ଜଣେ ବିବାହିତା ମହିଳାଙ୍କ ଦ୍ୱାରା ବାଧ୍ୟତାମୂଳକ ଗର୍ଭଧାରଣ ମେଡିକାଲ୍ ଟର୍ମିନେସନ୍ ଅଫ ପ୍ରେଗନେନ୍ସି ଆଇନ ଅନୁଯାୟୀ ଦୁଷ୍କର୍ମ ପରି ବ୍ୟବହାର କରାଯାଇପାରେ । ଗୁରୁବାର ଦିନ ଏକ ମାମଲାର ଶୁଣାଣି ବେଳେ ସୁପ୍ରିମକୋର୍ଟ ଏହି ନିର୍ଦ୍ଦେଶ ଦେଇଛନ୍ତି । ଗର୍ଭଧାରଣର ନିୟମ ମେଡିକାଲ ଟର୍ମିନେସନ୍ ଅଫ୍ ପ୍ରେଗନେନ୍ସି ଆଇନ ଅନୁଯାୟୀ ସ୍ଥିର କରାଯାଇଛି । ଏହାକୁ ନେଇ କୋର୍ଟ ସ୍ପଷ୍ଟ ଭାବରେ କହିଛନ୍ତି ଯେ ବିବାହିତ କିମ୍ବା ଅବିବାହିତା ମହିଳାଙ୍କ ସୁରକ୍ଷିତ ଗର୍ଭପାତ କରିବାର ଅଧିକାର ରହିଛି । ଗର୍ଭପାତ ଓ ଶରୀର ଉପରେ ମହିଳାଙ୍କ ଅଧିକାରକୁ ନେଇ ସୁପ୍ରିମକୋର୍ଟ ଏହି ବଡ ନିଷ୍ପତ୍ତି ଦେଇଛନ୍ତି ।
ଆହୁରି ମଧ୍ୟ ବିବାହିତ ମହିଳାମାନେ ମଧ୍ୟ ଦୁଷ୍କର୍ମର ଶିକାର ହୋଇପାରନ୍ତି । ଦୁଷ୍କର୍ମ ଅର୍ଥ ହେଉଛି ସମ୍ମତି ବିନା ଶାରୀରିକ ସମ୍ପର୍କ ରଖିବା ଓ ସାଥୀ ଦ୍ୱାରା ହିଂସା କରାଯିବାର ଏକ ସତ୍ୟତା । ଏପରି ପରିସ୍ଥିତିରେ ମହିଳା ମଧ୍ୟ ଗର୍ଭବତୀ ହୋଇପାରନ୍ତି । କୋର୍ଟ କହିଛନ୍ତି ଯେ ଯଦି ଜଣେ ମହିଳା ଏହିପରି ଯୌନ ଶୋଷଣ ଯୋଗୁଁ ଗର୍ଭବତୀ ହୁଅନ୍ତି, ତେବେ ତାହା ମଧ୍ୟ ଦୁଷ୍କର୍ମ ମନା ଯାଇପାରେ । କୋର୍ଟ କହିଛନ୍ତି, ‘ଯେକୌଣସି ଗର୍ଭବତୀ, ଯେଉଁଥିରେ ଯଦି ମହିଳା କୁହନ୍ତି ଯେ ଏହା ଜବରଦସ୍ତ ହୋଇଛି, ଏହାକୁ ଦୁଷ୍କର୍ମ ଭଳି ମନା ଯାଇପାରିବ ।’
ଏଥି ସହିତ ବିବାହିତ କିମ୍ବା ଅବିବାହିତ ସମସ୍ତ ମହିଳା ଗର୍ଭଧାରଣର ୨୪ ସପ୍ତାହ ଅର୍ଥାତ ୭ମାସ ପର୍ଯ୍ୟନ୍ତ ନିରାପଦ ତଥା ଆଇନଗତ ଗର୍ଭପାତ କରିପାରିବେ । ଏନେଇ ଗୁରୁବାର ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି । ଜଷ୍ଟିସ୍ ଚନ୍ଦ୍ରଚୁଡ଼, ଜେବି ପାରଦିବାଲା ଓ ଏଏସ ବୋପନ୍ନାଙ୍କ ଏକ ବେଞ୍ଚ ଗର୍ଭବତୀ ଆଇନର ମେଡିକାଲ୍ ଟର୍ମିନେସନର ବ୍ୟାଖ୍ୟା ଉପରେ ନିଷ୍ପତ୍ତି ନେଇ କହିଛନ୍ତି ଯେ ଜଣେ ମହିଳାଙ୍କର ଅବାଞ୍ଛିତ ଗର୍ଭଧାରଣ ନଷ୍ଟ କରିବା ପାଇଁ ବୈବାହିକ ସ୍ଥିତିକୁ ଆଧାର କରାଯିବା ଉଚିତ ନୁହେଁ । ଅବିବାହିତ ମହିଳାଙ୍କୁ ଗର୍ଭଧାରଣର ୨୪ ସପ୍ତାହ ପର୍ଯ୍ୟନ୍ତ ଗର୍ଭପାତ କରାଇବାକୁ ଅନୁମତି ଦିଆଯାଇଛି ।
ଏହାପୂର୍ବରୁ ମଧ୍ୟ ଗତ ମାସରେ, ବେଞ୍ଚ କହିଥିଲା ଯେ ଏହା ଏମଟିପି ଆକ୍ଟ ଇ ଆନୁସଙ୍ଗିକ ନିୟମକୁ ଏପରି ଭାବରେ ବ୍ୟାଖ୍ୟା କରିବ ଯାହା ଦ୍ୱାରା ବିବାହିତ ଓ ଅବିବାହିତା ମହିଳାଙ୍କ ମଧ୍ୟରେ ଭେଦଭାବ ଦୂର ହେବ ଓ ଗର୍ଭଧାରଣର ୨୪ ସପ୍ତାହ ପର୍ଯ୍ୟନ୍ତ ଗର୍ଭପାତ କରିବାକୁ ଅନୁମତି ଦିଆଯିବ । ଶୁଣାଣିରେ କୁହାଯାଇଛି ଯେ “ଅବିବାହିତା ମହିଳାଙ୍କୁ ସୁରକ୍ଷିତ ଗର୍ଭପାତ କରିବାର ଅଧିକାରରୁ ବଞ୍ଚିତ କରିବା ହେଉଛି ତାଙ୍କର ବ୍ୟକ୍ତିଗତ ସ୍ୱାଧୀନତା ଓ ସ୍ୱାଧୀନତାର ଉଲ୍ଲଂଘନ । କୋର୍ଟ ଲିଭ-ଇନ୍ ସମ୍ପର୍କକୁ ସ୍ୱୀକୃତି ଦେଇଛନ୍ତି ।”