ଗାଜିଆବାଦର ମଧୁବନ ବାପୁଧାମ୍ ଥାନା ଅଧୀନ ସଞ୍ଜୟ ନଗରରୁ ଏକ ଲୋମହର୍ଷଣକାରୀ ଘଟଣା ସାମ୍ନାକୁ ଆସିଛି। ଖବର ସୂତ୍ରରୁ ଜଣାପଡ଼ିଛି, ସ୍ୱାମୀଙ୍କ ଅବୈଧ ସମ୍ବନ୍ଧକୁ ନେଇ ପରିବାରରେ ବାରମ୍ବାର ଝଗଡା ହେଉଥିଲା। ଘଟଣା ଦିନ ସେ ମଦ୍ୟପାନ କରି ପତ୍ନୀଙ୍କୁ ମାଡ ମାରିଥିଲେ ଏବଂ ଏହାକୁ ନେଇ ଆଉ ଏକ ଯୁକ୍ତିତର୍କ ହୋଇଥିଲା। ପରେ ଯେତେବେଳେ ସେ ଶୋଇଥିଲେ, ତାଙ୍କ ପତ୍ନୀ ଏବଂ ଝିଅ ତାଙ୍କୁ ହତ୍ୟା କରିଥିଲେ।
ରବିବାର ସକାଳେ ବ୍ୟବସାୟୀଙ୍କ ମୃତଦେହ ତାଙ୍କ କାରରେ ପଡ଼ିଥିବାର ଦେଖିବାକୁ ମିଳିଥିଲା। କିଛି ଘଣ୍ଟା ମଧ୍ୟରେ ମାମଲାର ସମାଧାନ କରି ପୋଲିସ ହତ୍ୟାକାରୀ ପତ୍ନୀ ଏବଂ ଝିଅ ଦୁହିଁଙ୍କୁ ଗିରଫ କରିଥିଲା। ପୋଲିସର ପଚରାଉଚରା ବେଳେ ଅଭିଯୁକ୍ତ ସ୍ତ୍ରୀ ସାଲୁ କହିଥିଲେ ଯେ ତାଙ୍କ ସ୍ୱାମୀ ଅମିତ ବର୍ମାଙ୍କର ଜଣେ ମହିଳାଙ୍କ ସହ ଅବୈଧ ସମ୍ବନ୍ଧ ଥିଲା, ଯାହାକୁ ନେଇ ସ୍ୱାମୀ, ସ୍ତ୍ରୀଙ୍କ ମଧ୍ୟରେ ସବୁବେଳେ ଝଗଡା ହେଉଥିଲା। ଦୈନନ୍ଦିନ ସମସ୍ୟାରୁ ମୁକ୍ତି ପାଇବା ପାଇଁ ପତ୍ନୀ ଝିଅ ସହିତ ସ୍ୱାମୀଙ୍କୁ ହତ୍ୟା କରିଥିଲେ ବୋଲି ସ୍ଥାନୀୟ ଗଣମାଧ୍ୟମ ରିପୋର୍ଟ କରିଛି।
ପୋଲିସ କହିଛି ଯେ ସେମାନେ ଅମିତ ଭର୍ମାଙ୍କ ଘରେ ପହଞ୍ଚିବା ପରେ ରକ୍ତରେ ଦାଗ ଥିବା ଏକ ପଥର ଏବଂ କପଡା ପୋଛିଥିବା ଦେଖିବାକୁ ମିଳିଥିଲା। ଯେତେବେଳେ ପୋଲିସ ତାଙ୍କ ପତ୍ନୀ ଶାଲୁଙ୍କୁ ପଚରାଉଚରା କଲାବେଳେ ଜଣାପଡିଥିଲା ଯେ ଅମିତ ଅନ୍ୟ ଜଣେ ମହିଳାଙ୍କ ସହ ଅନୈତିକ ସମ୍ପର୍କ ରଖିଛନ୍ତି।ଅନେକ ଥର ଯେତେବେଳେ ଅମିତ ଅନ୍ୟ ଜଣେ ମହିଳାଙ୍କ ସହ ଆପତ୍ତିଜନକ ଅବସ୍ଥାରେ ଥିଲେ, ସେତେବେଳେ ସେ ତାଙ୍କ ପତ୍ନୀଙ୍କୁ ଭିଡିଓ କଲ କରୁଥିଲେ।
ପ୍ରାୟତଃଏହି ପ୍ରସଙ୍ଗରେ ଘରେ ଝଗଡା ହେଉଥିଲା। ଶନିବାର ରାତିରେ ମଧ୍ୟ ଘଟଣାର ଦିନ ଅମିତ ମଦ୍ୟପାନ କରିବା ପରେ ତାଙ୍କ ପତ୍ନୀଙ୍କୁ ଠେଲି ଦେଇଥିଲେ।ପୋଲିସ କହିଛି ଯେ ଅମିତଙ୍କ 16 ବର୍ଷର ନାବାଳିକା ଝିଅ ଏବଂ ପତ୍ନୀ ଶାଲୁ ଶନିବାର ରାତି ପ୍ରାୟ ଗୋଟାଏ ବେଳେ ତାଙ୍କୁ ପଥରରେ ଆଘାତ କରିଥିଲେ।ଏହି ମାମଲାରେ ମୃତକଙ୍କ ପତ୍ନୀ ଏବଂ ଝିଅକୁ ଗିରଫ କରାଯାିଇଛି।