିସ୍ଥିତିର ସମ୍ମୁଖୀନ ହୋଇଥିଲେ । କେବେ ସାହସ ହରାଇଲେ ନାହିଁ ଏବଂ ଶେଷରେ ସେ ନିଜ ପରିଶ୍ରମ ବଳରେ ନିଜର ସ୍ୱପ୍ନକୁ ସାକାର କଲେ । ସେ ଜଣେ ପାଇଲଟ୍ ହୋଇପାରିଛନ୍ତି । ତେବେ ଆସନ୍ତୁ ଜାଣିବା ତାଙ୍କ ସଫଳତାର ସମ୍ପୂର୍ଣ୍ଣ କାହାଣୀ ।

ଗରିବ ପରିବାରରେ ଜନ୍ମଗ୍ରହଣ କରିଥିଲେ ଶ୍ରୀକାନ୍ତ :-

ଶ୍ରୀକାନ୍ତ ପନ୍ତୱାନେଙ୍କ ଜନ୍ମ ନାଗପୁରରେ ଏକ ଅତ୍ୟନ୍ତ ଗରିବ ପରିବାରରେ ହୋଇଥିଲା । ତାଙ୍କର ପିଲାଦିନ ଦାରିଦ୍ରରେ ଅତିବାହିତ ହୋଇଥିଲା । ଶ୍ରୀକାନ୍ତଙ୍କ ବାପା ଜଗୁଆଳି ଭାବରେ କାମ କରୁଥିଲେ, ଯେଉଁଥିରେ ତାଙ୍କୁ ପରିବାରର ପ୍ରତିପୋଷଣ ସହିତ ପିଲାମାନଙ୍କର ଶିକ୍ଷା ଖର୍ଚ୍ଚ ବହନ କରିବାକୁ ପଡୁଥିଲା । ଶ୍ରୀକାନ୍ତ ପିଲାଦିନେ ପାଠପଢ଼ାରେ ବହୁତ ଦ୍ରୁତ ଥିଲେ ଏବଂ ଯେତେବେଳେ ସେ ବଡ ହେଲେ କିଛି ହେବାକୁ ଚାହୁଁଥିଲେ ।

କିନ୍ତୁ ବାପାଙ୍କ ରୋଜଗାର ଦ୍ଵାରା ବହୁତ୍ କଷ୍ଟରେ ପରିବାରର ଖର୍ଚ୍ଚ ହେଉଥିଲା । ଏଭଳି ପରିସ୍ଥିତିରେ ପାଠପଢ଼ା ପାଇଁ ଅଧିକ ଖର୍ଚ୍ଚ ପାଇବା ବାପାଙ୍କ ପାଇଁ ବହୁତ କଷ୍ଟସାଧ୍ୟ ଥିଲା । ପରିବାରର ଆର୍ଥିକ ଅବସ୍ଥା ଭଲ ନଥିଲେ ମଧ୍ୟ ଶ୍ରୀକାନ୍ତ ନିଜ ସାହାସ ହରାଇ ନଥିଲେ ।

ଡେଲିଭରି ବୟ କାମଠାରୁ ନେଇ ଅଟୋ ରିକ୍ସା ପର୍ଯ୍ୟନ୍ତ ଚଳାଇଲେ :-

ଶ୍ରୀକାନ୍ତ ବଡ ହେବା ସହ ତାଙ୍କୁ ପରିବାରର ଆର୍ଥିକ ପ୍ରତିବନ୍ଧକ ବ୍ୟଥିତ କରିବାକୁ ଲାଗିଲା । ଟଙ୍କା ଅଭାବରୁ ସେ ବିଦ୍ୟାଳୟରେ ପାଠ ପଢିବା ସମୟରେ ଡେଲିଭରି ବୟ ଭାବରେ ପାର୍ଟ ଟାଇମ୍ ଚାକିରି କରିବା ଆରମ୍ଭ କରିଥିଲେ । କିନ୍ତୁ ତାଙ୍କ ସ୍କୁଲ ପାଠପଢ଼ା ଶେଷ ହେବା ପରେ ଶ୍ରୀକାନ୍ତଙ୍କ ସମସ୍ୟା ଆହୁରି ବଢ଼ିବାକୁ ଲାଗିଲା । ତାଙ୍କୁ ପାଠପଢ଼ା ଏବଂ ପରିବାର ମଧ୍ୟରୁ ଗୋଟିଏକୁ ବାଛିବାର ଥିଲା ।

ଏଭଳି ପରିସ୍ଥିତିରେ ଶ୍ରୀକାନ୍ତ ଅଧ୍ୟୟନ ଛାଡି ପରିବାର ପାଇଁ ଟଙ୍କା ରୋଜଗାର କରିବା ଆରମ୍ଭ କରିଥିଲେ । ଘରର ଆର୍ଥିକ ସ୍ଥିତିକୁ ସୁଧାରିବା ପାଇଁ ଶ୍ରୀକାନ୍ତ ଗୋଟିଏ ଅଟୋ ରିକ୍ସା ମଧ୍ୟ ଚଳାଇଥିଲେ । କିନ୍ତୁ ତାଙ୍କ ଭିତରେ ଥିବା ଉତ୍ସାହ ଏବଂ ଜିଦ୍ ତାଙ୍କୁ କିଛି କରିବାକୁ ମଧ୍ୟ ଉତ୍ସାହିତ କରୁଥିଲା ।

ସମସ୍ୟା ସହ ଲଢି ନିଜ ସ୍ୱପ୍ନକୁ କଲେ ସାକାର :-

ବାସ୍ତବରେ, ଥରେ ଶ୍ରୀକାନ୍ତ ଏୟାରପୋର୍ଟକୁ ଡେଲିଭରି କରିବାକୁ ଯାଇଥିଲେ, ସେତେବେଳେ ସେ ଏକ ଉଡ଼ନ୍ତା ବିମାନ ଦେଖିଥିଲେ ଏବଂ ଏହା ତାଙ୍କ ସ୍ୱପ୍ନରେ ପାଲଟିଗଲା । ସେ ସ୍ଥିର କଲେ ଯେ ସେ ଜଣେ ପାଇଲଟ ହେବେ । ଏହି ସମୟରେ ଶ୍ରୀକାନ୍ତ ଏକ ଚା ଷ୍ଟଲ ବିକ୍ରେତାଙ୍କୁ ଭେଟିଥିଲେ, ଯିଏ ତାଙ୍କୁ ବେସାମରିକ ବିମାନ ଚଳାଚଳ ପାଇଲଟ ସ୍କଲାରସିପ ପ୍ରୋଗ୍ରାମ ନିର୍ଦ୍ଦେଶାଳୟ ବିଷୟରେ କହିଥିଲେ ।

ଶ୍ରୀକାନ୍ତ ସ୍କଲାରସିପ ପ୍ରୋଗ୍ରାମ ଅଧୀନରେ ମଧ୍ୟପ୍ରଦେଶରେ ଅବସ୍ଥିତ ଏକ ଫ୍ଲାଇଟ୍ ସ୍କୁଲରେ ନାମ ଲେଖାଇ ଏକ ବିମାନ ଉଡ଼ାଣରେ ତାଲିମ ନେବା ଆରମ୍ଭ କରିଥିଲେ । ଯେତେବେଳେ କି ସେ ଟଙ୍କା ରୋଜଗାର କରିବା ପାଇଁ ଏକ କମ୍ପାନୀରେ ମଧ୍ୟ କାମ କରୁଥିଲେ । ଏବେ ତାଙ୍କ ସାମ୍ନାରେ ସବୁଠାରୁ ବଡ ସମସ୍ୟା ଇଂରାଜୀ ଥିଲା । କିନ୍ତୁ ସେ ତାଙ୍କର ଦୁର୍ବଳତାକୁ ତାଙ୍କ ଉପରେ ଭାରି ହେବାକୁ ଦେଇନଥିଲେ ।

ଶ୍ରୀକାନ୍ତ ନିଜ ଦୁର୍ବଳତାକୁ ଶକ୍ତିରେ ପରିଣତ କଲେ । ଏହା ପରେ ଶ୍ରୀକାନ୍ତ ଫ୍ଲାଇଙ୍ଗ ପରୀକ୍ଷା ଦେଇଥିଲେ ଏବଂ ଏହାକୁ ପାସ କରିବାରେ ସଫଳ ହୋଇଥିଲେ, ଏହା ପରେ ସେ ଇଣ୍ଡିଗୋ ଏୟାରଲାଇନ୍ସ କମ୍ପାନୀରେ ପାଇଲଟ ଭାବରେ ଯୋଗ ଦେଇଥିଲେ । ସେ ତାଙ୍କ ଜୀବନର ସବୁ ସମସ୍ୟାର ମୁକାବିଲା କରି ତାଙ୍କର ସ୍ୱପ୍ନକୁ ସାକାର କଲେ । ତାଙ୍କର ଜିଦ୍ ହିଁ ତାଙ୍କୁ ପାଇଲଟ୍ କରିଦେଲା ।