ଛେଳି ବିକ୍ରି କରି ପୁଅ ସେଲିବ୍ରେଟ କରୁଥିଲା ନିଜ ବାର୍ଥଡେ, ମା ଅଟକାଇବାରୁ କରିଦେଲା ହତ୍ୟା

ରାଜସ୍ଥାନର ଝାଲାବାଡ଼ରେ ଜଣେ ନାବାଳକ ପୁଅ ଛେଳି ବିକ୍ରି କରି ନିଜର ଜନ୍ମଦିନ ମନାଉଥିଲା । ଏହାକୁ ନେଇ ଗାଳି କରିବାରୁ ଦୁଷ୍ଟ ପୁଅ ହାତୁଡି ମାରି ନିଜ ମାକୁ ହତ୍ୟା କରିଦେଲା । ସୂଚନା ପରେ ଘଟଣାସ୍ଥଳରେ ପହଞ୍ଚିଥିବା ପୋଲିସ ଘଟଣାର ଯାଞ୍ଚ କଲା । ପୋଲିସ ଶବକୁ ନିଜ କବଜାକୁ ନେଇ ବର୍ତ୍ତମାନ ଏହି ମାମଲାର ଯାଞ୍ଚ୍ ଆରମ୍ଭ କରିଦେଇଛି ।

ସୁନେଲ ଥାନା ଅଞ୍ଚଳର ଗାଁରେ ଜଣେ ନାବାଳକ ପୁଅ ନିଜର ଜନ୍ମଦିନ ମନାଇବାକୁ 5 ହଜାର ଟଙ୍କାରେ ଛେଳି ବିକ୍ରି କରିଦେଲା । ଯେତେବେଳେ ତା ମା ଏହାକୁ ବିରୋଧ କଲେ, ସେତେବେଳେ ନାବାଳକ ହାତୁଡି ମାରି ନିଜ ଜନ୍ମଦିନରେ ନିଜ ମାକୁ ହିଁ ମୃତ୍ୟୁ ମୁହଁକୁ ଠେଲିଦେଲା । ଏହାପରେ ଅଭିଯୁକ୍ତ ମାର ଶବକୁ ବାକ୍ସରେ ବନ୍ଦ୍ କରିଦେଲା ଏବଂ ଫେରାର ହୋଇଗଲା ।

ଯେତେବେଳେ ତା ବାପା ଘରେ ପହଞ୍ଚିଲେ, ସେତେବେଳେ ଘରେ ମା ଦେଖାଯାଇ ନଥିଲେ । ଏହାପରେ ଖୋଜାଖୋଜି କରିବାରୁ ବାକ୍ସରୁ ରକ୍ତ ବାହାରୁଥିବା ଦେଖିଲେ । ନାବାଳକର ବାପା ବାକ୍ସ ଖୋଲି ଦେଖିବାରୁ ସେଥିରୁ ମହିଳାଙ୍କ ଶବ ମିଳିଲା ।

ଅଭିଯୁକ୍ତକୁ ପଚରାଉଚରା କରୁଛି ପୋଲିସ :-

ଏହାପରେ ଅଭିଯୁକ୍ତଙ୍କ ବାପା ଶବକୁ ନେଇ ହସ୍ପିଟାଲରେ ପହଞ୍ଚିଲେ ଏବଂ ମାମଲାର ସୂଚନା ପୋଲିସକୁ ଦେଲେ । ପୋଲିସ ଏବଂ ଏଫଏଲଏଲ ଟିମ୍ ଘଟଣାସ୍ଥଳରେ ପହଞ୍ଚି ଯାଞ୍ଚ୍ କଲେ । ସେହିପରି ପୋଲିସ ଶବର ପୋଷ୍ଟମର୍ଟମ କରାଇଛି । ସୁନେଲ୍ ପୋଲିସ ଏହି ମାମଲା ରୁଜ୍ଜୁ କରି ଯାଞ୍ଚ୍ କରିବା ଆରମ୍ଭ କରିଦେଇଛି ।

ଏସପି ରୁଚା ତୋମର କହିଛନ୍ତି ଯେ ପୋଲିସ ଅଭିଯୁକ୍ତକୁ କଠୋର ଭାବେ ପଚରାଉଚରା କରୁଛି । ପୋଲିସ ଏହି ମାମଲାର ଯାଞ୍ଚ୍ କରୁଛି । ଏହି ଘଟଣାକୁ ନେଇ ସାରା ଅଞ୍ଚଳରେ ଲୋକମାନଙ୍କ ମଧ୍ୟରେ ହଇଚଇ ସୃଷ୍ଟି ହୋଇଛି । ଏହି ଘଟଣାରେ ଲୋକମାନେ ଆଶ୍ଚର୍ଯ୍ୟ ମଧ୍ୟ ହୋଇଯାଇଛନ୍ତି ।